শ্রীমদ্বাল্মীকীয় রামাযণে অয়োধ্য়াকাংডম্ ।
অথ দ্বিসপ্ততিতমস্সর্গঃ ।
অপশ্য়ংস্তু ততস্তত্র পিতরং পিতুরালয়ে ।
জগাম ভরতো দ্রষ্টুং মাতরং মাতুরালয়ে ॥ 1 ॥
অনুপ্রাপ্তং তু তং দৃষ্ট্বা কৈকেয়ী প্রোষিতং সুতম্ ।
উত্পপাত তদা হৃষ্টা ত্যক্ত্বা সৌবর্ণমাসনম্ ॥ 2 ॥
স প্রবিশ্য়ৈব ধর্মাত্মা স্বগৃহং শ্রীবিবর্জিতম্ ।
ভরতঃ প্রতিজগ্রাহ জনন্য়াশ্চরণৌ শুভৌ ॥ 3 ॥
সা তং মূর্ধন্য়ুপাঘ্রায় পরিষ্বজ্য় যশস্বিনম্ ।
অংকে ভরতমারোপ্য় প্রষ্টুং সমুপচক্রমে ॥ 4 ॥
অদ্য় তে কতিচিদ্রাত্র্য় শ্চ্য়ুতস্য়াঽর্যকবেশ্মনঃ ।
অপি নাধ্বশ্রমশশীঘ্রং রথেনাপততস্তব ॥ 5 ॥
আর্যকস্তে সুকুশলী যুধাজিন্মাতুলস্তব ।
প্রবাসাচ্চ সুখং পুত্র সর্বং মে বক্তুমর্হসি ॥ 6 ॥
এবং পৃষ্টস্তু কৈকেয়্য়া প্রিয়ং পার্থিবনংদনঃ ।
আচষ্ট ভরত স্সর্বং মাত্রে রাজীবলোচনঃ ॥ 7 ॥
অদ্য় মে সপ্তমী রাত্রিশ্চ্য়ুতস্য়াঽর্যকবেশ্মনঃ ।
অংবায়াঃ কুশলী তাত যুধাজিন্মাতুলশ্চ মে ॥ 8 ॥
যন্মে ধনং চ রত্নং চ দদৌ রাজা পরংতপঃ ।
পরিশ্রাংতং পথ্যভবত্ততোঽহং পূর্বমাগতঃ ॥ 9 ॥
রাজবাক্যহরৈর্দূতৈস্ত্বর্যমাণোঽহমাগতঃ ।
যদহং প্রষ্টুমিচ্ছামি তদংবা বক্তুমর্হতি ॥ 10 ॥
শূন্য়োঽয়ং শযনীযস্তে পর্য়ংকো হেমভূষিতঃ ।
ন চাযমিক্ষ্বাকুজনঃ প্রহৃষ্টঃ প্রতিভাতি মা ॥ 11 ॥
রাজা ভবতি ভূয়িষ্ঠমিহাংবায়া নিবেশনে ।
তমহং নাদ্য় পশ্য়ামি দ্রষ্টুমিচ্ছন্নিহাঽগতঃ ॥ 12 ॥
পিতুর্গ্রহীষ্য়ে চরণৌ তং মমাঽখ্য়াহি পৃচ্ছতঃ ।
আহোস্বিদংব জ্য়েষ্ঠায়াঃ কৌসল্য়ায়া নিবেশনে ॥ 13 ॥
তং প্রত্য়ুবাচ কৈকেয়ী প্রিযবদ্ঘোরমপ্রিযম্ ।
অজানংতং প্রজানংতী রাজ্যলোভেন মোহিতা ॥ 14 ॥
যা গতিস্সর্বভূতানাং তাং গতিং তে পিতা গতঃ ।
রাজা মহত্মা তেজস্বী যাযজূকস্সতাং গতিঃ ॥ 15 ॥
তচ্ছ্রুত্বা ভরতো বাক্য়ং ধর্মাভিজনবাংচুচিঃ ।
পপাত সহসা ভূমৌ পিতৃশোকবলার্দিতঃ ॥ 16 ॥
হা হতোঽস্মীতি কৃপণাং দীনাং বাচমুদীরযন্ ।
নিপপাত মহাবাহুর্বাহূ বিক্ষিপ্য় বীর্যবান্ ॥ 17 ॥
ততশ্শোকেন সংবীতঃ পিতুর্মরণদুঃখিতঃ ।
বিললাপ মহাতেজা ভ্রাংতাকুলিতচেতনঃ ॥ 18 ॥
