ஶ்ரீமத்³வால்மீகீய ராமாயணே பா³லகாண்ட³ம் ।
அத² ஸப்தமஸ்ஸர்க:³ ।
. தஸ்யாமாத்யா கு³ணைராஸன்னிக்ஷ்வாகோஸ்து மஹாத்மன: ।
மந்த்ரஜ்ஞாஶ்சேங்கி³தஜ்ஞாஶ்ச நித்யம் ப்ரியஹிதே ரதா: ॥ 1 ॥
அஷ்டௌ ப³பூ⁴வுர்வீரஸ்ய தஸ்யாமாத்யா யஶஸ்வின: ।
ஶுசயஶ்சானுரக்தாஶ்ச ராஜக்ருத்யேஷு நித்யஶ: ॥ 2 ॥
த்⁴ருஷ்டிர்ஜயந்தோ விஜயஸ்ஸித்³தா⁴ர்தோ² ஹ்யர்த²ஸாத⁴க: ।
அஶோகோ மந்த்ரபாலஶ்ச ஸுமந்த்ரஶ்சாஷ்டமோப⁴வத் ॥ 3 ॥
ருத்விஜௌ த்³வாவபி⁴மதௌ தஸ்யாஸ்தாம்ருஷிஸத்தமௌ ।
வஸிஷ்டோ² வாமதே³வஶ்ச மந்த்ரிணஶ்ச ததா²பரே ॥ 4 ॥
வித்³யாவினீதா ஹ்ரீமந்த: குஶலா நியதேந்த்³ரியா: ।
ஶ்ரீமந்தஶ்ச மஹாத்மானஶ்ஶாஸ்த்ரஜ்ஞா த்³ருட⁴விக்ரமா: ॥ 5 ॥
கீர்திமந்த: ப்ரணிஹிதா: யதா²வசனகாரிண: ।
தேஜ: க்ஷமாயஶ:ப்ராப்தா ஸ்மிதபூர்வாபி⁴பா⁴ஷிண: ॥ 6 ॥
க்ரோதா⁴த்காமார்த²ஹேதோர்வா ந ப்³ரூயுரன்ருதம் வச: ।
தேஷாமவிதி³தம் கிஞ்சித்ஸ்வேஷு நாஸ்தி பரேஷு வா ।
க்ரியமாணம் க்ருதம் வாபி சாரேணாபி சிகீர்ஷிதம் ॥ 7 ॥
குஶலா வ்யவஹாரேஷு ஸௌஹ்ருதே³ஷு பரீக்ஷிதா: ।
ப்ராப்தகாலம் து தே த³ண்ட³ம் தா⁴ரயேயுஸ்ஸுதேஷ்வபி ॥ 8 ॥
கோஶஸங்க்³ரஹணே யுக்தா ப³லஸ்ய ச பரிக்³ரஹே ।
அஹிதம் சாபி புருஷம் ந விஹிம்ஸ்யுரதூ³ஷகம் ॥ 9 ॥
வீராஶ்ச நியதோத்ஸாஹா ராஜஶாஸ்த்ரமனுஷ்டி²தா: ।
ஶுசீனாம் ரக்ஷிதாரஶ்ச நித்யம் விஷயவாஸினாம் ॥ 1௦ ॥
ப்³ரஹ்ம க்ஷத்ரமஹிம்ஸந்தஸ்தே கோஶம் ஸமபூரயன் ।
ஸுதீக்ஷ்ணத³ண்டா³ஸ்ஸம்ப்ரேக்ஷ்ய புருஷஸ்ய ப³லாப³லம் ॥ 11 ॥
ஶுசீனாமேகபு³த்³தீ⁴னாம் ஸர்வேஷாம் ஸம்ப்ரஜானதாம் ।
நாஸீத்புரே வா ராஷ்ட்ரே வா ம்ருஷாவாதீ³ நர: க்வசித் ॥ 12 ॥
கஶ்சின்ன து³ஷ்டஸ்தத்ராஸீத்பரதா³ரரதோ நர: ।
ப்ரஶாந்தம் ஸர்வமேவாஸீத்³ராஷ்ட்ரம் புரவரம் ச தத் ॥ 13 ॥
ஸுவாஸஸஸ்ஸுவேஷாஶ்ச தே ச ஸர்வே ஸுஶீலின: ।
ஹிதார்த²ம் ச நரேந்த்³ரஸ்ய ஜாக்³ரதோ நயசக்ஷுஷா ॥ 14 ॥
கு³ரோர்கு³ணக்³ருஹீதாஶ்ச ப்ரக்²யாதாஶ்ச பராக்ரமே ।
விதே³ஶேஷ்வபி விஜ்ஞாதாஸ்ஸர்வதோ பு³த்³தி⁴னிஶ்சயாத் ॥ 15 ॥
ஸந்தி⁴விக்³ரஹதத்த்வஜ்ஞா: ப்ரக்ருத்யா ஸம்பதா³ன்விதா: ॥ 16 ॥
மந்த்ரஸம்வரணே ஶக்தாஶ்ஶ்லக்ஷ்ணாஸ்ஸூக்ஷ்மாஸு பு³த்³தி⁴ஷு ।
நீதிஶாஸ்த்ரவிஶேஷஜ்ஞாஸ்ஸததம் ப்ரியவாதி³ன: ॥ 17 ॥
ஈத்³ருஶைஸ்தைரமாத்யைஸ்து ராஜா த³ஶரதோ²னக:⁴ ।
உபபன்னோ கு³ணோபேதைரன்வஶாஸத்³வஸுந்த⁴ராம் ॥ 18 ॥
அவேக்ஷமாணஶ்சாரேண ப்ரஜா த⁴ர்மேண ரஞ்ஜயன் ।
ப்ரஜானாம் பாலனம் குர்வன்னத⁴ர்மான்பரிவர்ஜயன் ॥ 19 ॥
விஶ்ருதஸ்த்ரிஷு லோகேஷு வதா³ன்யஸ்ஸத்யஸங்க³ர: ।
ஸ தத்ர புருஷவ்யாக்⁴ரஶ்ஶஶாஸ ப்ருதி²வீமிமாம் ॥ 2௦ ॥
நாத்⁴யக³ச்ச²த்³விஶிஷ்டம் வா துல்யம் வா ஶத்ருமாத்மன: ।
மித்ரவான்னதஸாமந்த: ப்ரதாபஹதகண்டக: ॥ 21 ॥
ஸ ஶஶாஸ ஜக³த்³ராஜா தி³வம் தே³வபதிர்யதா² ।
தைர்மந்த்ரிபி⁴ர்மந்த்ரஹிதே நியுக்தை ர்வ்ருதோனுரக்தை: குஶலைஸ்ஸமர்தை²: ।
ஸ பார்தி²வோ தீ³ப்திமவாப யுக்த ஸ்தேஜோமயைர்கோ³பி⁴ரிவோதி³தோர்க: ॥ 22 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஸப்தமஸ்ஸர்க:³ ॥
