ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஷட்ஷஷ்டிதமஸ்ஸர்க:³ ।
தமக்³னிமிவ ஸம்ஶாந்தமம்பு³ஹீனமிவார்ணவம் ।
ஹதப்ரப⁴மிவாதி³த்யம் ஸ்வர்க³ஸ்த²ம் ப்ரேக்ஷ்ய பார்தி²வம் ॥ 1 ॥
கௌஸல்யா பா³ஷ்பபூர்ணாக்ஷீ விவிதா⁴ம் ஶோககர்ஶிதா ।
உபக்³ருஹ்ய ஶிரோ ராஜ்ஞ: கைகேயீம் ப்ரத்யபா⁴ஷத ॥ 2 ॥
தமக்³னிமிவ ஸம்ஶாந்தமம்பு³ஹீனமிவார்ணவம் ।
ஹதப்ரப⁴மிவாதி³த்யம் ஸ்வர்க³ஸ்த²ம் ப்ரேக்ஷ்ய பார்தி²வம் ॥ 3 ॥
கௌஸல்யா பா³ஷ்பபூர்ணாக்ஷீ விவிதா⁴ம் ஶோககர்ஶிதா ।
உபக்³ருஹ்ய ஶிரோ ராஜ்ஞ: கைகேயீம் ப்ரத்யபா⁴ஷத ॥ 4 ॥
ஸகாமா ப⁴வ கைகேயி பு⁴ங்க்ஷ்வ ராஜ்யமகண்டகம் ।
த்யக்த்வா ராஜானமேகாக்³ரா ந்ருஶம்ஸே து³ஷ்டசாரிணி ॥ 5 ॥
விஹாய மாம் க³தோ ராம: ப⁴ர்தா ச ஸ்வர்க³தோ மம ।
விபதே² ஸார்த²ஹீனேவ நாஹம் ஜீவிதுமுத்ஸஹே ॥ 6 ॥
ப⁴ர்தாரம் தம் பரித்யஜ்ய கா ஸ்த்ரீ தை³வதமாத்மன: ।
இச்சே²ஜ்ஜீவிதுமன்யத்ர கைகேய்யாஸ்த்யக்தத⁴ர்மண: ॥ 7 ॥
ந லுப்³தோ⁴ பு³த்⁴யதே தோ³ஷான் கிம்பாகமிவ ப⁴க்ஷயன் ।
குப்³ஜானிமித்தம் கைகேய்யா ராக⁴வாணாம் குலம் ஹதம் ॥ 8 ॥
அனியோகே³ நியுக்தேன ராஜ்ஞா ராமம் விவாஸிதம் ।
ஸபா⁴ர்யம் ஜனகஶ்ஶ்ருத்வா பரிதப்ஸ்யத்யஹம் யதா² ॥ 9 ॥
ஸ மாமனாதா²ம் வித⁴வாம் நாத்³ய ஜானாதி தா⁴ர்மிக: ।
ராம: கமலபத்ராக்ஷ: ஜீவன்னாஶமிதோ க³த: ॥ 1௦ ॥
விதே³ஹராஜஸ்ய ஸுதா ததா² ஸீதா தபஸ்வினீ ।
து³:க²ஸ்யானுசிதா து³:க²ம் வனே பர்யுத்³விஜிஷ்யதி ॥ 11 ॥
நத³தாம் பீ⁴மகோ⁴ஷாணாம் நிஶாஸு ம்ருக³பக்ஷிணாம் ।
நிஶம்ய நூனம் ஸந்த்ரஸ்தா ராக⁴வம் ஸம்ஶ்ரயிஷ்யதி ॥ 12 ॥
வ்ருத்³த⁴ஶ்சைவால்பபுத்ரஶ்ச வைதே³ஹீமனுசிந்தயன் ।
ஸோபி ஶோகஸமாவிஷ்டோ நனு த்யக்ஷ்யதி ஜீவிதம் ॥ 13 ॥
ஸாஹமத்³யைவ தி³ஷ்டாந்தம் க³மிஷ்யாமி பதிவ்ரதா ।
இத³ம் ஶரீர மாலிங்க்³ய ப்ரவேக்ஷ்யாமி ஹுதாஶனம் ॥ 14 ॥
தாம் ததஸ்ஸம்பரிஷ்வஜ்ய விலபந்தீம் தபஸ்வினீம் ।
வ்யபனீய ஸுது³:கா²ர்தாம் கௌஸல்யாம் வ்யாவஹாரிகா: ॥ 15 ॥
தைலத்³ரோண்யாமதா²மாத்யா ஸம்வேஶ்ய ஜக³தீபதிம் ।
ராஜ்ஞஸ்ஸர்வாண்யதா²தி³ஷ்டாஶ்சக்ரு: கர்மாண்யனந்தரம் ॥ 16 ॥
