ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² த³ஶமஸ்ஸர்க:³ ।
தத: க்ரோத⁴ஸமாவிஷ்டம் ஸம்ரப்³த⁴ம் தமுபாக³தம் ।
அஹம் ப்ரஸாத³யாஞ்சக்ரே ப்⁴ராதரம் ப்ரியகாம்யயா ॥ 1 ॥
தி³ஷ்ட்யாஸி குஶலீ ப்ராப்தோ நிஹதஶ்ச த்வயா ரிபு: ।
அனாத²ஸ்ய ஹி மே நாத²ஸ்த்வமேகோனாத²னந்த³ன: ॥ 2 ॥
இத³ம் ப³ஹுஶலாகம் தே பூர்ணசந்த்³ரமிவோதி³தம் ।
ச²த்ரம் ஸவாலவ்யஜனம் ப்ரதீச்ச²ஸ்வ மயா த்⁴ருதம் ॥ 3 ॥
ஆர்தஶ்சாத² பி³லத்³வாரி ஸ்தி²தஸ்ஸம்வத்ஸரம் ந்ருப ।
த்³ருஷ்ட்வாஹம் ஶோணிதம் த்³வாரி பி³லாச்சாபி ஸமுத்தி²தம் ॥ 4 ॥
ஶோகஸம்விக்³னஹ்ருத³யோ ப்⁴ருஶம் வ்யாகுலிதேந்த்³ரிய: ।
அபிதா⁴ய பி³லத்³வாரம் ஶைலஶ்ருங்கே³ண தத்ததா² ॥ 5 ॥
தஸ்மாத்³தே³ஶாத³பாக்ரம்ய கிஷ்கிந்தா⁴ம் ப்ராவிஶம் புன: ।
விஷாதா³த்விஹ மாம் த்³ருஷ்ட்வா பௌரைர்மந்த்ரிபி⁴ரேவ ச ॥ 6 ॥
அபி⁴ஷிக்தோ ந காமேன தன்மேத்வம் க்ஷந்துமர்ஹஸி ।
த்வமேவ ராஜா மானார்ஹஸ்ஸதா³ சாஹம் யதா² புரம் ॥ 7 ॥
ராஜபா⁴வனியோகோ³யம் மம த்வத்³விரஹாத்க்ருத: ।
ஸாமாத்யபௌரனக³ரம் ஸ்தி²தம் நிஹதகண்டகம் ॥ 8 ॥
ந்யாஸபூ⁴தமித³ம் ராஜ்யம் தவ நிர்யாதயாம்யஹம் ।
மா ச ரோஷம் க்ருதா²ஸ்ஸௌம்ய மயி ஶத்ருனிப³ர்ஹண ॥ 9 ॥
யாசே த்வாம் ஶிரஸா ராஜன்மயா ப³த்³தோ⁴யமஞ்ஜலி: ।
ப³லாத³ஸ்மின் ஸமாக³ம்ய மந்த்ரிபி⁴: புரவாஸிபி⁴: ॥ 1௦ ॥
ராஜபா⁴வே நியுக்தோஹம் ஶூன்யதே³ஶஜிகீ³ஷயா ।
ஸ்னிக்³த⁴மேவம் ப்³ருவாணம் மாம் ஸ து நிர்ப⁴ர்த்ஸ்ய வானர: ॥ 11 ॥
தி⁴க்த்வாமிதி ச மா முக்த்வா ப³ஹு தத்தது³வாச ஹ ।
ப்ரக்ருதீஶ்ச ஸமானீய முந்த்ரிணஶ்சைவ ஸம்மதான் ॥ 12 ॥
மாமாஹ ஸுஹ்ருதா³ம் மத்⁴யே வாக்யம் பரமக³ர்ஹிதம் ।
விதி³தம் வோ யதா² ராத்ரௌ மாயாவீ ஸ மஹாஸுர: ॥ 13 ॥
மாம் ஸமாஹ்வயத க்ரூரோ யுத்³தா⁴காங்க்ஷீ ஸுது³ர்மதி: ।
தஸ்ய தத்³வசனம் ஶ்ருத்வா நிஸ்ஸ்ருதோஹம் ந்ருபாலயாத் ॥ 14 ॥
அனுயாதஶ்ச மாம் தூர்ணமயம் ப்⁴ராதா ஸுதா³ருண: ।
ஸ து த்³ருஷ்ட்வைவ மாம் ராத்ரௌ ஸத்³விதீயம் மஹாப³ல: ॥ 15 ॥
ப்ராத்³ரவத்³ப⁴யஸந்த்ரஸ்தோ வீக்ஷ்யாவாம் ஸமுபாக³தௌ ।
அனுத்³ருதஶ்ச வேகே³ன ப்ரவிவேஶ மஹாபி³லம் ॥ 16 ॥
தம் ப்ரவிஷ்டம் விதி³த்வா ஸுகோ⁴ரம் ஸுமஹத்³பி³லம் ।
அயமுக்தோத² மே ப்⁴ராதா மயா து க்ரூரத³ர்ஶன: ॥ 17 ॥
அஹத்வா நாஸ்தி மே ஶக்தி: ப்ரதிக³ந்துமித: புரீம் ।
