শ্রীমদ্বাল্মীকীয় রামাযণে অয়োধ্য়াকাংডম্ ।
অথ পংচচত্বারিংশস্সর্গঃ ।
অনুরক্তা মহাত্মানং রামং সত্যপরাক্রমম্ ।
অনুজগ্মুঃ প্রয়াংতং তং বনবাসায় মানবাঃ ॥ 1 ॥
নিবর্তিতেঽপি চ বলাত্সুহৃদ্বর্গে চ রাজনি ।
নৈব তে সংন্যবর্তংত রামস্য়ানুগতা রথম্ ॥ 2 ॥
অয়োধ্য়ানিলয়ানাং হি পুরুষাণাং মহাযশাঃ ।
বভূব গুণসংপন্নঃ পূর্ণচংদ্র ইব প্রিয়ঃ ॥ 3 ॥
স যাচ্যমানঃ কাকুত্স্থঃ স্বাভিঃ প্রকৃতিভিস্তদা ।
কুর্বাণঃ পিতরং সত্য়ং বনমেবান্বপদ্যত ॥ 4 ॥
অবেক্ষমাণঃ সস্নেহং চক্ষুষা প্রপিবন্নিব ।
উবাচ রামঃ স্নেহেন তাঃ প্রজাঃ স্বাঃ প্রজা ইব ॥ 5 ॥
যা প্রীতির্বহুমানশ্চ ময়্যয়োধ্য়ানিবাসিনাম্ ।
মত্প্রিয়ার্থং বিশেষেণ ভরতে সা নিবেশ্যতাম্ ॥ 6 ॥
স হি কল্য়াণচারিত্রঃ কৈকেয়্য়ানংদবর্ধনঃ ।
করিষ্যতি যথাবদ্বঃ প্রিয়াণি চ হিতানি চ ॥ 7 ॥
জ্ঞানবৃদ্ধো বয়োবালো মৃদুর্বীর্যগুণান্বিতঃ ।
অনুরূপঃ স বো ভর্তা ভবিষ্যতি ভয়াপহঃ ॥ 8 ॥
স হি রাজগুণৈর্য়ুক্তো যুবরাজঃ সমীক্ষিতঃ ।
অপি চাপি ময়া শিষ্টৈঃ কার্য়ং বো ভর্তৃশাসনম্ ॥ 9 ॥
ন চ সংতপ্য়েদ্যথা চাসৌ বনবাসং গতে ময়ি ।
মহারাজস্তথা কার্য়ো মম প্রিযচিকীর্ষয়া ॥ 10 ॥
যথা যথা দাশরথি র্ধর্ম এবাস্থিতোঽভবত্ ।
তথা তথা প্রকৃতয়ো রামং পতিমকামযন্ ॥ 11 ॥
বাষ্পেণ পিহিতং দীনং রামঃ সৌমিত্রিণা সহ ।
চকর্ষেব গুণৈর্বদ্ধ্বা জনং পুরনিবাসিনম্ ॥ 12 ॥
তে দ্বিজাস্ত্রিবিধং বৃদ্ধা জ্ঞানেন বযসৌজসা ।
বয়ঃ প্রকংপশিরসো দূরাদূচুরিদং বচঃ ॥ 13 ॥
বহংতো জবনা রামং ভো ভো জাত্য়াস্তুরংগমাঃ ।
নিবর্তধ্বং ন গংতব্য়ং হিতা ভবত ভর্তরি ॥ 14 ॥
কর্ণবংতি হি ভূতানি বিশেষেণ তুরংগমাঃ ।
যূয়ং তস্মান্নিবর্তধ্বং যাচনাং প্রতিবেদিতাঃ ॥ 15 ॥
ধর্মতঃ স বিশুদ্ধাত্মা বীরঃ শুভদৃঢব্রতঃ ।
উপবাহ্যস্তু বো ভর্তা নাপবাহ্য়ঃ পুরাদ্বনম্ ॥ 16 ॥
এবমার্তপ্রলাপাংস্তান্ বৃদ্ধান্ প্রলপতো দ্বিজান্ ।
অবেক্ষ্য় সহসা রামো রথাদবততার হ ॥ 17 ॥
