ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஏகத்ரிம்ஶஸ்ஸர்க:³ ।
ஸ காமினம் தீ³னமதீ³னஸத்த்வம் ஶோகாபி⁴பன்னம் ஸமுதீ³ர்ணகோபம் ।
நரேந்த்³ரஸூனுர்னரதே³வபுத்ரம் ராமானுஜ: பூர்வஜமித்யுவாச ॥ 1 ॥
ந வானர: ஸ்தா²ஸ்யதி ஸாது⁴வ்ருத்தே ந மம்ஸ்யதே கர்மப²லானுஷங்கா³ன் ।
ந போ⁴ஜ்யதே வானரராஜ்யலக்ஷ்மீம் ததா²ஹி நாபி⁴க்ரமதேஸ்ய பு³த்³தி⁴: ॥ 2 ॥
மதிக்ஷயாத்³க்³ராம்யஸுகே²ஷு ஸக்த ஸ்தவ ப்ரஸாதா³ப்ரதிகாரபு³த்³தி⁴: ।
ஹதோக்³ரஜம் பஶ்யது வீர தஸ்ய ந ராஜ்யமேவம் விகு³ணஸ்ய தே³யம் ॥ 3 ॥
ந தா⁴ரயே கோபமுதீ³ர்ணவேக³ம் நிஹன்மி ஸுக்³ரீவமஸத்யமத்³ய ।
ஹரிப்ரவீரைஸ்ஸஹ வாலிபுத்ரோ நரேந்த்³ரபத்ன்யா விசயம் கரோது ॥ 4 ॥
தமாத்தபா³ணாஸனமுத்பதந்தம் நிவேதி³தார்த²ம் ரணசண்ட³கோபம் ।
உவாச ராம: பரவீரஹந்தா ஸ்வவேக்ஷிதம் ஸானுனயம் ச வாக்யம் ॥ 5 ॥
ந ஹி வை த்வத்³விதோ⁴ லோகே பாபமேவம் ஸமாசரேத் ।
பாபமார்யேண யோ ஹந்தி ஸ வீர: புருஷோத்தம: ॥ 6 ॥
நேத³மத்ர த்வயா க்³ராஹ்யம் ஸாது⁴வ்ருத்தேன லக்ஷ்மண ।
தாம் ப்ரீதிமனுவர்தஸ்வ பூர்வவ்ருத்தம் ச ஸங்க³தம் ॥ 7 ॥
ஸாமோபஹிதயா வாசா ரூக்ஷாணி பரிவர்ஜயன் ।
வக்துமர்ஹஸி ஸுக்³ரீவம் வ்யதீதம் காலபர்யயே ॥ 8 ॥
ஸோக்³ரஜேனானுஶிஷ்டார்தோ² யதா²வத்புருஷர்ஷப:⁴ ।
ப்ரவிவேஶ புரீம் வீரோ லக்ஷ்மண: பரவீரஹா ॥ 9 ॥
ததஶ்ஶுப⁴மதி: ப்ராஜ்ஞோ ப்⁴ராது: ப்ரியஹிதே ரத: ।
லக்ஷ்மண: ப்ரதிஸம்ரப்³தோ⁴ ஜகா³ம ப⁴வனம் கபே: ॥ 1௦ ॥
ஶக்ரபா³ணாஸனப்ரக்²யம் த⁴னு: காலாந்தகோபம: ।
ப்ரக்³ருஹ்ய கி³ரிஶ்ருங்கா³ப⁴ம் மந்த³ர: ஸானுமானிவ ॥ 11 ॥
யதோ²க்தகாரீ வசனமுத்தரம் சைவ ஸோத்தரம் ।
ப்³ருஹஸ்பதிஸமோ பு³த்³த்⁴யா மத்வா ராமானுஜஸ்ததா³ ॥ 12 ॥
