শ্রীমদ্বাল্মীকীয় রামাযণে অয়োধ্য়াকাংডম্ ।
অথ সপ্তপংচাশস্সর্গঃ ।
কথয়িত্বা সুদুঃখার্তস্সুমংত্রেণ চিরং সহ ।
রামে দক্ষিণকূলস্থে জগাম স্বগৃহং গুহঃ ॥ 1 ॥
ভরদ্বাজাভিগমনং প্রয়াগে চ সহাঽসনম্ ।
আগিরের্গমনং তেষাং তত্রস্থৈরুপলক্ষিতম্ ॥ 2 ॥
অনুজ্ঞাতস্সুমংত্রোঽথ যোজয়িত্বা হয়োত্তমান্ ।
অয়োধ্য়ামেব নগরীং প্রযয়ৌ গাঢদুর্মনাঃ ॥ 3 ॥
স বনানি সুগংধীনি সরিতশ্চ সরাংসি চ ।
পশ্যন্নতিযয়ৌ শীঘ্রং গ্রামাণি নগরাণি চ ॥ 4 ॥
তত স্সায়াহ্ন সময়ে তৃতীয়েঽহনি সারথিঃ ।
অয়োধ্য়াং সমনুপ্রাপ্য় নিরানংদাং দদর্শ হ ॥ 5 ॥
স শূন্য়ামিব নিশ্শব্দাং দৃষ্ট্বা পরমদুর্মনাঃ ।
সুমংত্রশ্চিংতয়ামাস শোকবেগসমাহতঃ ॥ 6 ॥
কচ্চিন্ন সগজা সাঽশ্বা সজনা সজনাধিপা ।
রামসংতাপদুঃখেন দগ্ধা শোকাগ্নিনা পুরী ॥ 7 ॥
ইতি চিংতাপরস্সূতো বাজিভিশ্শীঘ্রপাতিভিঃ ।
নগরদ্বারমাসাদ্য় ত্বরিতঃ প্রবিবেশ হ ॥ 8 ॥
সুমংত্রমভিয়াংতং তং শতশোঽথ সহস্রশঃ ।
ক্ব রাম ইতি পৃচ্ছংতস্সূতমভ্যদ্রবন্নরাঃ ॥ 9 ॥
তেষাং শশংস গংগায়ামহমাপৃচ্ছ্য় রাঘবম্ ।
অনুজ্ঞাতো নিবৃত্তোঽস্মি ধার্মিকেণ মহাত্মানা ॥ 10 ॥
তে তীর্ণা ইতি বিজ্ঞায় বাষ্পপূর্ণমুখা জনাঃ ।
অহো ধিগিতি নিশ্শ্বস্য় হা রামেতি চ চুক্রুশুঃ ॥ 11 ॥
শুশ্রাব চ বচস্তেষাং বৃংদং বৃংদং চ তিষ্ঠতাম্ ।
হতাস্ম খলু যে নেহ পশ্য়াম ইতি রাঘবম্ ॥ 12 ॥
দানযজ্ঞবিবাহেষু সমাজেষু মহত্সু চ ।
ন দ্রক্ষ্য়ামঃ পুন র্জাতু ধার্মিকং রামমংতরা ॥ 13 ॥
কিং সমর্থং জনস্য়াস্য় কিং প্রিয়ং কিং সুখাবহম্ ।
ইতি রামেণ নগরং পিতৃবত্পরিপালিতম্ ॥ 14 ॥
বাতাযনগতানাং চ স্ত্রীণামন্বংতরাপণম্ ।
রামশোকাভিতপ্তানাং শুশ্রাব পরিদেবনম্ ॥ 15 ॥
স রাজমার্গমধ্য়েন সুমংত্রঃ পিহিতাননঃ ।
যত্র রাজা দশরথস্তদেবোপযয়ৌ গৃহম্ ॥ 16 ॥
সোঽবতীর্য় রথাচ্ছীঘ্রং রাজবেশ্ম প্রবিশ্য় চ ।
কক্ষ্য়া স্সপ্তাভিচক্রাম মহাজনসমাকুলাঃ ॥ 17 ॥
হর্ম্য়ৈ র্বিমানৈঃ প্রাসাদৈরবেক্ষ্য়াথ সমাগতম্ ।
