ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ப்ரத²மஸ்ஸர்க:³ ।
க³ச்ச²தா மாதுலகுலம் ப⁴ரதேன ததா³னக⁴ ।
ஶத்ருக்⁴னோ நித்யஶத்ருக்⁴னோ நீத: ப்ரீதிபுரஸ்க்ருத: ॥ 1 ॥
தத்ர ந்யவஸத்³ப்⁴ராத்ரா ஸஹ ஸத்காரஸத்க்ருத: ।
மாதுலேனாஶ்வபதினா புத்ரஸ்னேஹேன லாலித: ॥ 2 ॥
தத்ராபி நிவஸந்தௌ தௌ தர்ப்யமாணௌ ச காமத: ।
ப்⁴ராதரௌ ஸ்மரதாம் வீரௌ வ்ருத்³த⁴ம் த³ஶரத²ம் ந்ருபம் ॥ 3 ॥
ராஜாபி தௌ மஹாதேஜா ஸ்ஸஸ்மார ப்ரோஷிதௌ ஸுதௌ ।
உபௌ⁴ ப⁴ரதஶத்ருக்⁴னௌ மஹேந்த்³ரவருணோபமௌ ॥ 4 ॥
ஸர்வ ஏவ து தஸ்யேஷ்டா ஶ்சத்வார: புருஷர்ஷபா⁴: ।
ஸ்வஶரீராத்³வினிர்வ்ருத்தாஶ்சத்வார இவ பா³ஹவ: ॥ 5 ॥
தேஷாமபி மஹாதேஜா ராமோ ரதிகர:பிது: ।
ஸ்வயம்பூ⁴ரிவ பூ⁴தானாம் ப³பூ⁴வ கு³ணவத்தர: ॥ 6 ॥
ஸ ஹி தே³வைருதீ³ர்ணஸ்ய ராவணஸ்ய வதா⁴ர்தி²பி⁴: ।
அர்தி²தோ மானுஷே லோகே ஜஜ்ஞே விஷ்ணுஸ்ஸனாதன: ॥ 7 ॥
கௌஶல்யா ஶுஶுபே⁴ தேன புத்ரேணாமிததேஜஸா ।
யதா² வரேண தே³வானாமதி³திர்வஜ்ரபாணினா ॥ 8 ॥
ஸ ஹி ரூபோபபன்னஶ்ச வீர்யவானநஸூயக: ।
பூ⁴மௌவனுபமஸ்ஸூனுர்கு³ணைர்த³ஶரதோ²பம: ॥ 9 ॥
ஸ து நித்யம் ப்ரஶாந்தாத்மா ம்ருது³பூர்வம் ச பா⁴ஷதே ।
உச்யமானோபி பருஷம் நோத்தரம் ப்ரதிபத்³யதே ॥ 1௦ ॥
கத²ஞ்சிது³பகாரேண க்ருதேனைகேன துஷ்யதி ।
ந ஸ்மரத்யபகாராணாம் ஶதமப்யாத்மவத்தயா ॥ 11 ॥
ஶீலவ்ருத்³தை⁴ர்ஜ்ஞானவ்ருத்³தை⁴ர்வயோவ்ருத்³தை⁴ஶ்ச ஸஜ்ஜனை: ।
கத²யன்னாஸ்த வை நித்யமஸ்த்ரயோக்³யாந்தரேஷ்வபி ॥ 12 ॥
பு³த்³தி⁴மான்மது⁴ராபா⁴ஷீ பூர்வபா⁴ஷீ ப்ரியம்வத:³ ।
வீர்யவான்ன ச வீர்யேண மஹதா ஸ்வேன விஸ்மித: ॥ 13 ॥
நசான்ருதகதோ² வித்³வான் வ்ருத்³தா⁴னாம் ப்ரதிபூஜக: ।
அனுரக்த: ப்ரஜாபி⁴ஶ்ச ப்ரஜாஶ்சாப்யனுரஞ்ஜதே ॥ 14 ॥
ஸானுக்ரோஶோ ஜிதக்ரோதோ⁴ ப்³ராஹ்மணப்ரதிபூஜக: ।
தீ³னானுகம்பீ த⁴ர்மஜ்ஞோ நித்யம் ப்ரக்³ரஹவாம்ஶ்சுசி: ॥ 15 ॥
குலோசிதமதி: க்ஷாத்ரம் த⁴ர்மம் ஸ்வம் ப³ஹுமன்யதே ।
மன்யதே பரயா கீர்த்யா மஹத்ஸ்வர்க³ப²லம் தத: ॥ 16 ॥
நாஶ்ரேயஸி ரதோ வித்³வான்னவிருத்³த⁴கதா²ருசி: ।
உத்தரோத்தரயுக்தௌ ச வக்தா வாசஸ்பதிர்யதா² ॥ 17 ॥
அரோக³ஸ்தருணோ வாக்³மீ வபுஷ்மாந்தே³ஶகாலவித் ।
