শ্রীমদ্বাল্মীকীয় রামাযণে অয়োধ্য়াকাংডম্ ।
অথ ষট্ষষ্টিতমস্সর্গঃ ।
তমগ্নিমিব সংশাংতমংবুহীনমিবার্ণবম্ ।
হতপ্রভমিবাঽঽদিত্য়ং স্বর্গস্থং প্রেক্ষ্য় পার্থিবম্ ॥ 1 ॥
কৌসল্য়া বাষ্পপূর্ণাক্ষী বিবিধাং শোককর্শিতা ।
উপগৃহ্য় শিরো রাজ্ঞঃ কৈকেয়ীং প্রত্যভাষত ॥ 2 ॥
তমগ্নিমিব সংশাংতমংবুহীনমিবার্ণবম্ ।
হতপ্রভমিবাঽঽদিত্য়ং স্বর্গস্থং প্রেক্ষ্য় পার্থিবম্ ॥ 3 ॥
কৌসল্য়া বাষ্পপূর্ণাক্ষী বিবিধাং শোককর্শিতা ।
উপগৃহ্য় শিরো রাজ্ঞঃ কৈকেয়ীং প্রত্যভাষত ॥ 4 ॥
সকামা ভব কৈকেয়ি ভুংক্ষ্ব রাজ্যমকংটকম্ ।
ত্যক্ত্বা রাজানমেকাগ্রা নৃশংসে দুষ্টচারিণি ॥ 5 ॥
বিহায় মাং গতো রামঃ ভর্তা চ স্বর্গতো মম ।
বিপথে সার্থহীনেব নাহং জীবিতুমুত্সহে ॥ 6 ॥
ভর্তারং তং পরিত্যজ্য় কা স্ত্রী দৈবতমাত্মনঃ ।
ইচ্ছেজ্জীবিতুমন্যত্র কৈকেয়্য়াস্ত্যক্তধর্মণঃ ॥ 7 ॥
ন লুব্ধো বুধ্যতে দোষান্ কিংপাকমিব ভক্ষযন্ ।
কুব্জানিমিত্তং কৈকেয়্য়া রাঘবাণাং কুলং হতম্ ॥ 8 ॥
অনিয়োগে নিয়ুক্তেন রাজ্ঞা রামং বিবাসিতম্ ।
সভার্য়ং জনকশ্শ্রুত্বা পরিতপ্স্যত্যহং যথা ॥ 9 ॥
স মামনাথাং বিধবাং নাদ্য় জানাতি ধার্মিকঃ ।
রামঃ কমলপত্রাক্ষঃ জীবন্নাশমিতো গতঃ ॥ 10 ॥
বিদেহরাজস্য় সুতা তথা সীতা তপস্বিনী ।
দুঃখস্য়ানুচিতা দুঃখং বনে পর্য়ুদ্বিজিষ্যতি ॥ 11 ॥
নদতাং ভীমঘোষাণাং নিশাসু মৃগপক্ষিণাম্ ।
নিশম্য় নূনং সংত্রস্তা রাঘবং সংশ্রয়িষ্যতি ॥ 12 ॥
বৃদ্ধশ্চৈবাল্পপুত্রশ্চ বৈদেহীমনুচিংতযন্ ।
সোঽপি শোকসমাবিষ্টো ননু ত্যক্ষ্যতি জীবিতম্ ॥ 13 ॥
সাঽহমদ্য়ৈব দিষ্টাংতং গমিষ্য়ামি পতিব্রতা ।
ইদং শরীর মালিংগ্য় প্রবেক্ষ্য়ামি হুতাশনম্ ॥ 14 ॥
তাং ততস্সংপরিষ্বজ্য় বিলপংতীং তপস্বিনীম্ ।
ব্যপনীয় সুদুঃখার্তাং কৌসল্য়াং ব্য়াবহারিকাঃ ॥ 15 ॥
তৈলদ্রোণ্য়ামথামাত্য়া সম্বেশ্য় জগতীপতিম্ ।
রাজ্ঞস্সর্বাণ্যথাদিষ্টাশ্চক্রুঃ কর্মাণ্যনংতরম্ ॥ 16 ॥
ন তু সংকলনং রাজ্ঞো বিনা পুত্রেণ মংত্রিণঃ ।
সর্বজ্ঞাঃ কর্তুমীষুস্তে ততো রক্ষংতি ভূমিপম্ ॥ 17 ॥
তৈলদ্রোণ্য়াং তু সচিবৈশ্শায়িতং তং নরাধিপম্ ।
হা মৃতোঽযমিতি জ্ঞাত্বা স্ত্রিযস্তাঃ পর্যদেবযন্ ॥ 18 ॥
বাহূনুদ্যম্য় কৃপণাঃ নেত্রপ্রস্রবণৈর্মুখৈঃ ।
রুদংত্য় শ্শোকসংতপ্তাঃ কৃপণং পর্যদেবযন্ ॥ 19 ॥
হা মহারাজ রামেণ সততং প্রিযবাদিনা ।
বিহীনাস্সত্যসংধেন কিমর্থং বিজহাসি নঃ ॥ 20 ॥
কৈকেয়্য়া দুষ্টভাবায়াঃ রাঘবেণ বিয়োজিতাঃ ।
কথং পতিঘ্নয়া বত্স্য়াম স্সমীপে বিধবা বযম্ ॥ 21 ॥
স হি নাথস্সদাস্মাকং তব চ প্রভুরাত্মবান্ ।
বনং রামো গতশ্শ্রীমান্বিহায় নৃপতিশ্রিযম্ ॥ 22 ॥
ত্বয়া তেন চ বীরেণ বিনা ব্যসনমোহিতাঃ ।
কথং বয়ং নিবত্স্য়ামঃ কৈকেয়্য়া চ বিদূষিতাঃ ॥ 23 ॥
যয়া তু রাজা রামশ্চ লক্ষ্মণশ্চ মহাবলঃ ।
সীতয়া সহ সংত্যক্তা স্সাকমন্য়ং ন হাস্যতি ॥ 24 ॥
তা বাষ্পেণ চ সংবীতাশ্শোকেন বিপুলেন চ ।
ব্যবেষ্টংত নিরানংদা রাঘবস্য় বরস্ত্রিয়ঃ ॥ 25 ॥
নিশা চংদ্রবিহীনেব স্ত্রীব ভর্তৃবিবর্জিতা ।
পুরী নারাজতায়োধ্য়া হীনা রাজ্ঞা মহাত্মনা ॥ 26 ॥
বাষ্পপর্য়াকুলজনা হাহাভূতকুলাংগনা ।
শূন্যচত্বরবেশ্মাংতা ন বভ্রাজ যথাপুরম্ ॥ 27 ॥
গতে তু শোকাত্ ত্রিদিবং নরাধিপে মহীতলস্থাসু নৃপাংগনাসু চ ।
নিবৃত্তচারস্সহসা গতো রবিঃ প্রবৃত্তচারা রজনী হ্য়ুপস্থিতা ॥ 28 ॥
ঋতে তু পুত্রাদ্ধহনং মহীপতের্নরোচয়ংতে সুহৃদস্সমাগতাঃ ।
ইতীব তস্মিন্ শযনে ন্যবেশযন্ বনিচিংত্য় রাজানমচিংত্য় দর্শনম্ ॥ 29 ॥
গতপ্রভা দ্য়ৌরিব ভাস্করং বিনা ব্যপেতনক্ষত্রগণেব শর্বরী ।
পুরী বভাসে রহিতা মহাত্মনা ন চাস্রকংঠাঽকুলমার্গচত্বরা ॥ 30 ॥
নরাশ্চ নার্যশ্চ সমেত্য় সংঘশঃ বিগর্হমাণা ভরতস্য় মাতরম্ ।
তদা নগর্য়াং নরদেবসংক্ষয়ে বভূবুরার্তা ন চ শর্ম লেভিরে ॥ 31 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে ষট্ষষ্টিতমস্সর্গঃ ॥
