VR 2.101 Ayodhya Kanda - Sarga 101 - Telugu

Collection of Spiritual and Devotional Literature in Various Indian Languages

View this in:

This document is in సరళ తెలుగు with simplified anusvaras. View this in శుద్ధ తెలుగు, with correct anusvaras marked.

2.101 అయోధ్యాకాండ - ఏకాధికశతతమ సర్గః

శ్రీమద్వాల్మీకీయ రామాయణే అయోధ్యాకాండమ్ ।
అథ ఏకాధికశతతమస్సర్గః ।

రామస్య వచనం శ్రుత్వా భరతః ప్రత్యువాచ హ ।
కిం మే ధర్మాద్విహీనస్య రాజధర్మః కరిష్యతి ॥ 1 ॥

కిం ఏతద్ ఇగ్చ్ఛేయం అహం శ్రోతుం ప్రవ్యాహృతం త్వయా ।
యస్మాత్ త్వం ఆగతో దేశం ఇమం చీర జటా అజినీ ॥ 2 ॥

స సమృద్ధాం మయా సార్ధమయోధ్యాం గచ్ఛ రాఘవ ।
అభిషేచయచాత్మానం కులస్యాస్య భవాయ నః ॥ 3 ॥

రాజానం మానుషం ప్రాహు ర్దేవత్వే సమ్మతో మమ ।
యస్య ధర్మార్థసహితం వృత్తమాహురమానుషమ్ ॥ 4 ॥

కేకయస్థే చ మయి తు త్వయి చారణ్య మాశ్రితే ।
దివమార్యో గతో రాజా యాయజూకః సతాం మతః ॥ 5 ॥

నిష్క్రాంతమాత్రే భవతి ససీతే సహలక్ష్మణే ।
దుఃఖశోకాభిభూతస్తు రాజా త్రిదివమభ్యగాత్ ॥ 6 ॥

ఉత్తిష్ఠ పురుషవ్యాఘ్ర క్రియతాముదకం పితుః ।
అహం చాయం చ శత్రుఘ్నః పూర్వమేవ కృతోదకౌ ॥ 7 ॥

ప్రియేణ కిల దత్తం హి పితృలోకేషు రాఘవ ।
అక్షయ్యం భవతీత్యాహుర్భవాంశ్చైవ పితుః ప్రియః ॥ 8 ॥

త్వామేవ శోచంస్తవ దర్శనేప్సుస్త్వయ్యేవ సక్తామనివర్త్య బుద్ధిమ్ ।
త్వయా విహీన స్తవ శోకమగ్నస్త్వాం సంస్మరన్నస్తమితః పితా తే ॥ 9 ॥

ఇత్యార్షే శ్రీమద్రామాయణే వాల్మీకీయ ఆదికావ్యే అయోధ్యాకాండే ఏకాధికశతతమస్సర్గః ॥

Browse Related Categories: