ශ්රීමද්වාල්මීකීය රාමායණේ අයෝධ්යාකාංඩම් ।
අථ පංචපංචාශස්සර්ගඃ ।
උෂිත්වා රජනීං තත්ර රාජපුත්රාවරිංදමෞ ।
මහර්ෂිමභිවාද්යාථ ජග්මතුස්තං ගිරිං ප්රති ॥ 1 ॥
තේෂාං චෛව ස්වස්ත්යයනං මහර්ෂි ස්ස චකාර හ ।
ප්රස්ථිතාංශ්චෛව තාන්ප්රේක්ෂ්ය පිතා පුත්රානිවාන්වගාත් ॥ 2 ॥
තතඃ ප්රචක්රමේ වක්තුං වචනං ස මහාමුනිඃ ।
භරද්වාජෝ මහාතේජා රාමං සත්යපරාක්රමම් ॥ 3 ॥
ගංගායමුනයෝ ස්සංධිමාසාද්ය මනුජර්ෂභෞ ।
කාලිංදීමනුගච්ඡේතාං නදීං පශ්චාන්මුඛාශ්රිතාම් ॥ 4 ॥
අථාऽසාද්ය තු කාලිංදී ශීඝ්රස්රෝතසමාපගාම් ।
තස්යාස්තීර්ථං ප්රචලිතං පුරාණං ප්රේක්ෂ්ය රාඝවෞ ॥ 5 ॥
තත්ර යූයං ප්ලවං කෘත්වා තරතාංශුමතීං නදීම් ।
තතෝ න්යග්රෝධමාසාද්ය මහාංතං හරිතච්ඡදම් ॥ 6 ॥
විවෘද්ධං බහුභිර්වෘක්ෂෛ ශ්ශ්යාමං සිද්ධෝපසේවිතම් ।
තස්මෛ සීතාංජලිං කෘත්වා ප්රයුංජීතාශිෂශ්ශිවාඃ ॥ 7 ॥
සමාසාද්ය තු තං වෘක්ෂං වසේද්වාතික්රමේත වා ।
ක්රෝශමාත්රං තතෝ ගත්වා නීලං ද්රක්ෂ්යථ කානනම් ॥ 8 ॥
පලාශබදරීමිශ්රං රම්යං වංශෛශ්ච යාමුනෛඃ ।
ස පංථාශ්චිත්රකූටස්ය ගත ස්සුබහුශෝ මයා ॥ 9 ॥
රම්යෝ මාර්දවයුක්තශ්ච වනදාවෛර්විවර්ජිතඃ ।
ඉති පංථානමාවේද්ය මහර්ෂිස්සන්යවර්තත ॥ 10 ॥
අභිවාද්ය තථේත්යුක්ත්වා රාමේණ විනිවර්තිතඃ ।
උපාවෘත්තේ මුනෞ තස්මින්රාමෝ ලක්ෂ්මණමබ්රවීත් ॥ 11 ॥
කෘතපුණ්යාඃ ස්ම සෞමිත්රේ මුනිර්යන්නෝऽනුකංපතේ ।
ඉති තෞ පුරුෂව්යාඝ්රෞ මංත්රයිත්වා මනස්විනෞ ।
සීතාමේවාග්රතඃ කෘත්වා කාලිංදීං ජග්මතුර්නදීම් ॥ 12 ॥
අථාऽසාද්ය තු කාලිංදීං ශීඝ්රස්රෝතෝවහාං නදීම් ।
චිංතාමාපේදිරේ සර්වේ නදීජලතිතීර්ෂවඃ ॥ 13 ॥
තෞ කාෂ්ඨසංඝාතමථෝ චක්රතු ස්සුමහාප්ලවම් ।
ශුෂ්කෛර්වංශෛ ස්සමාස්තීර්ණමුශීරෛශ්ච සමාවෘතම් ॥ 14 ॥
තතෝ වේතසශාඛාශ්ච ජංබූශාඛාශ්ච වීර්යවාන් ।
චකාර ලක්ෂ්මණශ්ඡිත්වා සීතායා ස්සුඛමාසනම් ॥ 15 ॥
තත්ර ශ්රියමිවාචිංත්යාං රාමෝ දාශරථිඃ ප්රියාම් ।
ඊෂත්සංලජ්ජමානාං තාමධ්යාරෝපයතප්ලවම් ॥ 16 ॥
පාර්ශ්වේ ච තත්ර වෛදේහ්යා වසනේ භූෂණානි ච ।
