শ্রীমদ্বাল্মীকীয় রামাযণে কিষ্কিংধাকাংডম্ ।
অথ একত্রিংশস্সর্গঃ ।
স কামিনং দীনমদীনসত্ত্বং শোকাভিপন্নং সমুদীর্ণকোপম্ ।
নরেংদ্রসূনুর্নরদেবপুত্রং রামানুজঃ পূর্বজমিত্য়ুবাচ ॥ 1 ॥
ন বানরঃ স্থাস্যতি সাধুবৃত্তে ন মংস্যতে কর্মফলানুষংগান্ ।
ন ভোজ্যতে বানররাজ্যলক্ষ্মীং তথাহি নাভিক্রমতেঽস্য় বুদ্ধিঃ ॥ 2 ॥
মতিক্ষয়াদ্গ্রাম্যসুখেষু সক্ত স্তব প্রসাদাপ্রতিকারবুদ্ধিঃ ।
হতোঽগ্রজং পশ্যতু বীর তস্য় ন রাজ্যমেবং বিগুণস্য় দেযম্ ॥ 3 ॥
ন ধারয়ে কোপমুদীর্ণবেগং নিহন্মি সুগ্রীবমসত্যমদ্য় ।
হরিপ্রবীরৈস্সহ বালিপুত্রো নরেংদ্রপত্ন্য়া বিচয়ং করোতু ॥ 4 ॥
তমাত্তবাণাসনমুত্পতংতং নিবেদিতার্থং রণচংডকোপম্ ।
উবাচ রামঃ পরবীরহংতা স্ববেক্ষিতং সানুনয়ং চ বাক্যম্ ॥ 5 ॥
ন হি বৈ ত্বদ্বিধো লোকে পাপমেবং সমাচরেত্ ।
পাপমার্য়েণ যো হংতি স বীরঃ পুরুষোত্তমঃ ॥ 6 ॥
নেদমত্র ত্বয়া গ্রাহ্য়ং সাধুবৃত্তেন লক্ষ্মণ ।
তাং প্রীতিমনুবর্তস্ব পূর্ববৃত্তং চ সংগতম্ ॥ 7 ॥
সামোপহিতয়া বাচা রূক্ষাণি পরিবর্জযন্ ।
বক্তুমর্হসি সুগ্রীবং ব্যতীতং কালপর্যয়ে ॥ 8 ॥
সোঽগ্রজেনানুশিষ্টার্থো যথাবত্পুরুষর্ষভঃ ।
প্রবিবেশ পুরীং বীরো লক্ষ্মণঃ পরবীরহা ॥ 9 ॥
ততশ্শুভমতিঃ প্রাজ্ঞো ভ্রাতুঃ প্রিযহিতে রতঃ ।
লক্ষ্মণঃ প্রতিসংরব্ধো জগাম ভবনং কপেঃ ॥ 10 ॥
শক্রবাণাসনপ্রখ্য়ং ধনুঃ কালাংতকোপমঃ ।
প্রগৃহ্য় গিরিশৃংগাভং মংদরঃ সানুমানিব ॥ 11 ॥
যথোক্তকারী বচনমুত্তরং চৈব সোত্তরম্ ।
বৃহস্পতিসমো বুদ্ধ্য়া মত্বা রামানুজস্তদা ॥ 12 ॥
কামক্রোধসমুত্থেন ভ্রাতুঃ কোপাগ্নিনা বৃতঃ ।
প্রভংজন ইবাপ্রীতঃ প্রযয়ৌ লক্ষ্মণস্তদা ॥ 13 ॥
সালতালাশ্বকর্ণাংশ্চ তরসা পাতযন্বহূন্ ।
পর্যস্যন্গিরিকূটানি দ্রুমানন্য়াংশ্চ বেগতঃ ॥ 14 ॥
শিলাশ্চ শকলীকুর্বন্পদ্ভ্য়াং গজ ইবাশুগঃ ।
দূরামেকপদং ত্যক্ত্বা যয়ৌ কার্যবশাদ্দ্রুতম্ ॥ 15 ॥
তামপশ্যদ্বলাকীর্ণাং হরিরাজমহাপুরীম্ ।
দুর্গামিক্ষ্বাকুশার্দূলঃ কিষ্কিংধাং গিরিসংগটে ॥ 16 ॥
রোষাত্প্রস্ফুরমাণোষ্ঠ স্সুগ্রীবং প্রতি লক্ষ্মণঃ ।
