ශ්රීමද්වාල්මීකීය රාමායණේ අයෝධ්යාකාංඩම් ।
අථ ඒකාධිකශතතමස්සර්ගඃ ।
රාමස්ය වචනං ශ්රුත්වා භරතඃ ප්රත්යුවාච හ ।
කිං මේ ධර්මාද්විහීනස්ය රාජධර්මඃ කරිෂ්යති ॥ 1 ॥
කිං ඒතද් ඉග්ච්ඡේයං අහං ශ්රෝතුං ප්රව්යාහෘතං ත්වයා ।
යස්මාත් ත්වං ආගතෝ දේශං ඉමං චීර ජටා අජිනී ॥ 2 ॥
ස සමෘද්ධාං මයා සාර්ධමයෝධ්යාං ගච්ඡ රාඝව ।
අභිෂේචයචාත්මානං කුලස්යාස්ය භවාය නඃ ॥ 3 ॥
රාජානං මානුෂං ප්රාහු ර්දේවත්වේ සම්මතෝ මම ।
යස්ය ධර්මාර්ථසහිතං වෘත්තමාහුරමානුෂම් ॥ 4 ॥
කේකයස්ථේ ච මයි තු ත්වයි චාරණ්ය මාශ්රිතේ ।
දිවමාර්යෝ ගතෝ රාජා යායජූකඃ සතාං මතඃ ॥ 5 ॥
නිෂ්ක්රාංතමාත්රේ භවති සසීතේ සහලක්ෂ්මණේ ।
දුඃඛශෝකාභිභූතස්තු රාජා ත්රිදිවමභ්යගාත් ॥ 6 ॥
උත්තිෂ්ඨ පුරුෂව්යාඝ්ර ක්රියතාමුදකං පිතුඃ ।
අහං චායං ච ශත්රුඝ්නඃ පූර්වමේව කෘතෝදකෞ ॥ 7 ॥
ප්රියේණ කිල දත්තං හි පිතෘලෝකේෂු රාඝව ।
අක්ෂය්යං භවතීත්යාහුර්භවාංශ්චෛව පිතුඃ ප්රියඃ ॥ 8 ॥
ත්වාමේව ශෝචංස්තව දර්ශනේප්සුස්ත්වය්යේව සක්තාමනිවර්ත්ය බුද්ධිම් ।
ත්වයා විහීන ස්තව ශෝකමග්නස්ත්වාං සංස්මරන්නස්තමිතඃ පිතා තේ ॥ 9 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ ඒකාධිකශතතමස්සර්ගඃ ॥
