ଶ୍ରୀମଦ୍ଵାଲ୍ମୀକୀୟ ରାମାୟଣେ କିଷ୍କିଂଧାକାଂଡମ୍ ।
ଅଥ ଦଶମସ୍ସର୍ଗଃ ।
ତତଃ କ୍ରୋଧସମାଵିଷ୍ଟଂ ସମ୍ରବ୍ଧଂ ତମୁପାଗତମ୍ ।
ଅହଂ ପ୍ରସାଦୟାଂଚକ୍ରେ ଭ୍ରାତରଂ ପ୍ରିୟକାମ୍ୟୟା ॥ 1 ॥
ଦିଷ୍ଟ୍ୟାସି କୁଶଲୀ ପ୍ରାପ୍ତୋ ନିହତଶ୍ଚ ତ୍ଵୟା ରିପୁଃ ।
ଅନାଥସ୍ୟ ହି ମେ ନାଥସ୍ତ୍ଵମେକୋଽନାଥନଂଦନଃ ॥ 2 ॥
ଇଦଂ ବହୁଶଲାକଂ ତେ ପୂର୍ଣଚଂଦ୍ରମିଵୋଦିତମ୍ ।
ଛତ୍ରଂ ସଵାଲଵ୍ୟଜନଂ ପ୍ରତୀଚ୍ଛସ୍ଵ ମୟା ଧୃତମ୍ ॥ 3 ॥
ଆର୍ତଶ୍ଚାଥ ବିଲଦ୍ଵାରି ସ୍ଥିତସ୍ସଂଵତ୍ସରଂ ନୃପ ।
ଦୃଷ୍ଟ୍ଵାଽହଂ ଶୋଣିତଂ ଦ୍ଵାରି ବିଲାଚ୍ଚାପି ସମୁତ୍ଥିତମ୍ ॥ 4 ॥
ଶୋକସଂଵିଗ୍ନହୃଦୟୋ ଭୃଶଂ ଵ୍ୟାକୁଲିତେଂଦ୍ରିୟଃ ।
ଅପିଧାୟ ବିଲଦ୍ଵାରଂ ଶୈଲଶୃଂଗେଣ ତତ୍ତଥା ॥ 5 ॥
ତସ୍ମାଦ୍ଦେଶାଦପାକ୍ରମ୍ୟ କିଷ୍କିଂଧାଂ ପ୍ରାଵିଶଂ ପୁନଃ ।
ଵିଷାଦାତ୍ଵିହ ମାଂ ଦୃଷ୍ଟ୍ଵା ପୌରୈର୍ମଂତ୍ରିଭିରେଵ ଚ ॥ 6 ॥
ଅଭିଷିକ୍ତୋ ନ କାମେନ ତନ୍ମେତ୍ଵଂ କ୍ଷଂତୁମର୍ହସି ।
ତ୍ଵମେଵ ରାଜା ମାନାର୍ହସ୍ସଦା ଚାହଂ ୟଥା ପୁରମ୍ ॥ 7 ॥
ରାଜଭାଵନିୟୋଗୋଽୟଂ ମମ ତ୍ଵଦ୍ଵିରହାତ୍କୃତଃ ।
ସାମାତ୍ୟପୌରନଗରଂ ସ୍ଥିତଂ ନିହତକଂଟକମ୍ ॥ 8 ॥
ନ୍ୟାସଭୂତମିଦଂ ରାଜ୍ୟଂ ତଵ ନିର୍ୟାତୟାମ୍ୟହମ୍ ।
ମା ଚ ରୋଷଂ କୃଥାସ୍ସୌମ୍ୟ ମୟି ଶତ୍ରୁନିବର୍ହଣ ॥ 9 ॥
ୟାଚେ ତ୍ଵାଂ ଶିରସା ରାଜନ୍ମୟା ବଦ୍ଧୋଽୟମଂଜଲିଃ ।
ବଲାଦସ୍ମିନ୍ ସମାଗମ୍ୟ ମଂତ୍ରିଭିଃ ପୁରଵାସିଭିଃ ॥ 10 ॥
ରାଜଭାଵେ ନିୟୁକ୍ତୋଽହଂ ଶୂନ୍ୟଦେଶଜିଗୀଷୟା ।
ସ୍ନିଗ୍ଧମେଵଂ ବ୍ରୁଵାଣଂ ମାଂ ସ ତୁ ନିର୍ଭର୍ତ୍ସ୍ୟ ଵାନରଃ ॥ 11 ॥
ଧିକ୍ତ୍ଵାମିତି ଚ ମା ମୁକ୍ତ୍ଵା ବହୁ ତତ୍ତଦୁଵାଚ ହ ।
