ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² பஞ்சசத்வாரிம்ஶஸ்ஸர்க:³ ।
அனுரக்தா மஹாத்மானம் ராமம் ஸத்யபராக்ரமம் ।
அனுஜக்³மு: ப்ரயாந்தம் தம் வனவாஸாய மானவா: ॥ 1 ॥
நிவர்திதேபி ச ப³லாத்ஸுஹ்ருத்³வர்கே³ ச ராஜனி ।
நைவ தே ஸம்ன்யவர்தந்த ராமஸ்யானுக³தா ரத²ம் ॥ 2 ॥
அயோத்⁴யானிலயானாம் ஹி புருஷாணாம் மஹாயஶா: ।
ப³பூ⁴வ கு³ணஸம்பன்ன: பூர்ணசந்த்³ர இவ ப்ரிய: ॥ 3 ॥
ஸ யாச்யமான: காகுத்ஸ்த:² ஸ்வாபி⁴: ப்ரக்ருதிபி⁴ஸ்ததா³ ।
குர்வாண: பிதரம் ஸத்யம் வனமேவான்வபத்³யத ॥ 4 ॥
அவேக்ஷமாண: ஸஸ்னேஹம் சக்ஷுஷா ப்ரபிப³ன்னிவ ।
உவாச ராம: ஸ்னேஹேன தா: ப்ரஜா: ஸ்வா: ப்ரஜா இவ ॥ 5 ॥
யா ப்ரீதிர்ப³ஹுமானஶ்ச மய்யயோத்⁴யானிவாஸினாம் ।
மத்ப்ரியார்த²ம் விஶேஷேண ப⁴ரதே ஸா நிவேஶ்யதாம் ॥ 6 ॥
ஸ ஹி கல்யாணசாரித்ர: கைகேய்யானந்த³வர்த⁴ன: ।
கரிஷ்யதி யதா²வத்³வ: ப்ரியாணி ச ஹிதானி ச ॥ 7 ॥
ஜ்ஞானவ்ருத்³தோ⁴ வயோபா³லோ ம்ருது³ர்வீர்யகு³ணான்வித: ।
அனுரூப: ஸ வோ ப⁴ர்தா ப⁴விஷ்யதி ப⁴யாபஹ: ॥ 8 ॥
ஸ ஹி ராஜகு³ணைர்யுக்தோ யுவராஜ: ஸமீக்ஷித: ।
அபி சாபி மயா ஶிஷ்டை: கார்யம் வோ ப⁴ர்த்ருஶாஸனம் ॥ 9 ॥
ந ச ஸந்தப்யேத்³யதா² சாஸௌ வனவாஸம் க³தே மயி ।
மஹாராஜஸ்ததா² கார்யோ மம ப்ரியசிகீர்ஷயா ॥ 1௦ ॥
யதா² யதா² தா³ஶரதி² ர்த⁴ர்ம ஏவாஸ்தி²தோப⁴வத் ।
ததா² ததா² ப்ரக்ருதயோ ராமம் பதிமகாமயன் ॥ 11 ॥
பா³ஷ்பேண பிஹிதம் தீ³னம் ராம: ஸௌமித்ரிணா ஸஹ ।
சகர்ஷேவ கு³ணைர்ப³த்³த்⁴வா ஜனம் புரனிவாஸினம் ॥ 12 ॥
தே த்³விஜாஸ்த்ரிவித⁴ம் வ்ருத்³தா⁴ ஜ்ஞானேன வயஸௌஜஸா ।
வய: ப்ரகம்பஶிரஸோ தூ³ராதூ³சுரித³ம் வச: ॥ 13 ॥
வஹந்தோ ஜவனா ராமம் போ⁴ போ⁴ ஜாத்யாஸ்துரங்க³மா: ।
நிவர்தத்⁴வம் ந க³ந்தவ்யம் ஹிதா ப⁴வத ப⁴ர்தரி ॥ 14 ॥
கர்ணவந்தி ஹி பூ⁴தானி விஶேஷேண துரங்க³மா: ।
யூயம் தஸ்மான்னிவர்தத்⁴வம் யாசனாம் ப்ரதிவேதி³தா: ॥ 15 ॥
த⁴ர்மத: ஸ விஶுத்³தா⁴த்மா வீர: ஶுப⁴த்³ருட⁴வ்ரத: ।
உபவாஹ்யஸ்து வோ ப⁴ர்தா நாபவாஹ்ய: புராத்³வனம் ॥ 16 ॥
ஏவமார்தப்ரலாபாம்ஸ்தான் வ்ருத்³தா⁴ன் ப்ரலபதோ த்³விஜான் ।
அவேக்ஷ்ய ஸஹஸா ராமோ ரதா²த³வததார ஹ ॥ 17 ॥
