শ্রীমদ্বাল্মীকীয় রামাযণে অয়োধ্য়াকাংডম্ ।
অথ পংচাধিকশততমস্সর্গঃ ।
ততঃ পুরুষসিংহানাং বৃতানাং তৈ স্সুহৃদ্গণৈঃ ।
শোচতামেব রজনী দুঃখেন ব্যত্যবর্তত ॥ 1 ॥
রজন্য়াং সুপ্রভাতায়াং ভ্রাতরস্তে সুহৃদ্বৃতাঃ ।
মংদাকিন্য়াং হুতং জপ্য়ং কৃত্বা রামমুপাগমন্ ॥ 2 ॥
তূষ্ণীং তে সমুপাসীনা ন কশ্চিত্কিংচিদব্রবীত্ ।
ভরতস্তু সুহৃন্মধ্য়ে রামং বচনমব্রবীত্ ॥ 3 ॥
সাংত্বিতা মামিকা মাতা দত্তং রাজ্যমিদং মম ।
তদ্দদামি তবৈবাহং ভুংক্ষ্ব রাজ্যমকংটকম্ ॥ 4 ॥
মহতেবাংবুবেগেন ভিন্নস্সেতুর্জলাগমে ।
দুরাবারং ত্বদন্য়েন রাজ্যখংডমিদং মহত্ ॥ 5 ॥
গতিং খর ইবাশ্বস্য় তার্ক্ষ্যস্য়েব পতত্রিণঃ ।
অনুগংতুং ন শক্তির্মে গতিং তব মহীপতে ॥ 6 ॥
সুজীবং নিত্যশস্তস্য় যঃ পরৈরুপজীব্যতে ।
রাম তেন তু দুর্জীবং যঃ পরানুপজীবতি ॥ 7 ॥
যথা তু রোপিতো বৃক্ষঃ পুরুষেণ বিবর্ধিতঃ ।
হ্রস্বকেণ দুরারোহো রূঢস্কংধো মহাদ্রুমঃ ॥ 8 ॥
স যদা পুষ্পিতো ভূত্বা ফলানি ন বিদর্শয়েত্ ।
স তাং নানুভবেত্প্রীতিং যস্য় হেতোঃ প্ররোপিতঃ ॥ 9 ॥
এষোপমা মহাবাহো তমর্থং বেত্তু মর্হসি ।
যদি ত্বমস্মান্বৃষভো ভর্তা ভৃত্য়ান্ন শাধি হি ॥ 10 ॥
শ্রেণযস্ত্বাং মহারাজ পশ্য়ংত্বগ্য়্রাশ্চ সর্বশঃ ।
প্রতপংতমিবাদিত্য়ং রাজ্য়ে স্থিত মরিংদমম্ ॥ 11 ॥
তবানুয়ানে কাকুত্স্থ মত্তা নর্দংতু কুংজরাঃ ।
অংতঃপুরগতা নার্য়ো নংদংতু সুসমাহিতাঃ ॥ 12 ॥
তস্য় সাধ্বিত্যমন্য়ংত নাগরা বিবিধা জনাঃ ।
ভরতস্য় বচ শ্শ্রুত্বা রামং প্রত্যনুয়াচতঃ ॥ 13 ॥
তমেবং দুঃখিতং প্রেক্ষ্য় বিলপংতং যশস্বিনম্ ।
রামঃ কৃতাত্মা ভরতং সমাশ্বাসযদাত্মবান্ ॥ 14 ॥
নাঽত্মনঃ কামকারোঽস্তি পুরুষোঽযমনীশ্বরঃ ।
ইতশ্চেতরতশ্চৈনং কৃতাংতঃ পরিকর্ষতি ॥ 15 ॥
সর্বে ক্ষয়াংতাঃ নিচয়াঃ পতনাংতা সমুচ্ছ্রয়াঃ ।
সংয়োগা বিপ্রয়োগাংতা মরণাংতং চ জীবিতম্ ॥ 16 ॥
যথা ফলানাং পক্বানাং নান্যত্র পতনাদ্ভযম্ ।
এবং নরস্য় জাতস্য় নান্যত্র মরণাদ্ভযম্ ॥ 17 ॥
যথাঽগারং দৃঢস্থূণং জীর্ণং ভূত্বাঽবসীদতি ।
তথৈব সীদংতি নরা জরামৃত্য়ুবশং গতাঃ ॥ 18 ॥
অত্য়েতি রজনী যা তু সা ন প্রতিনিবর্ততে ।
যাত্য়েব যমুনা পূর্ণা সমুদ্রমুদকাকুলম্ ॥ 19 ॥
অহো রাত্রাণি গগ্চ্ছংতি সর্বেষাং প্রাণিনাং ইহ ।
আয়ূম্ষি ক্ষপয়ংত্য়্ আশু গ্রীষ্মে জলং ইব অংশবঃ ॥ 20 ॥
আত্মানমনুশোচ ত্বং কিমন্যমনুশোচসি ।
আয়ুস্তে হীযতে যস্য় স্থিতস্য় চ গতস্য় চ ॥ 21 ॥
সহৈব মৃত্য়ুর্ব্রজতি সহ মৃত্য়ুর্নিষীদতি ।
গত্বাসুদীর্ঘমধ্বানং সহমৃত্য়ুর্নিবর্ততে ॥ 22 ॥
গাত্রেষু বলয়ঃ প্রাপ্তা শ্শ্বেতাশ্চৈব শিরোরুহাঃ ।
জরয়া পুরুষো জীর্ণঃ কিং হি কৃত্বা প্রভাবয়েত্ ॥ 23 ॥
নংদংত্য়ুদিত আদিত্য়ে নংদংত্যস্তমিতেঽহনি ।
আত্মনো নাববুধ্য়ংতে মনুষ্য়া জীবিতক্ষযম্ ॥ 24 ॥
হৃষ্য়ংত্য়ৃতুমুখং দৃষ্ট্বা নবং নবমিহাগতম্ ।
ঋতূনাং পরিবর্তেন প্রাণিনাং প্রাণসংক্ষয়ঃ ॥ 25 ॥
যথা কাষ্ঠং চ কাষ্ঠং চ সমেয়াতাং মহার্ণবে ।
সমেত্য় চ ব্যপেয়াতাং কালমাসাদ্য় কংচন ॥ 26 ॥
এবং ভার্য়াশ্চপুত্রাশ্চ জ্ঞাতযশ্চ ধনানি চ ।
সমেত্য় ব্যবধাবংতি ধ্রুবো হ্য়েষাং বিনাভবঃ ॥ 27 ॥
যথা কাষ্ঠং চ কাষ্ঠং চ সমেয়াতাং মহার্ণবে ।
সমেত্য় চ ব্যপেয়াতাং কালমাসাদ্য় কংচন ॥ 28 ॥
এবং ভার্য়াশ্চপুত্রাশ্চ জ্ঞাতযশ্চ ধনানি চ ।
সমেত্য় ব্যবধাবংতি ধ্রুবো হ্য়েষাং বিনাভবঃ ॥ 29 ॥
নাত্র কশ্চিদ্যথাভাবং প্রাণী সমভিবর্ততে ।
তেন তস্মিন্ন সামর্থ্য়ং প্রেতস্য়া স্ত্যনুশোচতঃ ॥ 30 ॥
যথা হি সার্থং গচ্ছংতং ব্রূয়াত্কশ্চিত্পথি স্থিতঃ ।
অহমপ্য়াগমিষ্য়ামি পৃষ্ঠতো ভবতা মিতি ॥ 31 ॥
এবং পূর্বৈর্গতো মার্গঃ পিতৃপৈতামহো ধ্রুবঃ ।
তমাপন্নঃ কথং শোচেদ্যস্য় নাস্তি ব্যতিক্রমঃ ॥ 32 ॥
বযসঃ পতমানস্য় স্রোতসো বাঽনিবর্তিনঃ ।
আত্মা সুখে নিয়োক্তব্যস্সুখভাজঃ প্রজাঃ স্মৃতাঃ ॥ 33 ॥
ধর্মাত্মা স শুভৈঃ কৃত্স্নৈঃ ক্রতুভিশ্চাপ্তদক্ষিণৈঃ ।
স্বর্গং দশরথঃ প্রাপ্তঃ পিতা নঃ পৃথিবীপতিঃ ॥ 34 ॥
ভৃত্য়ানাং ভরণাত্সম্যক্প্রজানাং পরিপালনাত্ ।
অর্থাদানাচ্চ ধর্মেণ পিতা ন স্ত্রিদিবংগতঃ ॥ 35 ॥
কর্মভি স্তু শুভৈরিষ্টৈঃ ক্রতুভিশ্চাপ্তদক্ষিণৈঃ ।
স্বর্গং দশরথঃ প্রাপ্তঃ পিতা নঃ পৃথিবীপতিঃ ॥ 36 ॥
ইষ্ট্বা বহুবিধৈর্যজ্ঞৈর্ভোগাং শ্চাবাপ্য় পুষ্কলান্ ।
উত্তমং চায়ুরাসাদ্য় স্বর্গতঃ পৃথিবীপতিঃ ॥ 37 ॥
আয়ুরুত্তমমাসাদ্য় ভোগানপি চ রাঘবঃ ।
স ন শোচ্য়ঃ পিতা তাত স্বর্গত স্সত্কৃত স্সতাম্ ॥ 38 ॥
স জীর্ণং মানুষং দেহং পরিত্যজ্য় পিতা হি নঃ ।
দৈবীমৃদ্ধিমনুপ্রাপ্তো ব্রহ্মলোকবিহারিণীম্ ॥ 39 ॥
তং তু নৈবংবিধঃ কশ্চিত্প্রাজ্ঞ শ্শোচিতুমর্হতি ।
তত্বিধো মদ্বিধশ্চাপি শ্রুতবান্বুদ্ধিমত্তরঃ ॥ 40 ॥
এতে বহুবিধা শোকা বিলাপরুদিতে তথা ।
বর্জনীয়া হি ধীরেণ সর্বাবস্থাসু ধীমতা ॥ 41 ॥
স স্বস্থো ভব মা শোচের্য়াত্বা চাবসতাং পুরীম্ ।
তথা পিত্রা নিয়ুক্তোঽসি বশিনা বদতাং বর ॥ 42 ॥
যত্রাহমপি তেনৈব নিয়ুক্তঃ পুণ্যকর্মণা ।
তত্রৈবাহং করিষ্য়ামি পিতুরার্যস্য় শাসনম্ ॥ 43 ॥
ন ময়া শাসনং তস্য় ত্যক্তুং ন্য়ায়্য় মরিংদম ।
স ত্বয়াপি সদা মান্য়ং স বৈ বংধু স নঃ পিতা ॥ 44 ॥
তদ্বচঃ পিতুরেবাহং সম্মতং ধর্মচারিণঃ ।
কর্মণা পালয়িষ্য়ামি বনবাসেন রাঘব ॥ 45 ॥
ধার্মিকেণানৃশংসেন নরেণ গুরুবর্তিনা ।
ভবিতব্য়ং নরব্য়াঘ্র পরলোকং জিগীষতা ॥ 46 ॥
আত্মানমনুতিষ্ঠত্বং স্বভাবেন নরর্ষভ ।
নিশাম্যতু শুভং বৃত্তং পিতুর্দশরথস্য় নঃ ॥ 47 ॥
ইত্য়েবমুক্ত্বা বচনং মহাত্মা পিতুর্নিদেশ প্রতিপালনার্থম্ ।
যবীযসং ভ্রাতরমর্থবচ্চ প্রভুর্মুহূর্তাদ্বিররাম রামঃ ॥ 48 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে পংচাধিকশততমস্সর্গঃ ॥