லோகே புருஷஸாரஜ்ஞ ஸ்ஸாது⁴ரேகோ வினிர்மித: ॥ 18 ॥
ஸ து ஶ்ரேஷ்டை²ர்கு³ணைர்யுக்த: ப்ரஜானாம் பார்தி²வாத்மஜ: ।
ப³ஹிஶ்சர இவ ப்ராணோ ப³பூ⁴வ கு³ணத: ப்ரிய: ॥ 19 ॥
ஸம்யக்³வித்³யாவ்ரதஸ்னாதோ யதா²வத்ஸாங்க³வேத³வித் ।
இஷ்வஸ்த்ரே ச பிது ஶ்ஶ்ரேஷ்டோ² ப³பூ⁴வ ப⁴ரதாக்³ரஜ: ॥ 2௦ ॥
கல்யாணாபி⁴ஜன ஸ்ஸாது⁴ரதீ³ன ஸ்ஸத்யவாக்³ருஜு: ।
வ்ருத்³தை⁴ரபி⁴வினீதஶ்ச த்³விஜைர்த⁴ர்மார்த²த³ர்ஶிபி⁴: ॥ 21 ॥
த⁴ர்மகாமார்த²தத்த்வஜ்ஞ: ஸ்ம்ருதிமான்ப்ரதிபா⁴னவான் ।
லௌகிகே ஸமயாசாரே க்ருதகல்போ விஶாரத:³ ॥ 22 ॥
நிப்⁴ருத ஸ்ஸம்வ்ருதாகாரோ கு³ப்தமந்த்ர ஸ்ஸஹாயவான் ।
அமோக⁴க்ரோத⁴ஹர்ஷஶ்ச த்யாக³ஸம்யமகாலவித் ॥ 23 ॥
த்³ருட⁴ப⁴க்தி ஸ்ஸ்தி²ரப்ரஜ்ஞோ நாஸத்³க்³ராஹீ ந து³ர்வசா: ।
நிஸ்தந்த்³ரிரப்ரமத்தஶ்ச ஸ்வதோ³ஷபரதோ³ஷவித் ॥ 24 ॥
ஶாஸ்த்ரஜ்ஞஶ்ச க்ருதஜ்ஞஶ்ச புருஷாந்தரகோவித:³ ।
ய: ப்ரக்³ரஹானுக்³ரஹயோர்யதா²ன்யாயம் விசக்ஷண: ॥ 25 ॥
ஸத்ஸங்க்³ரஹப்ரக்³ரஹணே ஸ்தா²னவின்னிக்³ரஹஸ்ய ச ।
ஆயகர்மண்யுபாயஜ்ஞ ஸ்ஸந்த்³ருஷ்டவ்யயகர்மவித் ॥ 26 ॥
ஶ்ரைஷ்ட்²யம் ஶாஸ்த்ரஸமூஹேஷு ப்ராப்தோ வ்யாமிஶ்ரகேஷு ச ।
அர்த²த⁴மௌ ச ஸங்க்³ருஹ்ய ஸுக²தந்த்ரோ ந சாலஸ: ॥ 27 ॥
வைஹாரிகாணாம் ஶில்பானாம் விஜ்ஞாதார்த²விபா⁴க³வித் ।
ஆரோஹே வினயே சைவ யுக்தோ வாரணவாஜினாம் ॥ 28 ॥
த⁴னுர்வேத³விதா³ம் ஶ்ரேஷ்டோ² லோகேதிரத²ஸம்மத: ।
அபி⁴யாதா ப்ரஹர்தா ச ஸேனானயவிஶாரத:³ ॥ 29 ॥
அப்ரத்⁴ருஷ்யஶ்ச ஸங்க்³ராமே க்ருத்⁴தை³ரபி ஸுராஸுரை: ।
அனஸூயோ ஜிதக்ரோதோ⁴ ந த்³ருப்தோ ந ச மத்ஸரீ ।
ந சாவமந்தா பூ⁴தானாம் ந ச காலவஶானுக:³ ॥ 3௦ ॥
ஏவம் ஶ்ரேஷ்ட²கு³ணைர்யுக்த: ப்ரஜானாம் பார்தி²வாத்மஜ: ।
ஸம்மதஸ்த்ரிஷு லோகேஷு வஸுதா⁴யா: க்ஷமாகு³ணை: ॥ 31 ॥
பு³த்³த்⁴யா ப்³ருஹஸ்பதேஸ்துல்யோ வீர்யேணாபி ஶசீபதே: ।
ததா² ஸர்வப்ரஜாகாந்தை: ப்ரீதிஸஞ்ஜனநை: பிது: ॥ 32 ॥
கு³ணைர்விருருசே ராமோ தீ³ப்தஸ்ஸூர்ய இவாம்ஶுபி⁴: ।
தமேவம் வ்ரதஸம்பன்னமப்ரத்⁴ருஷ்யபராக்ரமம் ॥ 33 ॥
லோக பாலோபமம் நாத²மகாமயத மேதி³னீ ।
ஏதைஸ்து ப³ஹுபி⁴ர்யுக்தம் கு³ணைரனுபமைஸ்ஸுதம் ॥ 34 ॥