பத்³ப்⁴யாமேவ ஜகா³மாத² ஸஸீத ஸ்ஸஹலக்ஷ்மண: ।
ஸன்னிக்ருஷ்டபத³ன்யாஸோ ராமோ வனபராயண: ॥ 18 ॥
த்³விஜாதீம்ஸ்து பதா³தீம்ஸ்தான் ராமஶ்சாரித்ரவத்ஸல: ।
ந ஶஶாக க்⁴ருணாசக்ஷு: பரிமோக்தும் ரதே²ன ஸ: ॥ 19 ॥
க³ச்ச²ந்தமேவ தம் த்³ருஷ்ட்வா ராமம் ஸம்ப்⁴ராந்தசேதஸ: ।
ஊசு: பரமஸந்தப்தா ராமம் வாக்யமித³ம் த்³விஜா: ॥ 2௦ ॥
ப்³ராஹ்மண்யம் ஸர்வமேதத்த்வாம் ப்³ரஹ்மண்யமனுக³ச்ச²தி ।
த்³விஜஸ்கந்தா⁴தி⁴ரூடா⁴ஸ்த்வாமக்³னயோப்யனுயாந்த்யமீ ॥ 21 ॥
வாஜபேயஸமுத்தா²னி ச²த்ராண்யேதானி பஶ்ய ந: ।
ப்ருஷ்ட²தோனுப்ரயாதானி மேகா⁴னிவ ஜலாத்யயே ॥ 22 ॥
அனவாப்தாதபத்ரஸ்ய ரஶ்மிஸந்தாபிதஸ்ய தே ।
ஏபி⁴ஶ்சா²யாம் கரிஷ்யாம: ஸ்வைஶ்ச²த்ரைர்வாஜபேயிகை: ॥ 23 ॥
யா ஹி ந: ஸததம் பு³த்³தி⁴ர்வேத³மந்த்ரானுஸாரிணீ ।
த்வத்க்ருதே ஸா க்ருதா வத்ஸ வனவாஸானுஸாரிணீ ॥ 24 ॥
ஹ்ருத³யேஷ்வேவ திஷ்ட²ந்தி வேதா³ யே ந: பரம் த⁴னம் ।
வத்ஸ்யந்த்யபி க்³ருஹேஷ்வேவ தா³ராஶ்சாரித்ரரக்ஷிதா: ॥ 25 ॥
ந புனர்னிஶ்சய: கார்யஸ்த்வத்³க³தௌ ஸுக்ருதா மதி: ।
த்வயி த⁴ர்மவ்யபேக்ஷே து கிம் ஸ்யாத்³த⁴ர்மபதே² ஸ்தி²தம் ॥ 26 ॥
யாசிதோ நோ நிவர்தஸ்வ ஹம்ஸஶுக்லஶிரோருஹை: ।
ஶிரோபி⁴ர்னிப்⁴ருதாசார மஹீபதனபாம்ஸுலை: ॥ 27 ॥
ப³ஹூனாம் விததா யஜ்ஞா த்³விஜானாம் ய இஹாக³தா: ।
தேஷாம் ஸமாப்திராயத்தா தவ வத்ஸ நிவர்தனே ॥ 28 ॥
ப⁴க்திமந்தி ஹி பூ⁴தானி ஜங்க³மாஜங்க³மானி ச ।
யாசமானேஷு ராம த்வம் ப⁴க்திம் ப⁴க்தேஷு த³ர்ஶய ॥ 29 ॥
அனுக³ந்துமஶக்தா ஸ்த்வாம் மூலைருத்³த⁴தவேகி³ன: ।
உன்னதா வாயுவேகே³ன விக்ரோஶந்தீவ பாத³பா: ॥ 3௦ ॥
நிஶ்சேஷ்டாஹாரஸஞ்சாரா வ்ருக்ஷைகஸ்தா²னவிஷ்டி²தா: ।
பக்ஷிணோபி ப்ரயாசந்தே ஸர்வபூ⁴தானுகம்பினம் ॥ 31 ॥
ஏவம் விக்ரோஶதாம் தேஷாம் த்³விஜாதீனாம் நிவர்தனே ।
த³த்³ருஶே தமஸா தத்ர வாரயந்தீவ ராக⁴வம் ॥ 32 ॥
தத: ஸுமந்த்ரோபி ரதா²த்³விமுச்ய ஶ்ராந்தான்ஹயான்ஸம்பரிவர்த்ய ஶீக்⁴ரம் ।
பீதோத³காம்ஸ்தோயபரிப்லுதாங்கா³ நசாரயத்³வை தமஸாவிதூ³ரே ॥ 33 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ பஞ்சசத்வாரிம்ஶஸ்ஸர்க:³ ॥
