śrīmadvālmīkīya rāmāyaṇē ayōdhyākāṇḍam ।
atha ēkādhikaśatatamassargaḥ ।
rāmasya vachanaṃ śrutvā bharataḥ pratyuvācha ha ।
kiṃ mē dharmādvihīnasya rājadharmaḥ kariṣyati ॥ 1 ॥
kiṃ ētad igchChēyaṃ ahaṃ śrōtuṃ pravyāhṛtaṃ tvayā ।
yasmāt tvaṃ āgatō dēśaṃ imaṃ chīra jaṭā ajinī ॥ 2 ॥
sa samṛddhāṃ mayā sārdhamayōdhyāṃ gachCha rāghava ।
abhiṣēchayachātmānaṃ kulasyāsya bhavāya naḥ ॥ 3 ॥
rājānaṃ mānuṣaṃ prāhu rdēvatvē sammatō mama ।
yasya dharmārthasahitaṃ vṛttamāhuramānuṣam ॥ 4 ॥
kēkayasthē cha mayi tu tvayi chāraṇya māśritē ।
divamāryō gatō rājā yāyajūkaḥ satāṃ mataḥ ॥ 5 ॥
niṣkrāntamātrē bhavati sasītē sahalakṣmaṇē ।
duḥkhaśōkābhibhūtastu rājā tridivamabhyagāt ॥ 6 ॥
uttiṣṭha puruṣavyāghra kriyatāmudakaṃ pituḥ ।
ahaṃ chāyaṃ cha śatrughnaḥ pūrvamēva kṛtōdakau ॥ 7 ॥
priyēṇa kila dattaṃ hi pitṛlōkēṣu rāghava ।
akṣayyaṃ bhavatītyāhurbhavāṃśchaiva pituḥ priyaḥ ॥ 8 ॥
tvāmēva śōchaṃstava darśanēpsustvayyēva saktāmanivartya buddhim ।
tvayā vihīna stava śōkamagnastvāṃ saṃsmarannastamitaḥ pitā tē ॥ 9 ॥
ityārṣē śrīmadrāmāyaṇē vālmīkīya ādikāvyē ayōdhyākāṇḍē ēkādhikaśatatamassargaḥ ॥
