VR 2.101 Ayodhya Kanda - Sarga 101 - Konkani

This document is in सरल देवनागरी (Devanagari) script, which is commonly used for Konkani language. You can also view this in ಕನ್ನಡ (Kannada) script, which is also sometimes used for Konkani language.

2.101 अयोध्याकांड - एकाधिकशततम सर्गः

श्रीमद्वाल्मीकीय रामायणे अयोध्याकांडम् ।
अथ एकाधिकशततमस्सर्गः ।

रामस्य वचनं श्रुत्वा भरतः प्रत्युवाच ह ।
किं मे धर्माद्विहीनस्य राजधर्मः करिष्यति ॥ 1 ॥

किं एतद् इग्च्छेयं अहं श्रोतुं प्रव्याहृतं त्वया ।
यस्मात् त्वं आगतो देशं इमं चीर जटा अजिनी ॥ 2 ॥

स समृद्धां मया सार्धमयोध्यां गच्छ राघव ।
अभिषेचयचात्मानं कुलस्यास्य भवाय नः ॥ 3 ॥

राजानं मानुषं प्राहु र्देवत्वे सम्मतो मम ।
यस्य धर्मार्थसहितं वृत्तमाहुरमानुषम् ॥ 4 ॥

केकयस्थे च मयि तु त्वयि चारण्य माश्रिते ।
दिवमार्यो गतो राजा यायजूकः सतां मतः ॥ 5 ॥

निष्क्रांतमात्रे भवति ससीते सहलक्ष्मणे ।
दुःखशोकाभिभूतस्तु राजा त्रिदिवमभ्यगात् ॥ 6 ॥

उत्तिष्ठ पुरुषव्याघ्र क्रियतामुदकं पितुः ।
अहं चायं च शत्रुघ्नः पूर्वमेव कृतोदकौ ॥ 7 ॥

प्रियेण किल दत्तं हि पितृलोकेषु राघव ।
अक्षय्यं भवतीत्याहुर्भवांश्चैव पितुः प्रियः ॥ 8 ॥

त्वामेव शोचंस्तव दर्शनेप्सुस्त्वय्येव सक्तामनिवर्त्य बुद्धिम् ।
त्वया विहीन स्तव शोकमग्नस्त्वां संस्मरन्नस्तमितः पिता ते ॥ 9 ॥

इत्यार्षे श्रीमद्रामायणे वाल्मीकीय आदिकाव्ये अयोध्याकांडे एकाधिकशततमस्सर्गः ॥

Browse Related Categories: