ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² அஷ்டாதி⁴கஶததமஸ்ஸர்க:³ ।
ஆஶ்வாஸயந்தம் ப⁴ரதம் ஜாபா³லிர்ப்³ராஹ்மணோத்தம: ।
உவாச ராமம் த⁴ர்மஜ்ஞம் த⁴ர்மாபேதமித³ம் வச: ॥ 1 ॥
ஸாது⁴ ராக⁴வ மாபூ⁴த்தே பு³த்⁴தி³ரேவம் நிரர்தி²கா ।
ப்ராக்ருதஸ்ய நரஸ்யேவ ஹ்யார்யபு³த்³தே⁴ர்மனஸ்வின: ॥ 2 ॥
க: கஸ்ய புருஷோ ப³ந்து⁴: கிமாப்யம் கஸ்ய கேனசித் ।
யதே³கோ ஜாயதே ஜந்துரேக ஏவ வினஶ்யதி ॥ 3 ॥
தஸ்மான்மாதா பிதா சேதி ராம ஸஜ்ஜேத யோ நர: ।
உன்மத்த இவ ஸ ஜ்ஞேயோ நாஸ்தி கஶ்சித்³தி⁴ கஸ்யசித் ॥ 4 ॥
யதா² க்³ராமாந்தரம் க³ச்ச²ன்னர: கஶ்சித்க்வசித்³வஸேத் ।
உத்ஸ்ருஜ்ய ச தமாவாஸம் ப்ரதிஷ்டே²தாபரேஹனி ॥ 5 ॥
ஏவமேவ மனுஷ்யாணாம் பிதா மாதா க்³ருஹம் வஸு ।
அவாஸமாத்ரம் காகுத்ஸ்த² ஸஜ்ஜந்தே நாத்ர ஸஜ்ஜனா: ॥ 6 ॥
பித்ர்யம் ராஜ்யம் பரித்யஜ்ய ஸ நார்ஹஸி நரோத்தம ।
ஆஸ்தா²தும் காபத²ம் து³:க²ம் விஷமம் ப³ஹுகண்டகம் ॥ 7 ॥
ஸம்ருத்³தா⁴யாமயோத்⁴யாயாமாத்மானமபி⁴ஷேசய ।
ஏகவேணீத⁴ரா ஹி த்வாம் நக³ரீ ஸம்ப்ரதீக்ஷதே ॥ 8 ॥
ராஜபோ⁴கா³னநுப⁴வன்மஹார்ஹான்பார்தி²வாத்மஜ ।
விஹர த்வமயோத்⁴யாயாம் யதா² ஶக்ரஸ்த்ரிவிஷ்டபே ॥ 9 ॥
ந தே கஶ்சித்³த⁴ஶரத² ஸ்த்வம் ச தஸ்ய ந கஶ்சன ।
அன்யோ ராஜா த்வமன்ய ஸ்தஸ்மாத்குரு யது³ச்யதே ॥ 1௦ ॥
பீ³ஜமாத்ரம் பிதா ஜந்தோ ஶ்ஶுக்லம் ருதி⁴ரமேவ ச ।
ஸம்யுக்தம்ருதுமன்மாத்ரா புருஷஸ்யேஹ ஜன்ம தத் ॥ 11 ॥
க³த ஸ்ஸ ந்ருபதிஸ்தத்ர க³ந்தவ்யம் யத்ர தேன வை ।
ப்ரவ்ருததிரேஷா மர்த்யானாம் த்வம் து மித்²யா விஹன்யஸே ॥ 12 ॥
அர்த²த⁴ர்மபரா யே யே தாம்ஸ்தாஞ்சோ²சாமி நேதரான் ।
தே ஹி து³:க²மிஹ ப்ராப்ய வினாஶம் ப்ரேத்ய பே⁴ஜிரே ॥ 13 ॥
அஷ்டகா பித்ருதை³வத்யமித்யயம் ப்ரஸ்ருதோ ஜன: ।
அன்னஸ்யோபத்³ரவம் பஶ்ய ம்ருதோ ஹி கிமஶிஷ்யதி ॥ 14 ॥
யதி³ பு⁴க்தமிஹான்யேன தே³ஹமன்யஸ்ய க³ச்ச²தி ।
த³த்³யாத்ப்ரவஸத ஶ்ஶ்ராத்³த⁴ம் ந தத்பத்²யஶனம் ப⁴வேத் ॥ 15 ॥
தா³னஸம்வனநா ஹ்யேதே க்³ரந்தா² மேதா⁴விபி⁴: க்ருதா: ।
யஜஸ்வ தே³ஹி தீ³க்ஷஸ்வ தபஸ்தப்யஸ்வ ஸந்த்யஜ ॥ 16 ॥
ஸ நாஸ்தி பரமித்யேவ குரு பு³த்³தி⁴ம் மஹாமதே ।
ப்ரத்யக்ஷம் யத்ததா³திஷ்ட² பரோக்ஷம் ப்ருஷ்ட²த: குரு ॥ 17 ॥
ஸதாம் பு³த்³தி⁴ம் புரஸ்க்ருத்ய ஸர்வலோகனித³ர்ஶினீம் ।
ராஜ்யம் த்வம் ப்ரதிக்³ருஹ்ணீஷ்வ ப⁴ரதேன ப்ரஸாதி³த: ॥ 18 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ அஷ்டாதி⁴கஶததமஸ்ஸர்க:³ ॥