பி³லத்³வாரி ப்ரதீக்ஷ த்வம் யாவதே³னம் நிஹன்ம்யஹம் ॥ 18 ॥
ஸ்தி²தோயமிதி மத்வா து ப்ரவிஷ்டோஹம் து³ராஸத³ம் ।
தம் ச மே மார்க³மாணஸ்ய க³தஸ்ஸம்வத்ஸரஸ்ததா³ ॥ 19 ॥
ஸ து த்³ருஷ்டோ மயா ஶத்ருரனிர்வேதா³த்³ப⁴யாவஹ: ।
நிஹதஶ்ச மயா தத்ர ஸோஸுரோ ப³ந்து⁴பி⁴ஸ்ஸஹ ॥ 2௦ ॥
தஸ்யாஸ்யாத்து ப்ரவ்ருத்தேன ருதி⁴ரௌகே⁴ண தத்³பி³லம் ।
பூர்ணமாஸீத்³து³ராக்ராமம் ஸ்தனதஸ்தஸ்ய பூ⁴தலே ॥ 21 ॥
ஸூத³யித்வா து தம் ஶத்ரும் விக்ராந்தம் து³ந்து³பே⁴ஸ்ஸுதம் ।
நிஷ்க்ராமன்னேவ பஶ்யாமி பி³லஸ்ய பிஹிதம் முக²ம் ॥ 22 ॥
விக்ரோஶமானஸ்ய து மே ஸுக்³ரீவேதி புன: புன: ।
யதா³ ப்ரதிவசோ நாஸ்தி ததோஹம் ப்⁴ருஶது³:கி²த: ॥ 23 ॥
பாத³ப்ரஹாரைஸ்து மயா ப³ஹுபி⁴ஸ்தத்³விதா³ரிதம் ।
ததோஹம் தேன நிஷ்க்ரம்ய யதா² புரமுபாக³த: ॥ 24 ॥
அத்ரானேனாஸ்மி ஸம்ருத்³தோ⁴ ராஜ்யம் ப்ரார்த²யதாத்மன: ।
ஸுக்³ரீவேண ந்ருஶம்ஸேன விஸ்ம்ருத்ய ப்⁴ராத்ருஸௌஹ்ருத³ம் ॥ 25 ॥
ஏவமுக்த்வா து மாம் தத்ர வஸ்த்ரேணைகேன வானர: ।
நிர்வாஸயாமாஸ ததா³ வாலீ விக³தஸாத்⁴வஸ: ॥ 26 ॥
தேனாஹமபவித்³த⁴ஶ்ச ஹ்ருததா³ரஶ்ச ராக⁴வ ।
தத்³ப⁴யாச்ச² மஹீக்ருத்ஸ்னா க்ராந்தேயம் ஸவனார்ணவா ॥ 27 ॥
ருஷ்யமூகம் கி³ரிவரம் பா⁴ர்யாஹரணது³:கி²த: ।
ப்ரவிஷ்டோஸ்மி து³ராத⁴ர்ஷம் வாலின: காரணாந்தரே ॥ 28 ॥
ஏதத்தே ஸர்வமாக்²யாதம் வைரானுகத²னம் மஹத் ।
அனாக³ஸா மயா ப்ராப்தம் வ்யஸனம் பஶ்ய ராக⁴வ ॥ 29 ॥
வாலினஸ்து ப⁴யார்தஸ்ய ஸர்வலோகப⁴யங்கர ।
கர்துமர்ஹஸி மே வீர ப்ரஸாத³ம் தஸ்ய நிக்³ரஹாத் ॥ 3௦ ॥
ஏவமுக்தஸ்ஸ தேஜஸ்வீ த⁴ர்மஜ்ஞோ த⁴ர்மஸம்ஹிதம் ।
வசனம் வக்துமாரேபே⁴ ஸுக்³ரீவம் ப்ரஹஸன்னிவ ॥ 31 ॥
அமோகா⁴ஸ்ஸூர்யஸங்காஶா மமைதே நிஶிதா ஶ்ஶரா: ।
தஸ்மின்வாலினி து³ர்வ்ருத்தே நிபதிஷ்யந்தி வேகி³தா: ॥ 32 ॥
யாவத்தம் நாபி⁴பஶ்யாமி தவ பா⁴ர்யாபஹாரிணம் ।
தாவத்ஸ ஜீவேத்பாபாத்மா வாலீ சாரித்ரதூ³ஷக: ॥ 33 ॥
ஆத்மானுமானாத்பஶ்யாமி மக்³னம் த்வாம் ஶோகஸாக³ரே ।
த்வாமஹம் தாரயிஷ்யாமி காமம் ப்ராப்ஸ்யஸி புஷ்கலம் ॥ 34 ॥
தஸ்ய தத்³வசனம் ஶ்ருத்வா ஹர்ஷபௌருஷவர்த⁴னம் ।
ஸுக்³ரீவ: பரமப்ரீதஸ்ஸுமஹத்³வாக்யமப்³ரவீத் ॥ 35 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ த³ஶமஸ்ஸர்க:³ ॥