ପ୍ରକୃତୀଶ୍ଚ ସମାନୀୟ ମୁଂତ୍ରିଣଶ୍ଚୈଵ ସମ୍ମତାନ୍ ॥ 12 ॥
ମାମାହ ସୁହୃଦାଂ ମଧ୍ୟେ ଵାକ୍ୟଂ ପରମଗର୍ହିତମ୍ ।
ଵିଦିତଂ ଵୋ ୟଥା ରାତ୍ରୌ ମାୟାଵୀ ସ ମହାସୁରଃ ॥ 13 ॥
ମାଂ ସମାହ୍ଵୟତ କ୍ରୂରୋ ୟୁଦ୍ଧାକାଂକ୍ଷୀ ସୁଦୁର୍ମତିଃ ।
ତସ୍ୟ ତଦ୍ଵଚନଂ ଶ୍ରୁତ୍ଵା ନିସ୍ସୃତୋଽହଂ ନୃପାଲୟାତ୍ ॥ 14 ॥
ଅନୁୟାତଶ୍ଚ ମାଂ ତୂର୍ଣମୟଂ ଭ୍ରାତା ସୁଦାରୁଣଃ ।
ସ ତୁ ଦୃଷ୍ଟ୍ଵୈଵ ମାଂ ରାତ୍ରୌ ସଦ୍ଵିତୀୟଂ ମହାବଲଃ ॥ 15 ॥
ପ୍ରାଦ୍ରଵଦ୍ଭୟସଂତ୍ରସ୍ତୋ ଵୀକ୍ଷ୍ୟାଵାଂ ସମୁପାଗତୌ ।
ଅନୁଦ୍ରୁତଶ୍ଚ ଵେଗେନ ପ୍ରଵିଵେଶ ମହାବିଲମ୍ ॥ 16 ॥
ତଂ ପ୍ରଵିଷ୍ଟଂ ଵିଦିତ୍ଵା ସୁଘୋରଂ ସୁମହଦ୍ବିଲମ୍ ।
ଅୟମୁକ୍ତୋଽଥ ମେ ଭ୍ରାତା ମୟା ତୁ କ୍ରୂରଦର୍ଶନଃ ॥ 17 ॥
ଅହତ୍ଵା ନାସ୍ତି ମେ ଶକ୍ତିଃ ପ୍ରତିଗଂତୁମିତଃ ପୁରୀମ୍ ।
ବିଲଦ୍ଵାରି ପ୍ରତୀକ୍ଷ ତ୍ଵଂ ୟାଵଦେନଂ ନିହନ୍ମ୍ୟହମ୍ ॥ 18 ॥
ସ୍ଥିତୋଽୟମିତି ମତ୍ଵା ତୁ ପ୍ରଵିଷ୍ଟୋଽହଂ ଦୁରାସଦମ୍ ।
ତଂ ଚ ମେ ମାର୍ଗମାଣସ୍ୟ ଗତସ୍ସଂଵତ୍ସରସ୍ତଦା ॥ 19 ॥
ସ ତୁ ଦୃଷ୍ଟୋ ମୟା ଶତ୍ରୁରନିର୍ଵେଦାଦ୍ଭୟାଵହଃ ।
ନିହତଶ୍ଚ ମୟା ତତ୍ର ସୋଽସୁରୋ ବଂଧୁଭିସ୍ସହ ॥ 20 ॥
ତସ୍ୟାସ୍ୟାତ୍ତୁ ପ୍ରଵୃତ୍ତେନ ରୁଧିରୌଘେଣ ତଦ୍ବିଲମ୍ ।
ପୂର୍ଣମାସୀଦ୍ଦୁରାକ୍ରାମଂ ସ୍ତନତସ୍ତସ୍ୟ ଭୂତଲେ ॥ 21 ॥
ସୂଦୟିତ୍ଵା ତୁ ତଂ ଶତ୍ରୁଂ ଵିକ୍ରାଂତଂ ଦୁଂଦୁଭେସ୍ସୁତମ୍ ।
ନିଷ୍କ୍ରାମନ୍ନେଵ ପଶ୍ୟାମି ବିଲସ୍ୟ ପିହିତଂ ମୁଖମ୍ ॥ 22 ॥
ଵିକ୍ରୋଶମାନସ୍ୟ ତୁ ମେ ସୁଗ୍ରୀଵେତି ପୁନଃ ପୁନଃ ।
ୟଦା ପ୍ରତିଵଚୋ ନାସ୍ତି ତତୋଽହଂ ଭୃଶଦୁଃଖିତଃ ॥ 23 ॥
ପାଦପ୍ରହାରୈସ୍ତୁ ମୟା ବହୁଭିସ୍ତଦ୍ଵିଦାରିତମ୍ ।
