ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² பஞ்சபஞ்சாஶஸ்ஸர்க:³ ।
உஷித்வா ரஜனீம் தத்ர ராஜபுத்ராவரிந்த³மௌ ।
மஹர்ஷிமபி⁴வாத்³யாத² ஜக்³மதுஸ்தம் கி³ரிம் ப்ரதி ॥ 1 ॥
தேஷாம் சைவ ஸ்வஸ்த்யயனம் மஹர்ஷி ஸ்ஸ சகார ஹ ।
ப்ரஸ்தி²தாம்ஶ்சைவ தான்ப்ரேக்ஷ்ய பிதா புத்ரானிவான்வகா³த் ॥ 2 ॥
தத: ப்ரசக்ரமே வக்தும் வசனம் ஸ மஹாமுனி: ।
ப⁴ரத்³வாஜோ மஹாதேஜா ராமம் ஸத்யபராக்ரமம் ॥ 3 ॥
க³ங்கா³யமுனயோ ஸ்ஸந்தி⁴மாஸாத்³ய மனுஜர்ஷபௌ⁴ ।
காலிந்தீ³மனுக³ச்சே²தாம் நதீ³ம் பஶ்சான்முகா²ஶ்ரிதாம் ॥ 4 ॥
அதா²ஸாத்³ய து காலிந்தீ³ ஶீக்⁴ரஸ்ரோதஸமாபகா³ம் ।
தஸ்யாஸ்தீர்த²ம் ப்ரசலிதம் புராணம் ப்ரேக்ஷ்ய ராக⁴வௌ ॥ 5 ॥
தத்ர யூயம் ப்லவம் க்ருத்வா தரதாம்ஶுமதீம் நதீ³ம் ।
ததோ ந்யக்³ரோத⁴மாஸாத்³ய மஹாந்தம் ஹரிதச்ச²த³ம் ॥ 6 ॥
விவ்ருத்³த⁴ம் ப³ஹுபி⁴ர்வ்ருக்ஷை ஶ்ஶ்யாமம் ஸித்³தோ⁴பஸேவிதம் ।
தஸ்மை ஸீதாஞ்ஜலிம் க்ருத்வா ப்ரயுஞ்ஜீதாஶிஷஶ்ஶிவா: ॥ 7 ॥
ஸமாஸாத்³ய து தம் வ்ருக்ஷம் வஸேத்³வாதிக்ரமேத வா ।
க்ரோஶமாத்ரம் ததோ க³த்வா நீலம் த்³ரக்ஷ்யத² கானநம் ॥ 8 ॥
பலாஶப³த³ரீமிஶ்ரம் ரம்யம் வம்ஶைஶ்ச யாமுனை: ।
ஸ பந்தா²ஶ்சித்ரகூடஸ்ய க³த ஸ்ஸுப³ஹுஶோ மயா ॥ 9 ॥
ரம்யோ மார்த³வயுக்தஶ்ச வனதா³வைர்விவர்ஜித: ।
இதி பந்தா²னமாவேத்³ய மஹர்ஷிஸ்ஸன்யவர்தத ॥ 1௦ ॥
அபி⁴வாத்³ய ததே²த்யுக்த்வா ராமேண வினிவர்தித: ।
உபாவ்ருத்தே முனௌ தஸ்மின்ராமோ லக்ஷ்மணமப்³ரவீத் ॥ 11 ॥
க்ருதபுண்யா: ஸ்ம ஸௌமித்ரே முனிர்யன்னோனுகம்பதே ।
இதி தௌ புருஷவ்யாக்⁴ரௌ மந்த்ரயித்வா மனஸ்வினௌ ।
ஸீதாமேவாக்³ரத: க்ருத்வா காலிந்தீ³ம் ஜக்³மதுர்னதீ³ம் ॥ 12 ॥
அதா²ஸாத்³ய து காலிந்தீ³ம் ஶீக்⁴ரஸ்ரோதோவஹாம் நதீ³ம் ।
சிந்தாமாபேதி³ரே ஸர்வே நதீ³ஜலதிதீர்ஷவ: ॥ 13 ॥
தௌ காஷ்ட²ஸங்கா⁴தமதோ² சக்ரது ஸ்ஸுமஹாப்லவம் ।
ஶுஷ்கைர்வம்ஶை ஸ்ஸமாஸ்தீர்ணமுஶீரைஶ்ச ஸமாவ்ருதம் ॥ 14 ॥
ததோ வேதஸஶாகா²ஶ்ச ஜம்பூ³ஶாகா²ஶ்ச வீர்யவான் ।
சகார லக்ஷ்மணஶ்சி²த்வா ஸீதாயா ஸ்ஸுக²மாஸனம் ॥ 15 ॥
தத்ர ஶ்ரியமிவாசிந்த்யாம் ராமோ தா³ஶரதி²: ப்ரியாம் ।
ஈஷத்ஸம்லஜ்ஜமானாம் தாமத்⁴யாரோபயதப்லவம் ॥ 16 ॥