ප්ලවේ කඨිනකාජං ච රාමශ්චක්රේ සහායුධෛඃ ॥ 17 ॥
ආරෝප්ය ප්රථමං සීතාං සංඝාටං පරිගෘහ්ය තෞ ।
තත ප්රතේරතුර්යත්තෞ වීරෞ දශරථාත්මජෞ ॥ 18 ॥
කාලිංදීමධ්යමායාතා සීතා ත්වේනාමවංදත ।
ස්වස්ති දේවි තරාමි ත්වාං පාරයේ න්මේ පතිර්ව්රතම් ॥ 19 ॥
කාලිංදී මථ සීතා තු යාචමානා කෘතාංජලිඃ ।
තීරමේවාභිසංප්රාප්තා දක්ෂිණං වරවර්ණිනී ॥ 20 ॥
තත ප්ලවේනාංශුමතීං ශීඝ්රගාමූර්මිමාලිනීම් ।
තීරජෛ ර්බහුභිර්වෘක්ෂෛ ස්සංතේරුර්යමුනාං නදීම් ॥ 21 ॥
තේ තීර්ණාඃ ප්ලවමුත්සෘජ්ය ප්රස්ථාය යමුනාවනාත් ।
ශ්යාමං න්යග්රෝධ මාසේදු ශ්ශීතලං හරිතච්ඡදම් ॥ 22 ॥
න්යග්රෝධං තමුපාගම්ය වෛදේහී වාක්යමබ්රවීත් ।
නමස්තේऽස්තු මහාවෘක්ෂ පාරයේන්මේ පතිර්ව්රතම් ॥ 23 ॥
කෞශල්යාං චෛව පශ්යේයං සුමිත්රාං ච යශශ්විනීම් ।
ඉති සීතාऽංජලිං කෘත්වා පර්යගච්ඡද්වනස්පතිම් ॥ 24 ॥
අවලෝක්ය තත ස්සීතාමායාචංතීමනිංදිතාම් ।
දයිතාං ච විධේයාං ච රාමෝ ලක්ෂ්මණමබ්රවීත් ॥ 25 ॥
සීතාමාදාය ගච්ඡත්වමග්රතෝ භරතානුජ ।
පෘෂ්ඨතෝऽහං ගමිෂ්යාමි සායුධෝ ද්විපදාං වර ॥ 26 ॥
යද්යත්ඵලං ප්රාර්ථයතේ පුෂ්පං වා ජනකාත්මජා ।
තත්තත්ප්රදද්යා වෛදේහ්යා යත්රාऽස්යා රමතේ මනඃ ॥ 27 ॥
ගච්ඡතෝऽස්තු තයෝර්මධ්යේ බභූව ජනකාත්මජා ।
මාතංගයෝර්මධ්යගතා ශුභා නාගවධූරිව ॥ 28 ॥
ඒකෛකං පාදපං ගුල්මං ලතාං වා පුෂ්පශාලිනීම් ।
අදෘෂ්ටපූර්වාං පශ්යංතී රාමං පප්රච්ඡ සාऽබලා ॥ 29 ॥
රමණීයාන්බහුවිධාන්පාදපාන්කුසුමෝත්කටාන් ।
සීතාවචනසංරබ්ධ ආනයාමාස ලක්ෂ්මණඃ ॥ 30 ॥
විචිත්රවාලුකජලාං හංසසාරසනාදිතාම් ।
රේමේ ජනකරාජස්ය සුතා ප්රේක්ෂ්ය තදා නදීම් ॥ 31 ॥
ක්රෝශමාත්රං තතෝ ගත්වා භ්රාතරෞ රාමලක්ෂ්මණෞ ।
බහූන්මේධ්යාන්මෘගාන්හත්වා චේරතුර්යමුනාවනේ ॥ 32 ॥
විහෘත්ය තේ බර්හිණපූගනාදිතේ ශුභේ වනේ වානරවාරණායුතේ ।
සමං නදීවප්රමුපේත්ය සම්මතං නිවාස මාජග්මු රදීනදර්ශනාඃ ॥ 33 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ පංචපංචාශස්සර්ගඃ ॥