পদ্ভ্য়ামেব জগামাথ সসীত স্সহলক্ষ্মণঃ ।
সন্নিকৃষ্টপদন্য়াসো রামো বনপরাযণঃ ॥ 18 ॥
দ্বিজাতীংস্তু পদাতীংস্তান্ রামশ্চারিত্রবত্সলঃ ।
ন শশাক ঘৃণাচক্ষুঃ পরিমোক্তুং রথেন সঃ ॥ 19 ॥
গচ্ছংতমেব তং দৃষ্ট্বা রামং সংভ্রাংতচেতসঃ ।
ঊচুঃ পরমসংতপ্তা রামং বাক্যমিদং দ্বিজাঃ ॥ 20 ॥
ব্রাহ্মণ্য়ং সর্বমেতত্ত্বাং ব্রহ্মণ্যমনুগচ্ছতি ।
দ্বিজস্কংধাধিরূঢাস্ত্বামগ্নয়োঽপ্যনুয়াংত্যমী ॥ 21 ॥
বাজপেযসমুত্থানি ছত্রাণ্য়েতানি পশ্য় নঃ ।
পৃষ্ঠতোঽনুপ্রয়াতানি মেঘানিব জলাত্যয়ে ॥ 22 ॥
অনবাপ্তাতপত্রস্য় রশ্মিসংতাপিতস্য় তে ।
এভিশ্ছায়াং করিষ্য়ামঃ স্বৈশ্ছত্রৈর্বাজপেয়িকৈঃ ॥ 23 ॥
যা হি নঃ সততং বুদ্ধির্বেদমংত্রানুসারিণী ।
ত্বত্কৃতে সা কৃতা বত্স বনবাসানুসারিণী ॥ 24 ॥
হৃদয়েষ্বেব তিষ্ঠংতি বেদা যে নঃ পরং ধনম্ ।
বত্স্য়ংত্যপি গৃহেষ্বেব দারাশ্চারিত্ররক্ষিতাঃ ॥ 25 ॥
ন পুনর্নিশ্চয়ঃ কার্যস্ত্বদ্গতৌ সুকৃতা মতিঃ ।
ত্বয়ি ধর্মব্যপেক্ষে তু কিং স্য়াদ্ধর্মপথে স্থিতম্ ॥ 26 ॥
যাচিতো নো নিবর্তস্ব হংসশুক্লশিরোরুহৈঃ ।
শিরোভির্নিভৃতাচার মহীপতনপাংসুলৈঃ ॥ 27 ॥
বহূনাং বিততা যজ্ঞা দ্বিজানাং য ইহাগতাঃ ।
তেষাং সমাপ্তিরাযত্তা তব বত্স নিবর্তনে ॥ 28 ॥
ভক্তিমংতি হি ভূতানি জংগমাজংগমানি চ ।
যাচমানেষু রাম ত্বং ভক্তিং ভক্তেষু দর্শয় ॥ 29 ॥
অনুগংতুমশক্তা স্ত্বাং মূলৈরুদ্ধতবেগিনঃ ।
উন্নতা বায়ুবেগেন বিক্রোশংতীব পাদপাঃ ॥ 30 ॥
নিশ্চেষ্টাহারসংচারা বৃক্ষৈকস্থানবিষ্ঠিতাঃ ।
পক্ষিণোঽপি প্রয়াচংতে সর্বভূতানুকংপিনম্ ॥ 31 ॥
এবং বিক্রোশতাং তেষাং দ্বিজাতীনাং নিবর্তনে ।
দদৃশে তমসা তত্র বারয়ংতীব রাঘবম্ ॥ 32 ॥
ততঃ সুমংত্রোঽপি রথাদ্বিমুচ্য় শ্রাংতান্হয়ান্সংপরিবর্ত্য় শীঘ্রম্ ।
পীতোদকাংস্তোযপরিপ্লুতাংগা নচারযদ্বৈ তমসাবিদূরে ॥ 33 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে পংচচত্বারিংশস্সর্গঃ ॥