காமக்ரோத⁴ஸமுத்தே²ன ப்⁴ராது: கோபாக்³னினா வ்ருத: ।
ப்ரப⁴ஞ்ஜன இவாப்ரீத: ப்ரயயௌ லக்ஷ்மணஸ்ததா³ ॥ 13 ॥
ஸாலதாலாஶ்வகர்ணாம்ஶ்ச தரஸா பாதயன்ப³ஹூன் ।
பர்யஸ்யன்கி³ரிகூடானி த்³ருமானந்யாம்ஶ்ச வேக³த: ॥ 14 ॥
ஶிலாஶ்ச ஶகலீகுர்வன்பத்³ப்⁴யாம் கஜ³ இவாஶுக:³ ।
தூ³ராமேகபத³ம் த்யக்த்வா யயௌ கார்யவஶாத்³த்³ருதம் ॥ 15 ॥
தாமபஶ்யத்³ப³லாகீர்ணாம் ஹரிராஜமஹாபுரீம் ।
து³ர்கா³மிக்ஷ்வாகுஶார்தூ³ல: கிஷ்கிந்தா⁴ம் கி³ரிஸங்க³டே ॥ 16 ॥
ரோஷாத்ப்ரஸ்பு²ரமாணோஷ்ட² ஸ்ஸுக்³ரீவம் ப்ரதி லக்ஷ்மண: ।
த³த³ர்ஶ வானரான்பீ⁴மாகனிஷ்கிந்தா⁴யா ப³ஹிஶ்சரான் ॥ 17 ॥
தம் த்³ருஷ்ட்வா வானராஸ்ஸர்வே லக்ஷ்மணம் புருஷர்ஷப⁴ம் ।
ஶைலஶ்ருங்கா³ணி ஶதஶ: ப்ரவ்ருத்³தா⁴ம்ஶ்ச மஹீருஹான் ॥ 18 ॥
ஜக்³ருஹு: குஞ்ஜரப்ரக்²யா வானரா: பர்வதாந்தரே ।
தான்க்³ருஹீதப்ரஹரணான்ஸர்வாந்த்³ருஷ்ட்வா து லக்ஷ்மண: ॥ 19 ॥
ப³பூ⁴வ த்³விகு³ணம் க்ருத்³தோ⁴ ப³ஹ்விந்த⁴ன இவானல: ।
தம் தே ப⁴யபரீதாங்கா³: க்ருத்³த⁴ம் த்³ருஷ்ட்வா ப்லவங்க³மா: ॥ 2௦ ॥
காலம்ருத்யுயுகா³ந்தாப⁴ம் ஶதஶோ வித்³ருதா தி³ஶ: ।
ததஸ்ஸுக்³ரீவப⁴வனம் ப்ரவிஶ்ய ஹரிபுங்க³வா: ॥ 21 ॥
க்ரோத⁴மாக³மனம் சைவ லக்ஷ்மணஸ்ய ந்யவேத³யன் ।
தாரயா ஸஹித: காமீ ஸக்த: கபிவ்ருஷோ ரஹ: ॥ 22 ॥
ந தேஷாம் கபிவீராணாம் ஶுஶ்ராவ வசனம் ததா³ ।
ததஸ்ஸசிவஸந்தி³ஷ்டா ஹரயோ ரோமஹர்ஷணா: ।
கி³ரிகுஞ்ஜர மேகா⁴பா⁴ நக³ர்யா நிர்யயுஸ்ததா³ ॥ 23 ॥
நக²த³ம்ஷ்ட்ராயுதா⁴ கோ⁴ராஸ்ஸர்வே விக்ருதத³ர்ஶனா: ॥ 24 ॥
ஸர்வே ஶார்தூ³லத³ர்பாஶ்ச ஸர்வே ச விக்ருதானநா: ।
த³ஶனாக³ப³லா: கேசித்கேசித்³த³ஶகு³ணோத்தரா: ॥ 25 ॥
