শ্রীমদ্বাল্মীকীয় রামাযণে অয়োধ্য়াকাংডম্ ।
অথ চতুর্থস্সর্গঃ ।
গতেষ্বথ নৃপো ভূয়ঃ পৌরেষু সহ মংত্রিভিঃ ।
মংত্রয়িত্বা ততশ্চক্রে নিশ্চযজ্ঞস্সনিশ্চযম্ ॥ 1 ॥
শ্ব এব পুষ্য়ো ভবিতাশ্বোঽভিষেচ্যস্তু মে সুতঃ ।
রামো রাজীবতাম্রাক্ষো যৌবরাজ্য় ইতি প্রভুঃ ॥ 2 ॥
গতেষ্বথ নৃপো ভূয়ঃ পৌরেষু সহ মংত্রিভিঃ ।
মংত্রয়িত্বা ততশ্চক্রে নিশ্চযজ্ঞস্সনিশ্চযম্ ॥ 3 ॥
শ্ব এব পুষ্য়ো ভবিতাশ্বোঽভিষেচ্যস্তু মে সুতঃ ।
রামো রাজীবতাম্রাক্ষো যৌবরাজ্য় ইতি প্রভুঃ ॥ 4 ॥
অথাঽংতর্গৃহমাবিশ্য় রাজা দশরথস্তদা ।
সূতমামংত্রয়ামাস রামং পুনরিহানয় ॥ 5 ॥
প্রতিগৃহ্য় স তদ্বাক্য়ং সূতঃ পুনরুপাযয়ৌ ।
রামস্য় ভবনং শীঘ্রং রামমানয়িতুং পুনঃ ॥ 6 ॥
দ্বার্স্থৈরাবেদিতং তস্য় রামায়াঽঽগমনং পুনঃ ।
শ্রুত্বৈব চাপি রামস্তং প্রাপ্তং শংকান্বিতোঽভবত্ ॥ 7 ॥
প্রবেশ্য় চৈনং ত্বরিতং রামো বচনমব্রবীত্ ।
যদাগমনকৃত্য়ং তে ভূযস্তদ্ব্রূহ্যশেষতঃ ॥ 8 ॥
তমুবাচ তত স্সূতো রাজা ত্বাং দ্রষ্টুমিচ্ছতি ।
শ্রুত্বা প্রমাণমত্র ত্বং গমনায়েতরায় বা ॥ 9 ॥
ইতি সূতবচ শ্শ্রুত্বা রামোঽথ ত্বরয়াঽন্বিতঃ ।
প্রযয়ৌ রাজভবনং পুনর্দ্রষ্টুং নরেশ্বরম্ ॥ 10 ॥
তং শ্রুত্বা সমনুপ্রাপ্তং রামং দশরথো নৃপঃ ।
প্রবেশয়ামাস গৃহং বিবক্ষুঃ প্রিযমুত্তমম্ ॥ 11 ॥
প্রবিশন্নেব চ শ্রীমান্রাঘবো ভবনং পিতুঃ ।
দদর্শ পিতরং দূরাত্প্রণিপত্য় কৃতাংজলিঃ ॥ 12 ॥
প্রণমংতং সমুত্থাপ্য় তং পরিষ্বজ্য় ভূমিপঃ ।
প্রদিশ্য় চাস্মৈ রুচিরমাসনং পুনরব্রবীত্ ॥ 13 ॥
রাম বৃদ্ধোঽস্মি দীর্ঘায়ুর্ভুক্তা ভোগা ময়েপ্সিতাঃ ।
অন্নবদ্ভিঃ ক্রতুশতৈ স্তথেষ্টং ভূরিদক্ষিণৈঃ ॥ 14 ॥
জাতমিষ্টমপত্য়ং মে ত্বমদ্য়ানুপমং ভুবি ।
দত্তমিষ্টমধীতং চ ময়া পুরুষসত্তম ॥ 15 ॥
অনুভূতানি চেষ্টানি ময়া বীর সুখান্যপি ।
দেবর্ষিপিতৃবিপ্রাণামনৃণোঽস্মি তথাঽত্মনঃ ॥ 16 ॥