ந து ஸங்கலனம் ராஜ்ஞோ வினா புத்ரேண மந்த்ரிண: ।
ஸர்வஜ்ஞா: கர்துமீஷுஸ்தே ததோ ரக்ஷந்தி பூ⁴மிபம் ॥ 17 ॥
தைலத்³ரோண்யாம் து ஸசிவைஶ்ஶாயிதம் தம் நராதி⁴பம் ।
ஹா ம்ருதோயமிதி ஜ்ஞாத்வா ஸ்த்ரியஸ்தா: பர்யதே³வயன் ॥ 18 ॥
பா³ஹூனுத்³யம்ய க்ருபணா: நேத்ரப்ரஸ்ரவணைர்முகை²: ।
ருத³ந்த்ய ஶ்ஶோகஸந்தப்தா: க்ருபணம் பர்யதே³வயன் ॥ 19 ॥
ஹா மஹாராஜ ராமேண ஸததம் ப்ரியவாதி³னா ।
விஹீனாஸ்ஸத்யஸந்தே⁴ன கிமர்த²ம் விஜஹாஸி ந: ॥ 2௦ ॥
கைகேய்யா து³ஷ்டபா⁴வாயா: ராக⁴வேண வியோஜிதா: ।
கத²ம் பதிக்⁴னயா வத்ஸ்யாம ஸ்ஸமீபே வித⁴வா வயம் ॥ 21 ॥
ஸ ஹி நாத²ஸ்ஸதா³ஸ்மாகம் தவ ச ப்ரபு⁴ராத்மவான் ।
வனம் ராமோ க³தஶ்ஶ்ரீமான்விஹாய ந்ருபதிஶ்ரியம் ॥ 22 ॥
த்வயா தேன ச வீரேண வினா வ்யஸனமோஹிதா: ।
கத²ம் வயம் நிவத்ஸ்யாம: கைகேய்யா ச விதூ³ஷிதா: ॥ 23 ॥
யயா து ராஜா ராமஶ்ச லக்ஷ்மணஶ்ச மஹாப³ல: ।
ஸீதயா ஸஹ ஸந்த்யக்தா ஸ்ஸாகமன்யம் ந ஹாஸ்யதி ॥ 24 ॥
தா பா³ஷ்பேண ச ஸம்வீதாஶ்ஶோகேன விபுலேன ச ।
வ்யவேஷ்டந்த நிரானந்தா³ ராக⁴வஸ்ய வரஸ்த்ரிய: ॥ 25 ॥
நிஶா சந்த்³ரவிஹீனேவ ஸ்த்ரீவ ப⁴ர்த்ருவிவர்ஜிதா ।
புரீ நாராஜதாயோத்⁴யா ஹீனா ராஜ்ஞா மஹாத்மனா ॥ 26 ॥
பா³ஷ்பபர்யாகுலஜனா ஹாஹாபூ⁴தகுலாங்க³னா ।
ஶூன்யசத்வரவேஶ்மாந்தா ந ப³ப்⁴ராஜ யதா²புரம் ॥ 27 ॥
க³தே து ஶோகாத் த்ரிதி³வம் நராதி⁴பே மஹீதலஸ்தா²ஸு ந்ருபாங்க³னாஸு ச ।
நிவ்ருத்தசாரஸ்ஸஹஸா க³தோ ரவி: ப்ரவ்ருத்தசாரா ரஜனீ ஹ்யுபஸ்தி²தா ॥ 28 ॥
ருதே து புத்ராத்³த⁴ஹனம் மஹீபதேர்னரோசயந்தே ஸுஹ்ருத³ஸ்ஸமாக³தா: ।
இதீவ தஸ்மின் ஶயனே ந்யவேஶயன் வனிசிந்த்ய ராஜானமசிந்த்ய த³ர்ஶனம் ॥ 29 ॥
க³தப்ரபா⁴ த்³யௌரிவ பா⁴ஸ்கரம் வினா வ்யபேதனக்ஷத்ரக³ணேவ ஶர்வரீ ।
புரீ ப³பா⁴ஸே ரஹிதா மஹாத்மனா ந சாஸ்ரகண்டா²குலமார்க³சத்வரா ॥ 3௦ ॥
நராஶ்ச நார்யஶ்ச ஸமேத்ய ஸங்க⁴ஶ: விக³ர்ஹமாணா ப⁴ரதஸ்ய மாதரம் ।
ததா³ நக³ர்யாம் நரதே³வஸங்க்ஷயே ப³பூ⁴வுரார்தா ந ச ஶர்ம லேபி⁴ரே ॥ 31 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஷட்ஷஷ்டிதமஸ்ஸர்க:³ ॥