এতত্সুরুচিরং ভাতি পিতুর্মে শযনং পুরা ।
শশিনেবামলং রাত্রৌ গগনং তোযদাত্যয়ে ॥ 19 ॥
তদিদং ন বিভাত্যদ্য় বিহীনং তেন ধীমতা ।
ব্য়োমেব শশিনা হীনমপ্চ্ছুষ্ক ইব সাগরঃ ॥ 20 ॥
বাষ্পমুত্সৃজ্য়্ কংঠেন স্বাত্মনা পরমপীডিতঃ ।
আচ্ছাদ্য় বদনং শ্রীমদ্বস্ত্রেণ জযতাং বরঃ ॥ 21 ॥
তমার্তং দেবসংকাশং সমীক্ষ্য় পতিতং ভুবি ।
নিকৃত্তমিব সালস্য় স্কংধং পরশুনা বনে ॥ 22 ॥
মত্তমাতংগসংকাশং চংদ্রার্কসদৃশং ভুবঃ ।
উত্থাপয়িত্বা শোকার্তং বচনং চেদমব্রবীত্ ॥ 23 ॥
উত্তিষ্ঠোত্তিষ্ঠ কিং শেষে রাজপুত্র মহাযশঃ ।
ত্বদ্বিধা নহি শোচংতি সংত স্সদসি সম্মতাঃ ॥ 24 ॥
দানযজ্ঞাধিকারা হি শীলশ্রুতিবচোঽনুগা ।
বুদ্ধিস্তে বুদ্ধিসংপন্ন প্রভেবার্কস্য় মংদিরে ॥ 25 ॥
স রুদিত্বা চিরং কালং ভূমৌ বিপরিবৃত্য় চ ।
জননীং প্রত্য়ুবাচেদং শোকৈর্বহুভিরাবৃতঃ ॥ 26 ॥
অভিষেক্ষ্যতি রামং নু রাজা যজ্ঞং নু যক্ষ্যতে ।
ইত্যহং কৃতসংকল্পো হৃষ্টো যাত্রাময়াসিষম্ ॥ 27 ॥
তদিদং হ্যন্যথা ভূতং ব্যবদীর্ণং মনো মম ।
পিতরং যো ন পশ্য়ামি নিত্য়ং প্রিযহিতে রতম্ ॥ 28 ॥
অংব কেনাত্যগাদ্রাজা ব্য়াঘিনা ময়্যনাগতে ।
ধন্য়া রামাদযস্সর্বে যৈঃ পিতা সংস্কৃত স্স্বযম্ ॥ 29 ॥
ন নূনং মাং মহারাজঃ প্রাপ্তং জানাতি কীর্তিমান্ ।
উপজিঘ্রেদ্ধি মূর্ধ্নি তাত স্সন্নম্য় সত্বরম্ ॥ 30 ॥
ক্ব স পাণিস্সুখস্পর্শস্তাতস্য়াক্লিষ্টকর্মণঃ ।
যেন মাং রজসা ধ্বস্তমভীক্ষ্ণং পরিমার্জতি ॥ 31 ॥
যো মে ভ্রাতা পিতা বংধুর্যস্য় দাসোঽস্মি ধীমতঃ ।
তস্য় মাং শীঘ্রমাখ্য়াহি রামস্য়াক্লিষ্টকর্মণঃ ॥ 32 ॥
পিতা হি ভবতি জ্য়েষ্ঠো ধর্মমার্যস্য় জানতঃ ।
তস্য় পাদৌ গ্রহীষ্য়ামি স হীদানীং গতির্মম ॥ 33 ॥
ধর্মবিদ্ধর্মনিত্যশ্চ সত্যসংধো দৃঢব্রতঃ ।
আর্য়ঃ কিমব্রবীদ্রাজা পিতা মে সত্যবিক্রমঃ ॥ 34 ॥
পশ্চিমং সাধু সংদেশমিচ্ছামি শ্রোতুমাত্মনঃ ।
ইতি পৃষ্টা যথাতত্ত্বং কৈকেয়ী বাক্যমব্রবীত্ ॥ 35 ॥
রামেতি রাজা বিলপন্ হা সীতে লক্ষ্মণেতি চ ।
স মহাত্মা পরং লোকং গতো গতিমতাং বরঃ ॥ 36 ॥
ইমাং তু পশ্চিমাং বাচং ব্য়াজহার পিতা তব ।
কালধর্মপরিক্ষিপ্তঃ পাশৈরিব মহাগজঃ ॥ 37 ॥