দদর্শ বানরান্ভীমাকনিষ্কিংধায়া বহিশ্চরান্ ॥ 17 ॥
তং দৃষ্ট্বা বানরাস্সর্বে লক্ষ্মণং পুরুষর্ষভম্ ।
শৈলশৃংগাণি শতশঃ প্রবৃদ্ধাংশ্চ মহীরুহান্ ॥ 18 ॥
জগৃহুঃ কুংজরপ্রখ্য়া বানরাঃ পর্বতাংতরে ।
তান্গৃহীতপ্রহরণান্সর্বাংদৃষ্ট্বা তু লক্ষ্মণঃ ॥ 19 ॥
বভূব দ্বিগুণং ক্রুদ্ধো বহ্বিংধন ইবানলঃ ।
তং তে ভযপরীতাংগাঃ ক্রুদ্ধং দৃষ্ট্বা প্লবংগমাঃ ॥ 20 ॥
কালমৃত্য়ুয়ুগাংতাভং শতশো বিদ্রুতা দিশঃ ।
ততস্সুগ্রীবভবনং প্রবিশ্য় হরিপুংগবাঃ ॥ 21 ॥
ক্রোধমাগমনং চৈব লক্ষ্মণস্য় ন্যবেদযন্ ।
তারয়া সহিতঃ কামী সক্তঃ কপিবৃষো রহঃ ॥ 22 ॥
ন তেষাং কপিবীরাণাং শুশ্রাব বচনং তদা ।
ততস্সচিবসংদিষ্টা হরয়ো রোমহর্ষণাঃ ।
গিরিকুংজর মেঘাভা নগর্য়া নির্যয়ুস্তদা ॥ 23 ॥
নখদংষ্ট্রায়ুধা ঘোরাস্সর্বে বিকৃতদর্শনাঃ ॥ 24 ॥
সর্বে শার্দূলদর্পাশ্চ সর্বে চ বিকৃতাননাঃ ।
দশনাগবলাঃ কেচিত্কেচিদ্দশগুণোত্তরাঃ ॥ 25 ॥
কেচিন্নাগসহস্রস্য় বভূবুস্তুল্যবিক্রমাঃ ।
কৃত্স্নাংহি কপিভির্ব্য়াপ্তাং দ্রুমহস্সৈর্মহাবলৈঃ ॥ 26 ॥
অপশ্যল্লক্ষ্মণঃ ক্রুদ্ধঃ কিষ্কিংধাং তাং দুরাসদাম্ ।
ততস্তে হরযস্সর্বে প্রাকারপরিঘাংতরাত্ ॥ 27 ॥
নিষ্ক্রম্য়োদগ্রসত্ত্বাস্তু তস্থুরাবিষ্কৃতং তদা ।
সুগ্রীবস্য় প্রমাদং চ পূর্বজং চার্তমাত্মবান্ ॥ 28 ॥
বুদ্ধ্বা কোপবশং বীরঃ পুনরেব জগাম সঃ ।
স দীর্ঘোষ্ণমহোচ্ছবাসঃ কোপসংরক্তলোচনঃ ॥ 29 ॥
বভূব নরশার্দূল স্সধূম ইব পাবকঃ ।
বাণশল্যস্ফুরজ্জিহ্বস্সাযকাসনভোগবান্ ॥ 30 ॥
স্বতেজোবিষসংঘাতঃ পংচাস্য় ইব পন্নগঃ ।
তং দীপ্তমিব কালাগ্নিং নাগেংদ্রমিব কোপিতম্ ॥ 31 ॥
সমাসাদ্য়াংগদস্ত্রাসাদ্বিষাদমগমদ্ভৃশম্ ।
সোঽংগদং রোষতাম্রাক্ষস্সংদিদেশ মহাযশাঃ ॥ 32 ॥
সুগ্রীবঃ কথ্যতাং বত্স মমাগমনমিত্য়ুত ।
এষ রামানুজঃ প্রাপ্তস্বত্সকাশমরিংদম ॥ 33 ॥
ভ্রাতুর্ব্যসনসংতপ্তো দ্বারি তিষ্ঠতি লক্ষ্মণঃ ।
তস্য় বাক্য়ং যদি রুচিঃ ক্রিযতাং সাধু বানর ॥ 34 ॥
ইত্য়ুক্ত্বা শীঘ্রমাগচ্ছ বত্স বাক্যমরিংদম ।