கேசின்னாக³ஸஹஸ்ரஸ்ய ப³பூ⁴வுஸ்துல்யவிக்ரமா: ।
க்ருத்ஸ்னாம்ஹி கபிபி⁴ர்வ்யாப்தாம் த்³ருமஹஸ்ஸைர்மஹாப³லை: ॥ 26 ॥
அபஶ்யல்லக்ஷ்மண: க்ருத்³த:⁴ கிஷ்கிந்தா⁴ம் தாம் து³ராஸதா³ம் ।
ததஸ்தே ஹரயஸ்ஸர்வே ப்ராகாரபரிகா⁴ந்தராத் ॥ 27 ॥
நிஷ்க்ரம்யோத³க்³ரஸத்த்வாஸ்து தஸ்து²ராவிஷ்க்ருதம் ததா³ ।
ஸுக்³ரீவஸ்ய ப்ரமாத³ம் ச பூர்வஜம் சார்தமாத்மவான் ॥ 28 ॥
பு³த்³த்⁴வா கோபவஶம் வீர: புனரேவ ஜகா³ம ஸ: ।
ஸ தீ³ர்கோ⁴ஷ்ணமஹோச்ச²வாஸ: கோபஸம்ரக்தலோசன: ॥ 29 ॥
ப³பூ⁴வ நரஶார்தூ³ல ஸ்ஸதூ⁴ம இவ பாவக: ।
பா³ணஶல்யஸ்பு²ரஜ்ஜிஹ்வஸ்ஸாயகாஸனபோ⁴க³வான் ॥ 3௦ ॥
ஸ்வதேஜோவிஷஸங்கா⁴த: பஞ்சாஸ்ய இவ பன்னக:³ ।
தம் தீ³ப்தமிவ காலாக்³னிம் நாகே³ந்த்³ரமிவ கோபிதம் ॥ 31 ॥
ஸமாஸாத்³யாங்க³த³ஸ்த்ராஸாத்³விஷாத³மக³மத்³ப்⁴ருஶம் ।
ஸோங்க³த³ம் ரோஷதாம்ராக்ஷஸ்ஸந்தி³தே³ஶ மஹாயஶா: ॥ 32 ॥
ஸுக்³ரீவ: கத்²யதாம் வத்ஸ மமாக³மனமித்யுத ।
ஏஷ ராமானுஜ: ப்ராப்தஸ்வத்ஸகாஶமரிந்த³ம ॥ 33 ॥
ப்⁴ராதுர்வ்யஸனஸந்தப்தோ த்³வாரி திஷ்ட²தி லக்ஷ்மண: ।
தஸ்ய வாக்யம் யதி³ ருசி: க்ரியதாம் ஸாது⁴ வானர ॥ 34 ॥
இத்யுக்த்வா ஶீக்⁴ரமாக³ச்ச² வத்ஸ வாக்யமரிந்த³ம ।
லக்ஷ்மணஸ்ய வச: ஶ்ருத்வா ஶோகாவிஷ்டோங்க³தோ³ப்³ரவீத் ।
பிதுஸ்ஸமீபமாக³ம்ய ஸௌமித்ரிரயமாக³த: ॥ 35 ॥
அதா²ங்க³த³ஸ்தஸ்ய வசோ நிஶம்ய ஸம்ப்⁴ராந்தபா⁴வ: பரிதீ³னவக்த்ர: ।
நிபத்ய தூர்ணம் ந்ருபதேஸ்தரஸ்வீ தத: ருமாயாஶ்சரணௌ வவந்தே³ ॥ 36 ॥
ஸம்ங்க்³ருஹ்ய பாதௌ³ பிதுரக்³ர்யதேஜா: ஜக்³ராஹ மாது: புனரேவ பாதௌ³ ।
பாதௌ³ ருமாயாஶ்ச நிபீட³யித்வா நிவேத³யாமாஸ ததஸ்தமர்த²ம் ॥ 37 ॥
ஸ நித்³ராமத³ஸம்வீதோ வானரோ ந விபு³த்³த⁴வான் ।
ப³பூ⁴வ மத³மத்தஶ்ச மத³னேன ச மோஹித: ॥ 38 ॥