সিদ্ধার্থাস্তে নরা রামমাগতং সহ সীতয়া ।
লক্ষ্মণং চ মহাবাহুং দ্রক্ষ্য়ংতি পুনরাগতম্ ॥ 38 ॥
তচ্ছ্রুত্বা বিষসাদৈব দ্বিতীয়াপ্রিযশংসনাত্ ।
বিষণ্ণবদনো ভূত্বা ভূয়ঃ পপ্রচ্ছ মাতরম্ ॥ 39 ॥
ক্ব চেদানীং স ধর্মাত্মা কৌসল্য়ানংদবর্ধনঃ ।
লক্ষ্মণেন সহ ভ্রাত্রা সীতয়া চ সমং গতঃ ॥ 40 ॥
তথা পৃষ্টা যথাতত্ত্বমাখ্য়াতুমুপচক্রমে ।
মাতাস্য় সুমহদ্বাক্য়ং বিপ্রিয়ং প্রিযশংকয়া ॥ 41 ॥
স হি রাজসুতঃ পুত্র চীরবাসা মহাবনম্ ।
দংডকান্সহ বৈদেহ্য়া লক্ষ্মণানুচরো গতঃ ॥ 42 ॥
তচ্ছ্রুত্বা ভরতস্ত্রস্তো ভ্রাতুশ্চারিত্রশংকয়া ।
স্বস্য় বংশস্য় মহাত্ম্য়াত্প্রষ্টুং সমুপচক্রমে ॥ 43 ॥
কচ্চিন্ন ব্রাহ্মণধনং হৃতং রামেণ কস্যচিত্ ।
কচ্চিন্নাঢ্য়ো দরিদ্রো বা তেনাপাপো বিহিংসিতঃ ॥ 44 ॥
কচ্চিন্ন পরদারান্বা রাজপুত্রোঽভিমন্যতে ।
কস্মাত্স দংডকারণ্য়ে ভ্রূণহেব বিবাসিতঃ ॥ 45 ॥
অথাস্য় চপলা মাতা তত্স্বকর্ম যথাতথম্ ।
তেনৈব স্ত্রীস্বভাবেন ব্য়াহর্তুমুপচক্রমে ॥ 46 ॥
এবমুক্তা তু কৈকেয়ী ভরতেন মহাত্মনা ।
উবাচ বচনং হৃষ্টা মূঢা পংডিতমানিনী ॥ 47 ॥
ন ব্রাহ্মণধনং কিংচিদ্ধৃতং রামেণ কস্যচিত্ কশ্চিন্নাঢ্য়ো দরিদ্রো তেনাপাপো বিহিংসিতঃ ।
ন রামঃ পরদারাংশ্চ চক্ষুর্ভ্য়ামপি পশ্যতি ॥ 48 ॥
ময়া তু পুত্র শ্রুত্বৈব রামস্য়ৈবাভিষেচনম্ ।
যাচিতস্তে পিতা রাজ্য়ং রামস্য় চ বিবাসনম্ ॥ 49 ॥
স স্ববৃত্তিং সমাস্থায় পিতা তে তত্তঽথাকরোত্ ।
রামশ্চ সহ সৌমিত্রিঃ প্রেষিতস্সহ সীতয়া ॥ 50 ॥
তমপশ্যন্প্রিয়ংপুত্রং মহীপালো মহাযশাঃ ।
পুত্রশোকপরিদ্য়ূনঃ পংচত্বমুপপেদিবান্ ॥ 51 ॥
ত্বয়াত্বিদানীং ধর্মজ্ঞ রাজত্বমবলংব্যতাম্ ।
ত্বত্কৃতে হি ময়া সর্বমিদমেবং বিধং কৃতম্ ॥ 52 ॥
মা শোকং মা চ সংতাপং ধৈর্যমাশ্রয় পুত্রক ।
ত্বদধীনা হি নগরী রাজ্য়ং চৈতদনামযম্ ॥ 53 ॥
তত্পুত্র শীঘ্রং বিধিনা বিধিজ্ঞৈর্বসিষ্ঠমুখ্য়ৈ স্সহিতো দ্বিজেংদ্রৈঃ ।
সংকাল্য় রাজানমদীনসত্ত্বমাত্মানমুর্ব্য়ামভিষেচযস্ব ॥ 54 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে দ্বিসপ্ততিতমস্সর্গঃ ॥