பார்ஶ்வே ச தத்ர வைதே³ஹ்யா வஸனே பூ⁴ஷணானி ச ।
ப்லவே கடி²னகாஜம் ச ராமஶ்சக்ரே ஸஹாயுதை⁴: ॥ 17 ॥
ஆரோப்ய ப்ரத²மம் ஸீதாம் ஸங்கா⁴டம் பரிக்³ருஹ்ய தௌ ।
தத ப்ரதேரதுர்யத்தௌ வீரௌ த³ஶரதா²த்மஜௌ ॥ 18 ॥
காலிந்தீ³மத்⁴யமாயாதா ஸீதா த்வேனாமவந்த³த ।
ஸ்வஸ்தி தே³வி தராமி த்வாம் பாரயே ந்மே பதிர்வ்ரதம் ॥ 19 ॥
காலிந்தீ³ மத² ஸீதா து யாசமானா க்ருதாஞ்ஜலி: ।
தீரமேவாபி⁴ஸம்ப்ராப்தா த³க்ஷிணம் வரவர்ணினீ ॥ 2௦ ॥
தத ப்லவேனாம்ஶுமதீம் ஶீக்⁴ரகா³மூர்மிமாலினீம் ।
தீரஜை ர்ப³ஹுபி⁴ர்வ்ருக்ஷை ஸ்ஸந்தேருர்யமுனாம் நதீ³ம் ॥ 21 ॥
தே தீர்ணா: ப்லவமுத்ஸ்ருஜ்ய ப்ரஸ்தா²ய யமுனாவனாத் ।
ஶ்யாமம் ந்யக்³ரோத⁴ மாஸேது³ ஶ்ஶீதலம் ஹரிதச்ச²த³ம் ॥ 22 ॥
ந்யக்³ரோத⁴ம் தமுபாக³ம்ய வைதே³ஹீ வாக்யமப்³ரவீத் ।
நமஸ்தேஸ்து மஹாவ்ருக்ஷ பாரயேன்மே பதிர்வ்ரதம் ॥ 23 ॥
கௌஶல்யாம் சைவ பஶ்யேயம் ஸுமித்ராம் ச யஶஶ்வினீம் ।
இதி ஸீதாஞ்ஜலிம் க்ருத்வா பர்யக³ச்ச²த்³வனஸ்பதிம் ॥ 24 ॥
அவலோக்ய தத ஸ்ஸீதாமாயாசந்தீமனிந்தி³தாம் ।
த³யிதாம் ச விதே⁴யாம் ச ராமோ லக்ஷ்மணமப்³ரவீத் ॥ 25 ॥
ஸீதாமாதா³ய க³ச்ச²த்வமக்³ரதோ ப⁴ரதானுஜ ।
ப்ருஷ்ட²தோஹம் க³மிஷ்யாமி ஸாயுதோ⁴ த்³விபதா³ம் வர ॥ 26 ॥
யத்³யத்ப²லம் ப்ரார்த²யதே புஷ்பம் வா ஜனகாத்மஜா ।
தத்தத்ப்ரத³த்³யா வைதே³ஹ்யா யத்ராஸ்யா ரமதே மன: ॥ 27 ॥
க³ச்ச²தோஸ்து தயோர்மத்⁴யே ப³பூ⁴வ ஜனகாத்மஜா ।
மாதங்க³யோர்மத்⁴யக³தா ஶுபா⁴ நாக³வதூ⁴ரிவ ॥ 28 ॥
ஏகைகம் பாத³பம் கு³ல்மம் லதாம் வா புஷ்பஶாலினீம் ।
அத்³ருஷ்டபூர்வாம் பஶ்யந்தீ ராமம் பப்ரச்ச² ஸாப³லா ॥ 29 ॥
ரமணீயான்ப³ஹுவிதா⁴ன்பாத³பான்குஸுமோத்கடான் ।
ஸீதாவசனஸம்ரப்³த⁴ ஆனயாமாஸ லக்ஷ்மண: ॥ 3௦ ॥
விசித்ரவாலுகஜலாம் ஹம்ஸஸாரஸனாதி³தாம் ।
ரேமே ஜனகராஜஸ்ய ஸுதா ப்ரேக்ஷ்ய ததா³ நதீ³ம் ॥ 31 ॥
க்ரோஶமாத்ரம் ததோ க³த்வா ப்⁴ராதரௌ ராமலக்ஷ்மணௌ ।
ப³ஹூன்மேத்⁴யான்ம்ருகா³ன்ஹத்வா சேரதுர்யமுனாவனே ॥ 32 ॥
விஹ்ருத்ய தே ப³ர்ஹிணபூக³னாதி³தே ஶுபே⁴ வனே வானரவாரணாயுதே ।
ஸமம் நதீ³வப்ரமுபேத்ய ஸம்மதம் நிவாஸ மாஜக்³மு ரதீ³னத³ர்ஶனா: ॥ 33 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ பஞ்சபஞ்சாஶஸ்ஸர்க:³ ॥