தத: கிலகிலாம் சக்ருர்லக்ஷ்மணம் ப்ரேக்ஷ்ய வானரா: ।
ப்ரஸாத³யந்தஸ்தம் க்ருத்³த⁴ம் ப⁴யமோஹிதசேதஸ: ॥ 39 ॥
தே மஹௌக⁴னிப⁴ம் த்³ருஷ்ட்வா வஜ்ராஶனிஸமஸ்வனம் ।
ஸிம்ஹனாத³ம் ஸமம் சக்ருர்லக்ஷ்மணஸ்ய ஸமீபத: ॥ 4௦ ॥
தேன ஶப்³தே³ன மஹதா ப்ரத்யபு³த்⁴யத வானர: ।
மத³விஹ்வலதாம்ராக்ஷோ வ்யாகுலஸ்ரக்³விபூ⁴ஷண: ॥ 41 ॥
அதா²ங்க³த³வச: ஶ்ருத்வா தேனைவ ச ஸமாக³தௌ ।
மந்த்ரிணௌ வானரேந்த்³ரஸ்ய ஸம்மதௌ தா³ரத³ர்ஶினௌ ॥ 42 ॥
ப்லக்ஷஶ்சைவ ப்ரபா⁴வஶ்ச மந்த்ரிணாவர்த²த⁴ர்மயோ: ।
வக்துமுச்சாவசம் ப்ராப்தம் லக்ஷ்மணம் தௌ ஶஶம்ஸது: ॥ 43 ॥
ப்ரஸாத³யித்வா ஸுக்³ரீவம் வசனைஸ்ஸாமனிஶ்சிதை: ।
ஆஸீனம் பர்யுபாஸீனௌ யதா² ஶக்ரம் மருத்பதிம் ॥ 44 ॥
ஸத்யஸந்தௌ⁴ மஹாபா⁴கௌ³ ப்⁴ராதரௌ ராமலக்ஷ்மணௌ ।
வயஸ்யபா⁴வம் ஸம்ப்ராப்தௌ ராஜ்யார்ஹௌ ராஜ்யதா³யினௌ ॥ 45 ॥
தயோரேகோ த⁴னுஷ்பாணிர்த்³வாரி திஷ்ட²தி லக்ஷ்மண: ।
யஸ்ய பீ⁴தா: ப்ரவேபந்தோ நாதா³ன்முஞ்சந்தி வானரா: ॥ 46 ॥
ஸ ஏஷ ராக⁴வப்⁴ராதா லக்ஷ்மணோ வாக்யஸாரதி²: ।
வ்யவஸாயரத:² ப்ராப்தஸ்தஸ்ய ராமஸ்ய ஶாஸனாத் ॥ 47 ॥
அயம் ச த³யிதோ ராஜம்ஸ்தாராயா ஸ்தனயோங்க³த:³ ।
லக்ஷ்மணேன ஸகாஶம் தே ப்ரேஷிதஸ்த்வரயானக⁴ ॥ 48 ॥
ஸோயம் ரோஷபரீதாக்ஷோ த்³வாரி திஷ்ட²தி வீர்யவான் ।
வானரான்வானரபதே சக்ஷுஷா ப்ரத³ஹன்னிவ ॥ 49 ॥
தஸ்ய மூர்த்⁴னா ப்ரணம்ய த்வம் ஸபுத்ரஸ்ஸஹப³ந்து⁴பி⁴: ।
க³ச்ச² ஶீக்⁴ரம் மஹாராஜ ரோஷோ ஹ்யஸ்ய நிவர்த்யதாம் ॥ 5௦ ॥
யதா³ஹ ராமோ த⁴ர்மாத்மா தத்குருஷ்வ ஸமாஹித: ।
ராஜம் ஸ்திஷ்ட²ஸ்வ ஸமயே ப⁴வ ஸத்யப்ரதிஶ்ரவா: ॥ 51 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஏகத்ரிம்ஶஸ்ஸர்க:³ ॥
