ଶ୍ରୀମଦ୍ଵାଲ୍ମୀକୀୟ ରାମାୟଣେ ଅୟୋଧ୍ୟାକାଂଡମ୍ ।
ଅଥ ଏକାଧିକଶତତମସ୍ସର୍ଗଃ ।
ରାମସ୍ୟ ଵଚନଂ ଶ୍ରୁତ୍ଵା ଭରତଃ ପ୍ରତ୍ୟୁଵାଚ ହ ।
କିଂ ମେ ଧର୍ମାଦ୍ଵିହୀନସ୍ୟ ରାଜଧର୍ମଃ କରିଷ୍ୟତି ॥ 1 ॥
କିଂ ଏତଦ୍ ଇଗ୍ଚ୍ଛେୟଂ ଅହଂ ଶ୍ରୋତୁଂ ପ୍ରଵ୍ୟାହୃତଂ ତ୍ଵୟା ।
ୟସ୍ମାତ୍ ତ୍ଵଂ ଆଗତୋ ଦେଶଂ ଇମଂ ଚୀର ଜଟା ଅଜିନୀ ॥ 2 ॥
ସ ସମୃଦ୍ଧାଂ ମୟା ସାର୍ଧମୟୋଧ୍ୟାଂ ଗଚ୍ଛ ରାଘଵ ।
ଅଭିଷେଚୟଚାତ୍ମାନଂ କୁଲସ୍ୟାସ୍ୟ ଭଵାୟ ନଃ ॥ 3 ॥
ରାଜାନଂ ମାନୁଷଂ ପ୍ରାହୁ ର୍ଦେଵତ୍ଵେ ସମ୍ମତୋ ମମ ।
ୟସ୍ୟ ଧର୍ମାର୍ଥସହିତଂ ଵୃତ୍ତମାହୁରମାନୁଷମ୍ ॥ 4 ॥
କେକୟସ୍ଥେ ଚ ମୟି ତୁ ତ୍ଵୟି ଚାରଣ୍ୟ ମାଶ୍ରିତେ ।
ଦିଵମାର୍ୟୋ ଗତୋ ରାଜା ୟାୟଜୂକଃ ସତାଂ ମତଃ ॥ 5 ॥
ନିଷ୍କ୍ରାଂତମାତ୍ରେ ଭଵତି ସସୀତେ ସହଲକ୍ଷ୍ମଣେ ।
ଦୁଃଖଶୋକାଭିଭୂତସ୍ତୁ ରାଜା ତ୍ରିଦିଵମଭ୍ୟଗାତ୍ ॥ 6 ॥
ଉତ୍ତିଷ୍ଠ ପୁରୁଷଵ୍ୟାଘ୍ର କ୍ରିୟତାମୁଦକଂ ପିତୁଃ ।
ଅହଂ ଚାୟଂ ଚ ଶତ୍ରୁଘ୍ନଃ ପୂର୍ଵମେଵ କୃତୋଦକୌ ॥ 7 ॥
ପ୍ରିୟେଣ କିଲ ଦତ୍ତଂ ହି ପିତୃଲୋକେଷୁ ରାଘଵ ।
ଅକ୍ଷୟ୍ୟଂ ଭଵତୀତ୍ୟାହୁର୍ଭଵାଂଶ୍ଚୈଵ ପିତୁଃ ପ୍ରିୟଃ ॥ 8 ॥
ତ୍ଵାମେଵ ଶୋଚଂସ୍ତଵ ଦର୍ଶନେପ୍ସୁସ୍ତ୍ଵୟ୍ୟେଵ ସକ୍ତାମନିଵର୍ତ୍ୟ ବୁଦ୍ଧିମ୍ ।
ତ୍ଵୟା ଵିହୀନ ସ୍ତଵ ଶୋକମଗ୍ନସ୍ତ୍ଵାଂ ସଂସ୍ମରନ୍ନସ୍ତମିତଃ ପିତା ତେ ॥ 9 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ଅୟୋଧ୍ୟାକାଂଡେ ଏକାଧିକଶତତମସ୍ସର୍ଗଃ ॥
