ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஸப்தபஞ்சாஶஸ்ஸர்க:³ ।
கத²யித்வா ஸுது³:கா²ர்தஸ்ஸுமந்த்ரேண சிரம் ஸஹ ।
ராமே த³க்ஷிணகூலஸ்தே² ஜகா³ம ஸ்வக்³ருஹம் கு³ஹ: ॥ 1 ॥
ப⁴ரத்³வாஜாபி⁴க³மனம் ப்ரயாகே³ ச ஸஹாஸனம் ।
ஆகி³ரேர்க³மனம் தேஷாம் தத்ரஸ்தை²ருபலக்ஷிதம் ॥ 2 ॥
அனுஜ்ஞாதஸ்ஸுமந்த்ரோத² யோஜயித்வா ஹயோத்தமான் ।
அயோத்⁴யாமேவ நக³ரீம் ப்ரயயௌ கா³ட⁴து³ர்மனா: ॥ 3 ॥
ஸ வனானி ஸுக³ந்தீ⁴னி ஸரிதஶ்ச ஸராம்ஸி ச ।
பஶ்யன்னதியயௌ ஶீக்⁴ரம் க்³ராமாணி நக³ராணி ச ॥ 4 ॥
தத ஸ்ஸாயாஹ்ன ஸமயே த்ருதீயேஹனி ஸாரதி²: ।
அயோத்⁴யாம் ஸமனுப்ராப்ய நிரானந்தா³ம் த³த³ர்ஶ ஹ ॥ 5 ॥
ஸ ஶூன்யாமிவ நிஶ்ஶப்³தா³ம் த்³ருஷ்ட்வா பரமது³ர்மனா: ।
ஸுமந்த்ரஶ்சிந்தயாமாஸ ஶோகவேக³ஸமாஹத: ॥ 6 ॥
கச்சின்ன ஸகஜ³ா ஸாஶ்வா ஸஜனா ஸஜனாதி⁴பா ।
ராமஸந்தாபது³:கே²ன த³க்³தா⁴ ஶோகாக்³னினா புரீ ॥ 7 ॥
இதி சிந்தாபரஸ்ஸூதோ வாஜிபி⁴ஶ்ஶீக்⁴ரபாதிபி⁴: ।
நக³ரத்³வாரமாஸாத்³ய த்வரித: ப்ரவிவேஶ ஹ ॥ 8 ॥
ஸுமந்த்ரமபி⁴யாந்தம் தம் ஶதஶோத² ஸஹஸ்ரஶ: ।
க்வ ராம இதி ப்ருச்ச²ந்தஸ்ஸூதமப்⁴யத்³ரவன்னரா: ॥ 9 ॥
தேஷாம் ஶஶம்ஸ க³ங்கா³யாமஹமாப்ருச்ச்²ய ராக⁴வம் ।
அனுஜ்ஞாதோ நிவ்ருத்தோஸ்மி தா⁴ர்மிகேண மஹாத்மானா ॥ 1௦ ॥
தே தீர்ணா இதி விஜ்ஞாய பா³ஷ்பபூர்ணமுகா² ஜனா: ।
அஹோ தி⁴கி³தி நிஶ்ஶ்வஸ்ய ஹா ராமேதி ச சுக்ருஶு: ॥ 11 ॥
ஶுஶ்ராவ ச வசஸ்தேஷாம் ப்³ருந்த³ம் ப்³ருந்த³ம் ச திஷ்ட²தாம் ।
ஹதாஸ்ம க²லு யே நேஹ பஶ்யாம இதி ராக⁴வம் ॥ 12 ॥
தா³னயஜ்ஞவிவாஹேஷு ஸமாஜேஷு மஹத்ஸு ச ।
ந த்³ரக்ஷ்யாம: புன ர்ஜாது தா⁴ர்மிகம் ராமமந்தரா ॥ 13 ॥
கிம் ஸமர்த²ம் ஜனஸ்யாஸ்ய கிம் ப்ரியம் கிம் ஸுகா²வஹம் ।
இதி ராமேண நக³ரம் பித்ருவத்பரிபாலிதம் ॥ 14 ॥
வாதாயனக³தானாம் ச ஸ்த்ரீணாமன்வந்தராபணம் ।
ராமஶோகாபி⁴தப்தானாம் ஶுஶ்ராவ பரிதே³வனம் ॥ 15 ॥
ஸ ராஜமார்க³மத்⁴யேன ஸுமந்த்ர: பிஹிதானந: ।
யத்ர ராஜா த³ஶரத²ஸ்ததே³வோபயயௌ க்³ருஹம் ॥ 16 ॥
ஸோவதீர்ய ரதா²ச்சீ²க்⁴ரம் ராஜவேஶ்ம ப்ரவிஶ்ய ச ।
கக்ஷ்யா ஸ்ஸப்தாபி⁴சக்ராம மஹாஜனஸமாகுலா: ॥ 17 ॥
ஹர்ம்யை ர்விமானை: ப்ராஸாதை³ரவேக்ஷ்யாத² ஸமாக³தம் ।