লক্ষ্মণস্য় বচঃ শ্রুত্বা শোকাবিষ্টোঽংগদোঽব্রবীত্ ।
পিতুস্সমীপমাগম্য় সৌমিত্রিরযমাগতঃ ॥ 35 ॥
অথাংগদস্তস্য় বচো নিশম্য় সংভ্রাংতভাবঃ পরিদীনবক্ত্রঃ ।
নিপত্য় তূর্ণং নৃপতেস্তরস্বী ততঃ রুমায়াশ্চরণৌ ববংদে ॥ 36 ॥
সংংগৃহ্য় পাদৌ পিতুরগ্র্যতেজাঃ জগ্রাহ মাতুঃ পুনরেব পাদৌ ।
পাদৌ রুমায়াশ্চ নিপীডয়িত্বা নিবেদয়ামাস ততস্তমর্থম্ ॥ 37 ॥
স নিদ্রামদসংবীতো বানরো ন বিবুদ্ধবান্ ।
বভূব মদমত্তশ্চ মদনেন চ মোহিতঃ ॥ 38 ॥
ততঃ কিলকিলাং চক্রুর্লক্ষ্মণং প্রেক্ষ্য় বানরাঃ ।
প্রসাদয়ংতস্তং ক্রুদ্ধং ভযমোহিতচেতসঃ ॥ 39 ॥
তে মহৌঘনিভং দৃষ্ট্বা বজ্রাশনিসমস্বনম্ ।
সিংহনাদং সমং চক্রুর্লক্ষ্মণস্য় সমীপতঃ ॥ 40 ॥
তেন শব্দেন মহতা প্রত্যবুধ্যত বানরঃ ।
মদবিহ্বলতাম্রাক্ষো ব্য়াকুলস্রগ্বিভূষণঃ ॥ 41 ॥
অথাংগদবচঃ শ্রুত্বা তেনৈব চ সমাগতৌ ।
মংত্রিণৌ বানরেংদ্রস্য় সম্মতৌ দারদর্শিনৌ ॥ 42 ॥
প্লক্ষশ্চৈব প্রভাবশ্চ মংত্রিণাবর্থধর্ময়োঃ ।
বক্তুমুচ্চাবচং প্রাপ্তং লক্ষ্মণং তৌ শশংসতুঃ ॥ 43 ॥
প্রসাদয়িত্বা সুগ্রীবং বচনৈস্সামনিশ্চিতৈঃ ।
আসীনং পর্য়ুপাসীনৌ যথা শক্রং মরুত্পতিম্ ॥ 44 ॥
সত্যসংধৌ মহাভাগৌ ভ্রাতরৌ রামলক্ষ্মণৌ ।
বযস্যভাবং সংপ্রাপ্তৌ রাজ্য়ার্হৌ রাজ্যদায়িনৌ ॥ 45 ॥
তয়োরেকো ধনুষ্পাণির্দ্বারি তিষ্ঠতি লক্ষ্মণঃ ।
যস্য় ভীতাঃ প্রবেপংতো নাদান্মুংচংতি বানরাঃ ॥ 46 ॥
স এষ রাঘবভ্রাতা লক্ষ্মণো বাক্যসারথিঃ ।
ব্যবসাযরথঃ প্রাপ্তস্তস্য় রামস্য় শাসনাত্ ॥ 47 ॥
অয়ং চ দয়িতো রাজংস্তারায়া স্তনয়োঽংগদঃ ।
লক্ষ্মণেন সকাশং তে প্রেষিতস্ত্বরয়াঽনঘ ॥ 48 ॥
সোঽয়ং রোষপরীতাক্ষো দ্বারি তিষ্ঠতি বীর্যবান্ ।
বানরান্বানরপতে চক্ষুষা প্রদহন্নিব ॥ 49 ॥
তস্য় মূর্ধ্না প্রণম্য় ত্বং সপুত্রস্সহবংধুভিঃ ।
গচ্ছ শীঘ্রং মহারাজ রোষো হ্যস্য় নিবর্ত্যতাম্ ॥ 50 ॥
যদাহ রামো ধর্মাত্মা তত্কুরুষ্ব সমাহিতঃ ।
রাজং স্তিষ্ঠস্ব সময়ে ভব সত্যপ্রতিশ্রবাঃ ॥ 51 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে একত্রিংশস্সর্গঃ ॥