ন কিংচিন্মম কর্তব্য়ং তবান্যত্রাভিষেচনাত্ ।
অতো যত্ত্বামহং ব্রূয়াং তন্মে ত্বং কর্তুমর্হসি ॥ 17 ॥
অদ্য় প্রকৃতযস্সর্বাস্ত্বামিচ্ছংতি নরাধিপম্ ।
অতস্ত্বাং যুবরাজানমভিষেক্ষ্য়ামি পুত্রক ॥ 18 ॥
অপি চাদ্য়াঽশুভান্রাম স্বপ্নে পশ্য়ামি দারুণান্ ।
সনির্ঘাতা দিবোল্কা চ পততীহ মহাস্বনা ॥ 19 ॥
অবষ্টব্ধং চ মে রাম নক্ষত্রং দারুণৈর্গ্রহৈঃ ।
আবেদয়ংতি দৈবজ্ঞাঃ সূর্য়াংগারকরাহুভিঃ ॥ 20 ॥
প্রায়েণ হি নিমিত্তানামীদৃশানাং সমুদ্ভবে ।
রাজা হি মৃত্য়ুমাপ্নোতি ঘোরাং বাঽঽপদমৃচ্ছতি ॥ 21 ॥
তদ্য়াবদেব মে চেতো ন বিমুহ্যতি রাঘব ।
তাবদেবাভিষিংচস্ব চলা হি প্রাণিনাং মতিঃ ॥ 22 ॥
অদ্য় চংদ্রোঽভ্য়ুপগতঃ পুষ্য়াত্পূর্বং পুনর্বসূ ।
শ্বঃ পুষ্যয়োগং নিযতং বক্ষ্য়ংতে দৈবচিংতকাঃ ॥ 23 ॥
ততঃ পুষ্য়েঽভিষিংচস্ব মনস্ত্বরযতীব মাম্ ।
শ্বস্ত্বাঽহমভিষেক্ষ্য়ামি যৌবরাজ্য়ে পরংতপ ॥ 24 ॥
তস্মাত্ত্বয়াঽদ্য় প্রভৃতি নিশেয়ং নিযতাত্মনা ।
সহ বধ্বোপবস্তব্য়া দর্ভপ্রস্তরশায়িনা ॥ 25 ॥
সুহৃদশ্চাপ্রমত্তাস্ত্বাং রক্ষংত্বদ্য় সমংততঃ ।
ভবংতি বহু বিঘ্নানি কার্য়াণ্য়েবংবিধানি হি ॥ 26 ॥
বিপ্রোষিতশ্চ ভরতো যাবদেব পুরাদিতঃ ।
তাবদেবাভিষেকস্তে প্রাপ্তকালো মতো মম ॥ 27 ॥
কামং খলু সতাং বৃত্তে ভ্রাতা তে ভরতস্স্থিতঃ ।
জ্য়েষ্ঠানুবর্তী ধর্মাত্মা সানুক্রোশো জিতেংদ্রিয়ঃ ॥ 28 ॥
কিংতু চিত্তং মনুষ্য়াণামনিত্যমিতি মে মতিঃ ।
সতাং চ ধর্মনিত্য়ানাং কৃতশোভি চ রাঘব ॥ 29 ॥
ইত্য়ুক্ত স্সোঽভ্যনুজ্ঞাত শ্শ্বোভাবিন্যভিষেচনে ।
ব্রজেতি রামঃ পিতরমভিবাদ্য়াভ্যয়াদ্গৃহম্ ॥ 30 ॥
প্রবিশ্য় চাত্মনো বেশ্মরাজ্ঞোদ্দিষ্টেঽভিষেচনে ।
তত্ক্ষণেন বিনির্গম্য় মাতুরংতপুরং যয়ৌ ॥ 31 ॥
তত্র তাং প্রবণামেব মাতরং ক্ষৌমবাসিনীম্ ।
বাগ্যতাং দেবতাগারে দদর্শাঽঽয়াচতীং শ্রিযম্ ॥ 32 ॥
