ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² சதுர்த²ஸ்ஸர்க:³ ।
க³தேஷ்வத² ந்ருபோ பூ⁴ய: பௌரேஷு ஸஹ மந்த்ரிபி⁴: ।
மந்த்ரயித்வா ததஶ்சக்ரே நிஶ்சயஜ்ஞஸ்ஸனிஶ்சயம் ॥ 1 ॥
ஶ்வ ஏவ புஷ்யோ ப⁴விதாஶ்வோபி⁴ஷேச்யஸ்து மே ஸுத: ।
ராமோ ராஜீவதாம்ராக்ஷோ யௌவராஜ்ய இதி ப்ரபு⁴: ॥ 2 ॥
க³தேஷ்வத² ந்ருபோ பூ⁴ய: பௌரேஷு ஸஹ மந்த்ரிபி⁴: ।
மந்த்ரயித்வா ததஶ்சக்ரே நிஶ்சயஜ்ஞஸ்ஸனிஶ்சயம் ॥ 3 ॥
ஶ்வ ஏவ புஷ்யோ ப⁴விதாஶ்வோபி⁴ஷேச்யஸ்து மே ஸுத: ।
ராமோ ராஜீவதாம்ராக்ஷோ யௌவராஜ்ய இதி ப்ரபு⁴: ॥ 4 ॥
அதா²ந்தர்க்³ருஹமாவிஶ்ய ராஜா த³ஶரத²ஸ்ததா³ ।
ஸூதமாமந்த்ரயாமாஸ ராமம் புனரிஹானய ॥ 5 ॥
ப்ரதிக்³ருஹ்ய ஸ தத்³வாக்யம் ஸூத: புனருபாயயௌ ।
ராமஸ்ய ப⁴வனம் ஶீக்⁴ரம் ராமமானயிதும் புன: ॥ 6 ॥
த்³வார்ஸ்தை²ராவேதி³தம் தஸ்ய ராமாயாக³மனம் புன: ।
ஶ்ருத்வைவ சாபி ராமஸ்தம் ப்ராப்தம் ஶங்கான்விதோப⁴வத் ॥ 7 ॥
ப்ரவேஶ்ய சைனம் த்வரிதம் ராமோ வசனமப்³ரவீத் ।
யதா³க³மனக்ருத்யம் தே பூ⁴யஸ்தத்³ப்³ரூஹ்யஶேஷத: ॥ 8 ॥
தமுவாச தத ஸ்ஸூதோ ராஜா த்வாம் த்³ரஷ்டுமிச்ச²தி ।
ஶ்ருத்வா ப்ரமாணமத்ர த்வம் க³மனாயேதராய வா ॥ 9 ॥
இதி ஸூதவச ஶ்ஶ்ருத்வா ராமோத² த்வரயான்வித: ।
ப்ரயயௌ ராஜப⁴வனம் புனர்த்³ரஷ்டும் நரேஶ்வரம் ॥ 1௦ ॥
தம் ஶ்ருத்வா ஸமனுப்ராப்தம் ராமம் த³ஶரதோ² ந்ருப: ।
ப்ரவேஶயாமாஸ க்³ருஹம் விவக்ஷு: ப்ரியமுத்தமம் ॥ 11 ॥
ப்ரவிஶன்னேவ ச ஶ்ரீமான்ராக⁴வோ ப⁴வனம் பிது: ।
த³த³ர்ஶ பிதரம் தூ³ராத்ப்ரணிபத்ய க்ருதாஞ்ஜலி: ॥ 12 ॥
ப்ரணமந்தம் ஸமுத்தா²ப்ய தம் பரிஷ்வஜ்ய பூ⁴மிப: ।
ப்ரதி³ஶ்ய சாஸ்மை ருசிரமாஸனம் புனரப்³ரவீத் ॥ 13 ॥
ராம வ்ருத்³தோ⁴ஸ்மி தீ³ர்கா⁴யுர்பு⁴க்தா போ⁴கா³ மயேப்ஸிதா: ।
அன்னவத்³பி⁴: க்ரதுஶதை ஸ்ததே²ஷ்டம் பூ⁴ரித³க்ஷிணை: ॥ 14 ॥
ஜாதமிஷ்டமபத்யம் மே த்வமத்³யானுபமம் பு⁴வி ।
த³த்தமிஷ்டமதீ⁴தம் ச மயா புருஷஸத்தம ॥ 15 ॥
அனுபூ⁴தானி சேஷ்டானி மயா வீர ஸுகா²ன்யபி ।
தே³வர்ஷிபித்ருவிப்ராணாமன்ருணோஸ்மி ததா²த்மன: ॥ 16 ॥
ந கிஞ்சின்மம கர்தவ்யம் தவான்யத்ராபி⁴ஷேசனாத் ।
அதோ யத்த்வாமஹம் ப்³ரூயாம் தன்மே த்வம் கர்துமர்ஹஸி ॥ 17 ॥
அத்³ய ப்ரக்ருதயஸ்ஸர்வாஸ்த்வாமிச்ச²ந்தி நராதி⁴பம் ।
அதஸ்த்வாம் யுவராஜானமபி⁴ஷேக்ஷ்யாமி புத்ரக ॥ 18 ॥
அபி சாத்³யாஶுபா⁴ன்ராம ஸ்வப்னே பஶ்யாமி தா³ருணான் ।
ஸனிர்கா⁴தா தி³வோல்கா ச பததீஹ மஹாஸ்வனா ॥ 19 ॥
அவஷ்டப்³த⁴ம் ச மே ராம நக்ஷத்ரம் தா³ருணைர்க்³ரஹை: ।
ஆவேத³யந்தி தை³வஜ்ஞா: ஸூர்யாங்கா³ரகராஹுபி⁴: ॥ 2௦ ॥
ப்ராயேண ஹி நிமித்தானாமீத்³ருஶானாம் ஸமுத்³ப⁴வே ।
ராஜா ஹி ம்ருத்யுமாப்னோதி கோ⁴ராம் வாபத³ம்ருச்ச²தி ॥ 21 ॥
தத்³யாவதே³வ மே சேதோ ந விமுஹ்யதி ராக⁴வ ।
தாவதே³வாபி⁴ஷிஞ்சஸ்வ சலா ஹி ப்ராணினாம் மதி: ॥ 22 ॥
அத்³ய சந்த்³ரோப்⁴யுபக³த: புஷ்யாத்பூர்வம் புனர்வஸூ ।
ஶ்வ: புஷ்யயோக³ம் நியதம் வக்ஷ்யந்தே தை³வசிந்தகா: ॥ 23 ॥
தத: புஷ்யேபி⁴ஷிஞ்சஸ்வ மனஸ்த்வரயதீவ மாம் ।
ஶ்வஸ்த்வாஹமபி⁴ஷேக்ஷ்யாமி யௌவராஜ்யே பரந்தப ॥ 24 ॥
தஸ்மாத்த்வயாத்³ய ப்ரப்⁴ருதி நிஶேயம் நியதாத்மனா ।
ஸஹ வத்⁴வோபவஸ்தவ்யா த³ர்ப⁴ப்ரஸ்தரஶாயினா ॥ 25 ॥
ஸுஹ்ருத³ஶ்சாப்ரமத்தாஸ்த்வாம் ரக்ஷந்த்வத்³ய ஸமந்தத: ।
ப⁴வந்தி ப³ஹு விக்⁴னானி கார்யாண்யேவம்விதா⁴னி ஹி ॥ 26 ॥
விப்ரோஷிதஶ்ச ப⁴ரதோ யாவதே³வ புராதி³த: ।
தாவதே³வாபி⁴ஷேகஸ்தே ப்ராப்தகாலோ மதோ மம ॥ 27 ॥
காமம் க²லு ஸதாம் வ்ருத்தே ப்⁴ராதா தே ப⁴ரதஸ்ஸ்தி²த: ।
ஜ்யேஷ்டா²னுவர்தீ த⁴ர்மாத்மா ஸானுக்ரோஶோ ஜிதேந்த்³ரிய: ॥ 28 ॥
கிந்து சித்தம் மனுஷ்யாணாமனித்யமிதி மே மதி: ।
ஸதாம் ச த⁴ர்மனித்யானாம் க்ருதஶோபி⁴ ச ராக⁴வ ॥ 29 ॥
இத்யுக்த ஸ்ஸோப்⁴யனுஜ்ஞாத ஶ்ஶ்வோபா⁴வின்யபி⁴ஷேசனே ।
வ்ரஜேதி ராம: பிதரமபி⁴வாத்³யாப்⁴யயாத்³க்³ருஹம் ॥ 3௦ ॥
ப்ரவிஶ்ய சாத்மனோ வேஶ்மராஜ்ஞோத்³தி³ஷ்டேபி⁴ஷேசனே ।
தத்க்ஷணேன வினிர்க³ம்ய மாதுரந்தபுரம் யயௌ ॥ 31 ॥
தத்ர தாம் ப்ரவணாமேவ மாதரம் க்ஷௌமவாஸினீம் ।
