শ্রীমদ্বাল্মীকীয় রামাযণে অয়োধ্য়াকাংডম্ ।
অথ একাধিকশততমস্সর্গঃ ।
রামস্য় বচনং শ্রুত্বা ভরতঃ প্রত্য়ুবাচ হ ।
কিং মে ধর্মাদ্বিহীনস্য় রাজধর্মঃ করিষ্যতি ॥ 1 ॥
কিং এতদ্ ইগ্চ্ছেয়ং অহং শ্রোতুং প্রব্য়াহৃতং ত্বয়া ।
যস্মাত্ ত্বং আগতো দেশং ইমং চীর জটা অজিনী ॥ 2 ॥
স সমৃদ্ধাং ময়া সার্ধময়োধ্য়াং গচ্ছ রাঘব ।
অভিষেচযচাত্মানং কুলস্য়াস্য় ভবায় নঃ ॥ 3 ॥
রাজানং মানুষং প্রাহু র্দেবত্বে সম্মতো মম ।
যস্য় ধর্মার্থসহিতং বৃত্তমাহুরমানুষম্ ॥ 4 ॥
কেকযস্থে চ ময়ি তু ত্বয়ি চারণ্য় মাশ্রিতে ।
দিবমার্য়ো গতো রাজা যাযজূকঃ সতাং মতঃ ॥ 5 ॥
নিষ্ক্রাংতমাত্রে ভবতি সসীতে সহলক্ষ্মণে ।
দুঃখশোকাভিভূতস্তু রাজা ত্রিদিবমভ্যগাত্ ॥ 6 ॥
উত্তিষ্ঠ পুরুষব্য়াঘ্র ক্রিযতামুদকং পিতুঃ ।
অহং চায়ং চ শত্রুঘ্নঃ পূর্বমেব কৃতোদকৌ ॥ 7 ॥
প্রিয়েণ কিল দত্তং হি পিতৃলোকেষু রাঘব ।
অক্ষয়্য়ং ভবতীত্য়াহুর্ভবাংশ্চৈব পিতুঃ প্রিয়ঃ ॥ 8 ॥
ত্বামেব শোচংস্তব দর্শনেপ্সুস্ত্বয়্য়েব সক্তামনিবর্ত্য় বুদ্ধিম্ ।
ত্বয়া বিহীন স্তব শোকমগ্নস্ত্বাং সংস্মরন্নস্তমিতঃ পিতা তে ॥ 9 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একাধিকশততমস্সর্গঃ ॥