প্রাগেব চাগতা তত্র সুমিত্রা লক্ষ্মণ স্তথা ।
সীতা চানায়িতা শ্রুত্বা প্রিয়ং রামাভিষেচনম্ ॥ 33 ॥
তস্মিন্ কালে হি কৌশল্য়া তস্থাবামীলিতেক্ষণা ।
সুমিত্রয়াঽন্বাস্যমানা সীতয়া লক্ষ্মণেন চ ॥ 34 ॥
শ্রুত্বা পুষ্য়েণ পুত্রস্য় যৌবরাজ্য়াঽভিষেচনম্ ।
প্রাণায়ামেন পুরুষং ধ্য়াযমানা জনার্দনম্ ॥ 35 ॥
তথা সনিযমামেব সোঽভিগম্য়াভিবাদ্য় চ ।
উবাচ বচনং রামো হর্ষয়ংস্তামনিংদিতাম্ ॥ 36 ॥
অংব পিত্রা নিয়ুক্তোঽস্মি প্রজাপালনকর্মণি ।
ভবিতা শ্বোঽভিষেকো মে যথা মে শাসনং পিতুঃ ॥ 37 ॥
সীতয়াপ্য়ুপবস্তব্য়া রজনীয়ং ময়া সহ ।
এবমৃত্বিগুপাধ্য়ায়ৈ স্সহ মামুক্তবান্পিতা ॥ 38 ॥
যানি যান্যত্র যোগ্য়ানি শ্বোভাবিন্যভিষেচনে ।
তানি মে মংগলান্যদ্য় বৈদেহ্য়াশ্চৈব কারয় ॥ 39 ॥
এতচ্ছ্রুত্বা তু কৌশল্য়া চিরকালাভিকাংক্ষিতম্ ।
হর্ষবাষ্পকলং বাক্যমিদং রামমভাষত ॥ 40 ॥
বত্স রাম চিরং জীব হতাস্তে পরিপংথিনঃ ।
জ্ঞাতীন্মে ত্বং শ্রিয়া যুক্ত স্সুমিত্রায়াশ্চ নংদয় ॥ 41 ॥
কল্য়াণে বত নক্ষত্রে ময়ি জাতোঽসি পুত্রক ।
যেন ত্বয়া দশরথো গুণৈরারাধিতঃ পিতা ॥ 42 ॥
অমোঘং বত মে ক্ষাংতং পুরুষে পুষ্করেক্ষণে ।
যেযমিক্ষ্বাকুরাজ্যশ্রীঃ পুত্র ত্বাং সংশ্রয়িষ্যতি ॥ 43 ॥
ইত্য়েবমুক্তো মাত্রেদং রামো ভ্রাতরমব্রবীত্ ।
প্রাংজলিং প্রহ্বমাসীনমভিবীক্ষ্য় স্মযন্নিব ॥ 44 ॥
লক্ষ্মণেমাং ময়া সার্ধং প্রশাধি ত্বং বসুংধরাম্ ।
দ্বিতীয়ং মেঽংতরাত্মানং ত্বামিয়ং শ্রীরুপস্থিতা ॥ 45 ॥
সৌমিত্রে ভুংক্ষ্ব ভোগাংত্স্বমিষ্টান্রাজ্যফলানি চ ।
জীবিতং চ হি রাজ্য়ং চ ত্বদর্থমভিকাময়ে ॥ 46 ॥
ইত্য়ুক্ত্বা লক্ষ্মণং রামো মাতরাবভিবাদ্য় চ ।
অভ্যনুজ্ঞাপ্য় সীতাং চ জগাম স্বং নিবেশনম্ ॥ 47 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে চতুর্থস্সর্গঃ ॥