த்³ருஷ்ட்வா த³ஶரதோ² ராஜா சக்ரே சிந்தாம் பரந்தப: ।
அத² ராஜ்ஞோ ப³பூ⁴வைவம் வ்ருத்³த⁴ஸ்ய சிரஜீவின: ॥ 35 ॥
ப்ரீதிரேஷா கத²ம் ராமோ ராஜா ஸ்யான்மயி ஜீவதி ।
ஏஷா ஹ்யஸ்ய பரா ப்ரீதிர்ஹ்ருதி³ ஸம்பரிவர்ததே ॥ 36 ॥
கதா³ நாம ஸுதம் த்³ரக்ஷ்யாம்யபி⁴ஷிக்தமஹம் ப்ரியம் ।
வ்ருத்³தி⁴காமோ ஹி லோகஸ்ய ஸர்வபூ⁴தானுகம்பன: ॥ 37 ॥
மத்த: ப்ரியதரோ லோகே பர்ஜன்ய இவ வ்ருஷ்டிமான் ।
யமஶக்ரஸமோ வீர்யே ப்³ருஹஸ்பதிஸமோ மதௌ ॥ 38 ॥
மஹீத⁴ரஸமோ த்⁴ருத்யாம் மத்தஶ்ச கு³ணவத்தர: ।
மஹீமஹமிமாம் க்ருத்ஸ்னாமதி⁴திஷ்ட²ந்தமாத்மஜம் ॥ 39 ॥
அனேன வயஸா த்³ருஷ்ட்வா யதா²ஸ்வர்க³மவாப்னுயாம் ।
இத்யேதைர்விவிதை⁴ஸ்தைஸ்தைரன்யபார்தி²வது³ர்லபை⁴: ॥ 4௦ ॥
ஶிஷ்டைரபரிமேயைஶ்ச லோகே லோகோத்தரைர்கு³ணை: ।
தம் ஸமீக்ஷ்ய மஹாராஜோ யுக்தம் ஸமுதி³தைஶ்ஶுபை⁴: ॥ 41 ॥
நிஶ்சித்ய ஸசிவைஸ்ஸார்த⁴ம் யுவராஜமமன்யத ।
தி³வ்யந்தரிக்ஷே பூ⁴மௌ ச கோ⁴ரமுத்பாதஜம் ப⁴யம் ॥ 42 ॥
ஸஞ்சசக்ஷேத² மேதா⁴வீ ஶரீரே சாத்மனோ ஜராம் ।
பூர்ணசந்த்³ரானநஸ்யாத² ஶோகாபனுத³மாத்மன: ॥ 43 ॥
லோகே ராமஸ்ய பு³பு³தே⁴ ஸம்ப்ரியத்வம் மஹாத்மன: ।
ஆத்மனஶ்ச ப்ரஜானாம் ச ஶ்ரேயஸே ச ப்ரியேண ச ॥ 44 ॥
ப்ராப்தகாலேன த⁴ர்மாத்மா ப⁴க்த்யா த்வரிதவான் ந்ருப: ।
நானானக³ரவாஸ்தவ்யான்ப்ருத²க்³ஜானபதா³னபி ॥ 45 ॥
ஸமானினாய மேதி³ன்யா: ப்ரதா⁴னான்ப்ருதி²வீபதீன் ।
ந து கேகயராஜானம் ஜனகம் வா நராதி⁴ப: ॥ 46 ॥
த்வரயா சானயாமாஸ பஶ்சாத்தௌ ஶ்ரோஷ்யத: ப்ரியம் ।
தான்வேஶ்மனானாப⁴ரணைர்யதா²ர்ஹம் ப்ரதிபூஜிதான் ॥ 47 ॥
த³த³ர்ஶாலங்க்ருதோ ராஜா ப்ரஜாபதிரிவ ப்ரஜா: ।
அதோ²பவிஷ்டே ந்ருபதௌ தஸ்மின்பரப³லார்த³னே ॥ 48 ॥
தத: ப்ரவிவிஶு ஶ்ஶேஷா ராஜானோ லோகஸம்மதா: ।
அத² ராஜவிதீர்ணேஷு விவிதே⁴ஷ்வாஸனேஷு ச ॥ 49 ॥
ராஜானமேவாபி⁴முகா²: நிஷேது³ர்னியதா ந்ருபா: ।
ஸலப்³த⁴மானைர்வினயான்விதைர்ன்ருபை: புராலயைர்ஜானபதை³ஶ்ச மானதை³: ।
உபோபவிஷ்டைர்ன்ருபதிர்வ்ருதோ ப³பௌ⁴ ஸஹஸ்ரசக்ஷுர்ப⁴க³வானிவாமரை: ॥ 5௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ப்ரத²மஸ்ஸர்க:³ ॥