হাহাকারকৃতা নার্য়ো রামদর্শনকর্শিতাঃ ॥ 18 ॥
আযতৈর্বিমলৈর্নেত্রৈরশ্রুবেগপরিপ্লুতৈঃ ।
অন্য়োন্যমভিবীক্ষংতেঽব্যক্তমার্ততরাঃ স্ত্রিয়ঃ ॥ 19 ॥
ততো দশরথস্ত্রীণাং প্রাসাদেভ্য় স্তত স্ততঃ ।
রামশোকাভিতপ্তানাং মংদং শুশ্রাব জল্পিতম্ ॥ 20 ॥
সহ রামেণ নির্য়াতো বিনা রাম মিহাগতঃ ।
সূতঃ কিন্নাম কৌসল্য়াং শোচংতীং প্রতিবক্ষ্যতি ॥ 21 ॥
যথা চ মন্য়ে দুর্জীবমেবং ন সুকরং ধ্রুবম্ ।
আচ্ছিদ্য় পুত্রে নির্য়াতে কৌসল্য়া যত্র জীবতি ॥ 22 ॥
সত্যরূপং তু তদ্বাক্য়ং রাজ্ঞঃ স্ত্রীণাং নিশামযন্ ।
প্রদীপ্তমিব শোকেন বিবেশ সহসা গৃহম্ ॥ 23 ॥
স প্রবিশ্য়াষ্টমীং কক্ষ্য়াং রাজানং দীনমাতুরম্ ।
পুত্রশোকপরিম্লানমপশ্যত্পাংডুরে গৃহে ॥ 24 ॥
অভিগম্য় তমাসীনং নরেংদ্রে মভিবাদ্য় চ ।
সুমংত্রো রামবচনং যথোক্তং প্রত্যবেদযত্ ॥ 25 ॥
স তূষ্ণীমেব তচ্ছ্রুত্বা রাজা বিভ্রাংতচেতনঃ ।
মূর্ছিতো ন্যপতদ্ভূমৌ রামশোকাভিপীডিতঃ ॥ 26 ॥
ততোঽংতঃপুরমাবিদ্ধং মূর্ছিতে পৃথিবীপতৌ ।
উদ্ধৃত্য় বাহূ চুক্রোশ নৃপতৌ পতিতেক্ষিতৌ ॥ 27 ॥
সুমিত্রয়া তু সহিতা কৌসল্য়া পতিতং পতিম্ ।
উত্থাপয়ামাস তদা বচনং চেদমব্রবীত্ ॥ 28 ॥
ইমং তস্য় মহাভাগ দূতং দুষ্করকারিণঃ ।
বনবাসাদনুপ্রাপ্তং কস্মান্ন প্রতিভাষসে ॥ 29 ॥
অদ্য়ৈবমনয়ং কৃত্বা ব্যপত্রপসি রাঘব ।
উত্তিষ্ঠ সুকৃতং তেস্তু শোকে নস্য়া ত্সহাযতা ॥ 30 ॥
দেব যস্য়া ভয়াদ্রামং নানুপৃচ্ছসি সারথিম্ ।
নেহ তিষ্ঠিতি কৈকেয়ী বিস্রব্ধং প্রতিভাষ্যতাম্ ॥ 31 ॥
সা তথোক্ত্বা মহারাজং কৌসল্য়া শোকলালসা ।
ধরণ্য়াং নিপপাতাঽশু বাষ্পবিপ্লুতভাষিণী ॥ 32 ॥
এবং বিলপতীং দৃষ্ট্বা কৌসল্য়াং পতিতাং ভুবি ।
পতিং চাবেক্ষ্য় তা স্সর্বা সুস্বরং রুরুদুঃ স্ত্রিয়ঃ ॥ 33 ॥
তত স্তমংতঃপুরনাদমুত্থিতং সমীক্ষ্য় বৃদ্ধা স্তরুণাশ্চ মানবাঃ ।
স্ত্রিযশ্চ সর্বা রুরুদু স্সমংততঃ পুরং তদাসীত্পুনরেব সংকুলম্ ॥ 34 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে সপ্তপংচাশস্সর্গঃ ॥