ஹாஹாகாரக்ருதா நார்யோ ராமத³ர்ஶனகர்ஶிதா: ॥ 18 ॥
ஆயதைர்விமலைர்னேத்ரைரஶ்ருவேக³பரிப்லுதை: ।
அன்யோன்யமபி⁴வீக்ஷந்தேவ்யக்தமார்ததரா: ஸ்த்ரிய: ॥ 19 ॥
ததோ த³ஶரத²ஸ்த்ரீணாம் ப்ராஸாதே³ப்⁴ய ஸ்தத ஸ்தத: ।
ராமஶோகாபி⁴தப்தானாம் மந்த³ம் ஶுஶ்ராவ ஜல்பிதம் ॥ 2௦ ॥
ஸஹ ராமேண நிர்யாதோ வினா ராம மிஹாக³த: ।
ஸூத: கின்னாம கௌஸல்யாம் ஶோசந்தீம் ப்ரதிவக்ஷ்யதி ॥ 21 ॥
யதா² ச மன்யே து³ர்ஜீவமேவம் ந ஸுகரம் த்⁴ருவம் ।
ஆச்சி²த்³ய புத்ரே நிர்யாதே கௌஸல்யா யத்ர ஜீவதி ॥ 22 ॥
ஸத்யரூபம் து தத்³வாக்யம் ராஜ்ஞ: ஸ்த்ரீணாம் நிஶாமயன் ।
ப்ரதீ³ப்தமிவ ஶோகேன விவேஶ ஸஹஸா க்³ருஹம் ॥ 23 ॥
ஸ ப்ரவிஶ்யாஷ்டமீம் கக்ஷ்யாம் ராஜானம் தீ³னமாதுரம் ।
புத்ரஶோகபரிம்லானமபஶ்யத்பாண்டு³ரே க்³ருஹே ॥ 24 ॥
அபி⁴க³ம்ய தமாஸீனம் நரேந்த்³ரே மபி⁴வாத்³ய ச ।
ஸுமந்த்ரோ ராமவசனம் யதோ²க்தம் ப்ரத்யவேத³யத் ॥ 25 ॥
ஸ தூஷ்ணீமேவ தச்ச்²ருத்வா ராஜா விப்⁴ராந்தசேதன: ।
மூர்சி²தோ ந்யபதத்³பூ⁴மௌ ராமஶோகாபி⁴பீடி³த: ॥ 26 ॥
ததோந்த:புரமாவித்³த⁴ம் மூர்சி²தே ப்ருதி²வீபதௌ ।
உத்³த்⁴ருத்ய பா³ஹூ சுக்ரோஶ ந்ருபதௌ பதிதேக்ஷிதௌ ॥ 27 ॥
ஸுமித்ரயா து ஸஹிதா கௌஸல்யா பதிதம் பதிம் ।
உத்தா²பயாமாஸ ததா³ வசனம் சேத³மப்³ரவீத் ॥ 28 ॥
இமம் தஸ்ய மஹாபா⁴க³ தூ³தம் து³ஷ்கரகாரிண: ।
வனவாஸாத³னுப்ராப்தம் கஸ்மான்ன ப்ரதிபா⁴ஷஸே ॥ 29 ॥
அத்³யைவமனயம் க்ருத்வா வ்யபத்ரபஸி ராக⁴வ ।
உத்திஷ்ட² ஸுக்ருதம் தேஸ்து ஶோகே நஸ்யா த்ஸஹாயதா ॥ 3௦ ॥
தே³வ யஸ்யா ப⁴யாத்³ராமம் நானுப்ருச்ச²ஸி ஸாரதி²ம் ।
நேஹ திஷ்டி²தி கைகேயீ விஸ்ரப்³த⁴ம் ப்ரதிபா⁴ஷ்யதாம் ॥ 31 ॥
ஸா ததோ²க்த்வா மஹாராஜம் கௌஸல்யா ஶோகலாலஸா ।
த⁴ரண்யாம் நிபபாதாஶு பா³ஷ்பவிப்லுதபா⁴ஷிணீ ॥ 32 ॥
ஏவம் விலபதீம் த்³ருஷ்ட்வா கௌஸல்யாம் பதிதாம் பு⁴வி ।
பதிம் சாவேக்ஷ்ய தா ஸ்ஸர்வா ஸுஸ்வரம் ருருது³: ஸ்த்ரிய: ॥ 33 ॥
தத ஸ்தமந்த:புரனாத³முத்தி²தம் ஸமீக்ஷ்ய வ்ருத்³தா⁴ ஸ்தருணாஶ்ச மானவா: ।
ஸ்த்ரியஶ்ச ஸர்வா ருருது³ ஸ்ஸமந்தத: புரம் ததா³ஸீத்புனரேவ ஸங்குலம் ॥ 34 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஸப்தபஞ்சாஶஸ்ஸர்க:³ ॥
