ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஏகாதி⁴கஶததமஸ்ஸர்க:³ ।
ராமஸ்ய வசனம் ஶ்ருத்வா ப⁴ரத: ப்ரத்யுவாச ஹ ।
கிம் மே த⁴ர்மாத்³விஹீனஸ்ய ராஜத⁴ர்ம: கரிஷ்யதி ॥ 1 ॥
கிம் ஏதத்³ இக்³ச்சே²யம் அஹம் ஶ்ரோதும் ப்ரவ்யாஹ்ருதம் த்வயா ।
யஸ்மாத் த்வம் ஆக³தோ தே³ஶம் இமம் சீர ஜடா அஜினீ ॥ 2 ॥
ஸ ஸம்ருத்³தா⁴ம் மயா ஸார்த⁴மயோத்⁴யாம் க³ச்ச² ராக⁴வ ।
அபி⁴ஷேசயசாத்மானம் குலஸ்யாஸ்ய ப⁴வாய ந: ॥ 3 ॥
ராஜானம் மானுஷம் ப்ராஹு ர்தே³வத்வே ஸம்மதோ மம ।
யஸ்ய த⁴ர்மார்த²ஸஹிதம் வ்ருத்தமாஹுரமானுஷம் ॥ 4 ॥
கேகயஸ்தே² ச மயி து த்வயி சாரண்ய மாஶ்ரிதே ।
தி³வமார்யோ க³தோ ராஜா யாயஜூக: ஸதாம் மத: ॥ 5 ॥
நிஷ்க்ராந்தமாத்ரே ப⁴வதி ஸஸீதே ஸஹலக்ஷ்மணே ।
து³:க²ஶோகாபி⁴பூ⁴தஸ்து ராஜா த்ரிதி³வமப்⁴யகா³த் ॥ 6 ॥
உத்திஷ்ட² புருஷவ்யாக்⁴ர க்ரியதாமுத³கம் பிது: ।
அஹம் சாயம் ச ஶத்ருக்⁴ன: பூர்வமேவ க்ருதோத³கௌ ॥ 7 ॥
ப்ரியேண கில த³த்தம் ஹி பித்ருலோகேஷு ராக⁴வ ।
அக்ஷய்யம் ப⁴வதீத்யாஹுர்ப⁴வாம்ஶ்சைவ பிது: ப்ரிய: ॥ 8 ॥
த்வாமேவ ஶோசம்ஸ்தவ த³ர்ஶனேப்ஸுஸ்த்வய்யேவ ஸக்தாமனிவர்த்ய பு³த்³தி⁴ம் ।
த்வயா விஹீன ஸ்தவ ஶோகமக்³னஸ்த்வாம் ஸம்ஸ்மரன்னஸ்தமித: பிதா தே ॥ 9 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஏகாதி⁴கஶததமஸ்ஸர்க:³ ॥
