শ্রীমদ্বাল্মীকীয় রামাযণে অয়োধ্য়াকাংডম্ ।
অথ অষ্টাধিকশততমস্সর্গঃ ।
আশ্বাসয়ংতং ভরতং জাবালির্ব্রাহ্মণোত্তমঃ ।
উবাচ রামং ধর্মজ্ঞং ধর্মাপেতমিদং বচঃ ॥ 1 ॥
সাধু রাঘব মাঽভূত্তে বুধ্দিরেবং নিরর্থিকা ।
প্রাকৃতস্য় নরস্য়েব হ্য়ার্যবুদ্ধের্মনস্বিনঃ ॥ 2 ॥
কঃ কস্য় পুরুষো বংধুঃ কিমাপ্য়ং কস্য় কেনচিত্ ।
যদেকো জাযতে জংতুরেক এব বিনশ্যতি ॥ 3 ॥
তস্মান্মাতা পিতা চেতি রাম সজ্জেত যো নরঃ ।
উন্মত্ত ইব স জ্ঞেয়ো নাস্তি কশ্চিদ্ধি কস্যচিত্ ॥ 4 ॥
যথা গ্রামাংতরং গচ্ছন্নরঃ কশ্চিত্ক্বচিদ্বসেত্ ।
উত্সৃজ্য় চ তমাবাসং প্রতিষ্ঠেতাপরেঽহনি ॥ 5 ॥
এবমেব মনুষ্য়াণাং পিতা মাতা গৃহং বসু ।
অবাসমাত্রং কাকুত্স্থ সজ্জংতে নাত্র সজ্জনাঃ ॥ 6 ॥
পিত্র্য়ং রাজ্য়ং পরিত্যজ্য় স নার্হসি নরোত্তম ।
আস্থাতুং কাপথং দুঃখং বিষমং বহুকংটকম্ ॥ 7 ॥
সমৃদ্ধায়াময়োধ্য়ায়ামাত্মানমভিষেচয় ।
একবেণীধরা হি ত্বাং নগরী সংপ্রতীক্ষতে ॥ 8 ॥
রাজভোগাননুভবন্মহার্হান্পার্থিবাত্মজ ।
বিহর ত্বময়োধ্য়ায়াং যথা শক্রস্ত্রিবিষ্টপে ॥ 9 ॥
ন তে কশ্চিদ্ধশরথ স্ত্বং চ তস্য় ন কশ্চন ।
অন্য়ো রাজা ত্বমন্য় স্তস্মাত্কুরু যদুচ্যতে ॥ 10 ॥
বীজমাত্রং পিতা জংতো শ্শুক্লং রুধিরমেব চ ।
সংয়ুক্তমৃতুমন্মাত্রা পুরুষস্য়েহ জন্ম তত্ ॥ 11 ॥
গত স্স নৃপতিস্তত্র গংতব্য়ং যত্র তেন বৈ ।
প্রবৃততিরেষা মর্ত্য়ানাং ত্বং তু মিথ্য়া বিহন্যসে ॥ 12 ॥
অর্থধর্মপরা যে যে তাংস্তাংছোচামি নেতরান্ ।
তে হি দুঃখমিহ প্রাপ্য় বিনাশং প্রেত্য় ভেজিরে ॥ 13 ॥
অষ্টকা পিতৃদৈবত্যমিত্যয়ং প্রসৃতো জনঃ ।
অন্নস্য়োপদ্রবং পশ্য় মৃতো হি কিমশিষ্যতি ॥ 14 ॥
যদি ভুক্তমিহান্য়েন দেহমন্যস্য় গচ্ছতি ।
দদ্য়াত্প্রবসত শ্শ্রাদ্ধং ন তত্পথ্যশনং ভবেত্ ॥ 15 ॥
দানসংবননা হ্য়েতে গ্রংথা মেধাবিভিঃ কৃতাঃ ।
যজস্ব দেহি দীক্ষস্ব তপস্তপ্যস্ব সংত্যজ ॥ 16 ॥
স নাস্তি পরমিত্য়েব কুরু বুদ্ধিং মহামতে ।
প্রত্যক্ষং যত্তদাতিষ্ঠ পরোক্ষং পৃষ্ঠতঃ কুরু ॥ 17 ॥
সতাং বুদ্ধিং পুরস্কৃত্য় সর্বলোকনিদর্শিনীম্ ।
রাজ্য়ং ত্বং প্রতিগৃহ্ণীষ্ব ভরতেন প্রসাদিতঃ ॥ 18 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে অষ্টাধিকশততমস্সর্গঃ ॥
