ശ്രീമദ്വാല്മീകീയ രാമായണേ ബാലകാംഡമ് ।
അഥ സപ്തമസ്സര്ഗഃ ।
. തസ്യാമാത്യാ ഗുണൈരാസന്നിക്ഷ്വാകോസ്തു മഹാത്മനഃ ।
മംത്രജ്ഞാശ്ചേംഗിതജ്ഞാശ്ച നിത്യം പ്രിയഹിതേ രതാഃ ॥ 1 ॥
അഷ്ടൌ ബഭൂവുർവീരസ്യ തസ്യാമാത്യാ യശസ്വിനഃ ।
ശുചയശ്ചാനുരക്താശ്ച രാജകൃത്യേഷു നിത്യശഃ ॥ 2 ॥
ധൃഷ്ടിര്ജയംതോ വിജയസ്സിദ്ധാര്ഥോ ഹ്യര്ഥസാധകഃ ।
അശോകോ മംത്രപാലശ്ച സുമംത്രശ്ചാഷ്ടമോഽഭവത് ॥ 3 ॥
ഋത്വിജൌ ദ്വാവഭിമതൌ തസ്യാഽഽസ്താമൃഷിസത്തമൌ ।
വസിഷ്ഠോ വാമദേവശ്ച മംത്രിണശ്ച തഥാപരേ ॥ 4 ॥
വിദ്യാവിനീതാ ഹ്രീമംതഃ കുശലാ നിയതേംദ്രിയാഃ ।
ശ്രീമംതശ്ച മഹാത്മാനശ്ശാസ്ത്രജ്ഞാ ദൃഢവിക്രമാഃ ॥ 5 ॥
കീര്തിമംതഃ പ്രണിഹിതാഃ യഥാവചനകാരിണഃ ।
തേജഃ ക്ഷമായശഃപ്രാപ്താ സ്മിതപൂർവാഭിഭാഷിണഃ ॥ 6 ॥
ക്രോധാത്കാമാര്ഥഹേതോർവാ ന ബ്രൂയുരനൃതം വചഃ ।
തേഷാമവിദിതം കിംചിത്സ്വേഷു നാസ്തി പരേഷു വാ ।
ക്രിയമാണം കൃതം വാപി ചാരേണാപി ചികീര്ഷിതമ് ॥ 7 ॥
കുശലാ വ്യവഹാരേഷു സൌഹൃദേഷു പരീക്ഷിതാഃ ।
പ്രാപ്തകാലം തു തേ ദംഡം ധാരയേയുസ്സുതേഷ്വപി ॥ 8 ॥
കോശസംഗ്രഹണേ യുക്താ ബലസ്യ ച പരിഗ്രഹേ ।
അഹിതം ചാപി പുരുഷം ന വിഹിംസ്യുരദൂഷകമ് ॥ 9 ॥
വീരാശ്ച നിയതോത്സാഹാ രാജശാസ്ത്രമനുഷ്ഠിതാഃ ।
ശുചീനാം രക്ഷിതാരശ്ച നിത്യം വിഷയവാസിനാമ് ॥ 10 ॥
ബ്രഹ്മ ക്ഷത്രമഹിംസംതസ്തേ കോശം സമപൂരയന് ।
സുതീക്ഷ്ണദംഡാസ്സംപ്രേക്ഷ്യ പുരുഷസ്യ ബലാബലമ് ॥ 11 ॥
ശുചീനാമേകബുദ്ധീനാം സർവേഷാം സംപ്രജാനതാമ് ।
നാസീത്പുരേ വാ രാഷ്ട്രേ വാ മൃഷാവാദീ നരഃ ക്വചിത് ॥ 12 ॥
കശ്ചിന്ന ദുഷ്ടസ്തത്രാസീത്പരദാരരതോ നരഃ ।
പ്രശാംതം സർവമേവാസീദ്രാഷ്ട്രം പുരവരം ച തത് ॥ 13 ॥
സുവാസസസ്സുവേഷാശ്ച തേ ച സർവേ സുശീലിനഃ ।
ഹിതാര്ഥം ച നരേംദ്രസ്യ ജാഗ്രതോ നയചക്ഷുഷാ ॥ 14 ॥
ഗുരോര്ഗുണഗൃഹീതാശ്ച പ്രഖ്യാതാശ്ച പരാക്രമേ ।
വിദേശേഷ്വപി വിജ്ഞാതാസ്സർവതോ ബുദ്ധിനിശ്ചയാത് ॥ 15 ॥
സംധിവിഗ്രഹതത്ത്വജ്ഞാഃ പ്രകൃത്യാ സംപദാന്വിതാഃ ॥ 16 ॥
മംത്രസംവരണേ ശക്താശ്ശ്ലക്ഷ്ണാസ്സൂക്ഷ്മാസു ബുദ്ധിഷു ।
നീതിശാസ്ത്രവിശേഷജ്ഞാസ്സതതം പ്രിയവാദിനഃ ॥ 17 ॥
ഈദൃശൈസ്തൈരമാത്യൈസ്തു രാജാ ദശരഥോഽനഘഃ ।
ഉപപന്നോ ഗുണോപേതൈരന്വശാസദ്വസുംധരാമ് ॥ 18 ॥
അവേക്ഷമാണശ്ചാരേണ പ്രജാ ധര്മേണ രംജയന് ।
പ്രജാനാം പാലനം കുർവന്നധര്മാന്പരിവര്ജയന് ॥ 19 ॥
വിശ്രുതസ്ത്രിഷു ലോകേഷു വദാന്യസ്സത്യസംഗരഃ ।
സ തത്ര പുരുഷവ്യാഘ്രശ്ശശാസ പൃഥിവീമിമാമ് ॥ 20 ॥
നാധ്യഗച്ഛദ്വിശിഷ്ടം വാ തുല്യം വാ ശത്രുമാത്മനഃ ।
മിത്രവാന്നതസാമംതഃ പ്രതാപഹതകംടകഃ ॥ 21 ॥
സ ശശാസ ജഗദ്രാജാ ദിവം ദേവപതിര്യഥാ ।
തൈര്മംത്രിഭിര്മംത്രഹിതേ നിയുക്തൈ ർവൃതോഽനുരക്തൈഃ കുശലൈസ്സമര്ഥൈഃ ।
സ പാര്ഥിവോ ദീപ്തിമവാപ യുക്ത സ്തേജോമയൈര്ഗോഭിരിവോദിതോഽര്കഃ ॥ 22 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ ബാലകാംഡേ സപ്തമസ്സര്ഗഃ ॥