வாக்³யதாம் தே³வதாகா³ரே த³த³ர்ஶாயாசதீம் ஶ்ரியம் ॥ 32 ॥
ப்ராகே³வ சாக³தா தத்ர ஸுமித்ரா லக்ஷ்மண ஸ்ததா² ।
ஸீதா சானாயிதா ஶ்ருத்வா ப்ரியம் ராமாபி⁴ஷேசனம் ॥ 33 ॥
தஸ்மின் காலே ஹி கௌஶல்யா தஸ்தா²வாமீலிதேக்ஷணா ।
ஸுமித்ரயான்வாஸ்யமானா ஸீதயா லக்ஷ்மணேன ச ॥ 34 ॥
ஶ்ருத்வா புஷ்யேண புத்ரஸ்ய யௌவராஜ்யாபி⁴ஷேசனம் ।
ப்ராணாயாமேன புருஷம் த்⁴யாயமானா ஜனார்த³னம் ॥ 35 ॥
ததா² ஸனியமாமேவ ஸோபி⁴க³ம்யாபி⁴வாத்³ய ச ।
உவாச வசனம் ராமோ ஹர்ஷயம்ஸ்தாமனிந்தி³தாம் ॥ 36 ॥
அம்ப³ பித்ரா நியுக்தோஸ்மி ப்ரஜாபாலனகர்மணி ।
ப⁴விதா ஶ்வோபி⁴ஷேகோ மே யதா² மே ஶாஸனம் பிது: ॥ 37 ॥
ஸீதயாப்யுபவஸ்தவ்யா ரஜனீயம் மயா ஸஹ ।
ஏவம்ருத்விகு³பாத்⁴யாயை ஸ்ஸஹ மாமுக்தவான்பிதா ॥ 38 ॥
யானி யான்யத்ர யோக்³யானி ஶ்வோபா⁴வின்யபி⁴ஷேசனே ।
தானி மே மங்க³லான்யத்³ய வைதே³ஹ்யாஶ்சைவ காரய ॥ 39 ॥
ஏதச்ச்²ருத்வா து கௌஶல்யா சிரகாலாபி⁴காங்க்ஷிதம் ।
ஹர்ஷபா³ஷ்பகலம் வாக்யமித³ம் ராமமபா⁴ஷத ॥ 4௦ ॥
வத்ஸ ராம சிரம் ஜீவ ஹதாஸ்தே பரிபந்தி²ன: ।
ஜ்ஞாதீன்மே த்வம் ஶ்ரியா யுக்த ஸ்ஸுமித்ராயாஶ்ச நந்த³ய ॥ 41 ॥
கல்யாணே ப³த நக்ஷத்ரே மயி ஜாதோஸி புத்ரக ।
யேன த்வயா த³ஶரதோ² கு³ணைராராதி⁴த: பிதா ॥ 42 ॥
அமோக⁴ம் ப³த மே க்ஷாந்தம் புருஷே புஷ்கரேக்ஷணே ।
யேயமிக்ஷ்வாகுராஜ்யஶ்ரீ: புத்ர த்வாம் ஸம்ஶ்ரயிஷ்யதி ॥ 43 ॥
இத்யேவமுக்தோ மாத்ரேத³ம் ராமோ ப்⁴ராதரமப்³ரவீத் ।
ப்ராஞ்ஜலிம் ப்ரஹ்வமாஸீனமபி⁴வீக்ஷ்ய ஸ்மயன்னிவ ॥ 44 ॥
லக்ஷ்மணேமாம் மயா ஸார்த⁴ம் ப்ரஶாதி⁴ த்வம் வஸுந்த⁴ராம் ।
த்³விதீயம் மேந்தராத்மானம் த்வாமியம் ஶ்ரீருபஸ்தி²தா ॥ 45 ॥
ஸௌமித்ரே பு⁴ங்க்ஷ்வ போ⁴கா³ந்த்ஸ்வமிஷ்டான்ராஜ்யப²லானி ச ।
ஜீவிதம் ச ஹி ராஜ்யம் ச த்வத³ர்த²மபி⁴காமயே ॥ 46 ॥
இத்யுக்த்வா லக்ஷ்மணம் ராமோ மாதராவபி⁴வாத்³ய ச ।
அப்⁴யனுஜ்ஞாப்ய ஸீதாம் ச ஜகா³ம ஸ்வம் நிவேஶனம் ॥ 47 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ சதுர்த²ஸ்ஸர்க:³ ॥
