ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² சதுஸ்த்ரிம்ஶஸ்ஸர்க:³ ।
தமப்ரதிஹதம் க்ருத்³த⁴ம் ப்ரவிஷ்டம் புருஷர்ஷப⁴ம் ।
ஸுக்³ரீவோ லக்ஷ்மணம் த்³ருஷ்ட்வா ப³பூ⁴வ வ்யதி²தேந்த்³ரிய: ॥ 1 ॥
க்ருத்³த⁴ம் நிஶ்ஶ்வஸமானம் தம் ப்ரதீ³ப்தமிவ தேஜஸா ।
ப்⁴ராதுர்வ்யஸனஸந்தப்தம் த்³ருஷ்ட்வா த³ஶரதா²த்மஜம் ॥ 2 ॥
உத்பபாத ஹரிஶ்ரேஷ்டோ² ஹித்வா ஸௌவர்ணமாஸனம் ।
மஹான்மஹேந்த்³ரஸ்ய யதா² ஸ்வலங்க்ருத இவ த்⁴வஜ: ॥ 3 ॥
உத்பதந்தமனூத்பேதூ ருமாப்ரப்⁴ருதய: ஸ்த்ரிய: ।
ஸுக்³ரீவம் க³க³னே பூர்ணசந்த்³ரம் தாராக³ணா இவ ॥ 4 ॥
ஸம்ரக்தனயன: ஶ்ரீமான்விசசால க்ருதாஞ்ஜலி: ।
ப³பூ⁴வாவஸ்தி²தஸ்தத்ர கல்பவ்ருக்ஷோ மஹானிவ ॥ 5 ॥
ருமாத்³விதீயம் ஸுக்³ரீவம் நாரீமத்⁴யக³தம் ஸ்தி²தம் ।
அப்³ரவீல்லக்ஷ்மண: க்ருத்³த⁴ஸ்ஸதாரம் ஶஶினம் யதா² ॥ 6 ॥
ஸத்த்வாபி⁴ஜனஸம்பன்னஸ்ஸானுக்ரோஶோ ஜிதேந்த்³ரிய: ।
க்ருதஜ்ஞஸ்ஸத்யவாதீ³ ச ராஜா லோகே மஹீயதே ॥ 7 ॥
யஸ்து ராஜா ஸ்தி²தோத⁴ர்மே மித்ராணாமுபகாரிணாம் ।
மித்²யா ப்ரதிஜ்ஞாம் குருதே கோ ந்ருஶம்ஸதரஸ்தத: ॥ 8 ॥
ஶதமஶ்வான்ருதே ஹந்தி ஸஹஸ்ரம் து க³வான்ருதே ।
ஆத்மானம் ஸ்வஜனம் ஹந்தி புருஷ: புருஷான்ருதே ॥ 9 ॥
பூர்வம் க்ருதார்தோ² மித்ராணாம் ந தத்ப்ரதிகரோதி ய: ।
க்ருதக்⁴னஸ்ஸர்வபூ⁴தானாம் ஸ வத்⁴ய: ப்லவகே³ஶ்வர ॥ 1௦ ॥
கீ³தோயம் ப்³ரஹ்மணா ஶ்லோக ஸ்ஸர்வலோகனமஸ்க்ருத: ।
த்³ருஷ்ட்வா க்ருதக்⁴னம் க்ருத்³தே⁴ன தன்னிபோ³த⁴ ப்லவங்க³ம ॥ 11 ॥
ப்³ரஹ்மக்⁴னே ச ஸுராபே ச சோரே ப⁴க்³னவ்ரதே ததா² ।
நிஷ்க்ருதிர்விஹிதா ஸத்³பி⁴: க்ருதக்⁴னே நாஸ்தி நிஷ்க்ருதி: ॥ 12 ॥
அனார்யஸ்த்வம் க்ருதக்⁴னஶ்ச மித்²யாவாதீ³ ச வானர ।
பூர்வம் க்ருதார்தோ² ராமஸ்ய ந தத்ப்ரதிகரோஷி யத் ॥ 13 ॥
நனு நாம க்ருதார்தே²ன த்வயா ராமஸ்ய வானர ।
ஸீதாயா மார்க³ணே யத்ன: கர்தவ்ய: க்ருதமிச்ச²தா ॥ 14 ॥
ஸ த்வம் க்³ராம்யேஷு போ⁴கே³ஷு ஸக்தோ மித்²யாப்ரதிஶ்ரவ: ।
ந த்வாம் ராமோ விஜானீதே ஸர்பம் மண்டூ³கராவிணம் ॥ 15 ॥
மஹாபா⁴கே³ன ராமேண பாப: கருணவேதி³னா ।
ஹரீணாம் ப்ராபிதோ ராஜ்யம் த்வம் து³ராத்மா மஹாத்மனா ॥ 16 ॥
க்ருதம் சேன்னாபி⁴ஜானீஷே ராமஸ்யாக்லிஷ்டகர்மண: ।
ஸத்³யஸ்த்வம் நிஶிதைர்பா⁴வார்ஹதோ த்³ரக்ஷ்யஸி வாலினம் ॥ 17 ॥
ந ச ஸங்குசித: பந்தா² யேன வாலீ ஹதோ க³த: ।
ஸமயே திஷ்ட² ஸுக்³ரீவ மா வாலிபத²மன்வகா³: ॥ 18 ॥
ந நூனமிக்ஷ்வாகுவரஸ்ய கார்முக ச்யுதான் ஶரான்பஶ்யஸி வஜ்ர ஸன்னிபா⁴ன் ।
தத ஸ்ஸுக²ம் நாம நிஷேவஸே ஸுகீ² ।
ந ராமகார்யம் மனஸாப்யவேக்ஷஸே ॥ 19 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ சதுஸ்த்ரிம்ஶஸ்ஸர்க:³ ॥