ତତୋଽହଂ ତେନ ନିଷ୍କ୍ରମ୍ୟ ୟଥା ପୁରମୁପାଗତଃ ॥ 24 ॥
ଅତ୍ରାନେନାସ୍ମି ସଂରୁଦ୍ଧୋ ରାଜ୍ୟଂ ପ୍ରାର୍ଥୟତାଽତ୍ମନଃ ।
ସୁଗ୍ରୀଵେଣ ନୃଶଂସେନ ଵିସ୍ମୃତ୍ୟ ଭ୍ରାତୃସୌହୃଦମ୍ ॥ 25 ॥
ଏଵମୁକ୍ତ୍ଵା ତୁ ମାଂ ତତ୍ର ଵସ୍ତ୍ରେଣୈକେନ ଵାନରଃ ।
ନିର୍ଵାସୟାମାସ ତଦା ଵାଲୀ ଵିଗତସାଧ୍ଵସଃ ॥ 26 ॥
ତେନାହମପଵିଦ୍ଧଶ୍ଚ ହୃତଦାରଶ୍ଚ ରାଘଵ ।
ତଦ୍ଭୟାଚ୍ଛ ମହୀକୃତ୍ସ୍ନା କ୍ରାଂତେୟଂ ସଵନାର୍ଣଵା ॥ 27 ॥
ଋଷ୍ୟମୂକଂ ଗିରିଵରଂ ଭାର୍ୟାହରଣଦୁଃଖିତଃ ।
ପ୍ରଵିଷ୍ଟୋଽସ୍ମି ଦୁରାଧର୍ଷଂ ଵାଲିନଃ କାରଣାଂତରେ ॥ 28 ॥
ଏତତ୍ତେ ସର୍ଵମାଖ୍ୟାତଂ ଵୈରାନୁକଥନଂ ମହତ୍ ।
ଅନାଗସା ମୟା ପ୍ରାପ୍ତଂ ଵ୍ୟସନଂ ପଶ୍ୟ ରାଘଵ ॥ 29 ॥
ଵାଲିନସ୍ତୁ ଭୟାର୍ତସ୍ୟ ସର୍ଵଲୋକଭୟଂକର ।
କର୍ତୁମର୍ହସି ମେ ଵୀର ପ୍ରସାଦଂ ତସ୍ୟ ନିଗ୍ରହାତ୍ ॥ 30 ॥
ଏଵମୁକ୍ତସ୍ସ ତେଜସ୍ଵୀ ଧର୍ମଜ୍ଞୋ ଧର୍ମସଂହିତମ୍ ।
ଵଚନଂ ଵକ୍ତୁମାରେଭେ ସୁଗ୍ରୀଵଂ ପ୍ରହସନ୍ନିଵ ॥ 31 ॥
ଅମୋଘାସ୍ସୂର୍ୟସଂକାଶା ମମୈତେ ନିଶିତା ଶ୍ଶରାଃ ।
ତସ୍ମିନ୍ଵାଲିନି ଦୁର୍ଵୃତ୍ତେ ନିପତିଷ୍ୟଂତି ଵେଗିତାଃ ॥ 32 ॥
ୟାଵତ୍ତଂ ନାଭିପଶ୍ୟାମି ତଵ ଭାର୍ୟାପହାରିଣମ୍ ।
ତାଵତ୍ସ ଜୀଵେତ୍ପାପାତ୍ମା ଵାଲୀ ଚାରିତ୍ରଦୂଷକଃ ॥ 33 ॥
ଆତ୍ମାନୁମାନାତ୍ପଶ୍ୟାମି ମଗ୍ନଂ ତ୍ଵାଂ ଶୋକସାଗରେ ।
ତ୍ଵାମହଂ ତାରୟିଷ୍ୟାମି କାମଂ ପ୍ରାପ୍ସ୍ୟସି ପୁଷ୍କଲମ୍ ॥ 34 ॥
ତସ୍ୟ ତଦ୍ଵଚନଂ ଶ୍ରୁତ୍ଵା ହର୍ଷପୌରୁଷଵର୍ଧନମ୍ ।
ସୁଗ୍ରୀଵଃ ପରମପ୍ରୀତସ୍ସୁମହଦ୍ଵାକ୍ୟମବ୍ରଵୀତ୍ ॥ 35 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ କିଷ୍କିଂଧାକାଂଡେ ଦଶମସ୍ସର୍ଗଃ ॥
