শ্রীমদ্বাল্মীকীয় রামাযণে কিষ্কিংধাকাংডম্ ।
অথ চতুস্ত্রিংশস্সর্গঃ ।
তমপ্রতিহতং ক্রুদ্ধং প্রবিষ্টং পুরুষর্ষভম্ ।
সুগ্রীবো লক্ষ্মণং দৃষ্ট্বা বভূব ব্যথিতেংদ্রিয়ঃ ॥ 1 ॥
ক্রুদ্ধং নিশ্শ্বসমানং তং প্রদীপ্তমিব তেজসা ।
ভ্রাতুর্ব্যসনসংতপ্তং দৃষ্ট্বা দশরথাত্মজম্ ॥ 2 ॥
উত্পপাত হরিশ্রেষ্ঠো হিত্বা সৌবর্ণমাসনম্ ।
মহান্মহেংদ্রস্য় যথা স্বলংকৃত ইব ধ্বজঃ ॥ 3 ॥
উত্পতংতমনূত্পেতূ রুমাপ্রভৃতয়ঃ স্ত্রিয়ঃ ।
সুগ্রীবং গগনে পূর্ণচংদ্রং তারাগণা ইব ॥ 4 ॥
সংরক্তনযনঃ শ্রীমান্বিচচাল কৃতাংজলিঃ ।
বভূবাবস্থিতস্তত্র কল্পবৃক্ষো মহানিব ॥ 5 ॥
রুমাদ্বিতীয়ং সুগ্রীবং নারীমধ্যগতং স্থিতম্ ।
অব্রবীল্লক্ষ্মণঃ ক্রুদ্ধস্সতারং শশিনং যথা ॥ 6 ॥
সত্ত্বাভিজনসংপন্নস্সানুক্রোশো জিতেংদ্রিয়ঃ ।
কৃতজ্ঞস্সত্যবাদী চ রাজা লোকে মহীযতে ॥ 7 ॥
যস্তু রাজা স্থিতোঽধর্মে মিত্রাণামুপকারিণাম্ ।
মিথ্য়া প্রতিজ্ঞাং কুরুতে কো নৃশংসতরস্ততঃ ॥ 8 ॥
শতমশ্বানৃতে হংতি সহস্রং তু গবানৃতে ।
আত্মানং স্বজনং হংতি পুরুষঃ পুরুষানৃতে ॥ 9 ॥
পূর্বং কৃতার্থো মিত্রাণাং ন তত্প্রতিকরোতি যঃ ।
কৃতঘ্নস্সর্বভূতানাং স বধ্য়ঃ প্লবগেশ্বর ॥ 10 ॥
গীতোঽয়ং ব্রহ্মণা শ্লোক স্সর্বলোকনমস্কৃতঃ ।
দৃষ্ট্বা কৃতঘ্নং ক্রুদ্ধেন তন্নিবোধ প্লবংগম ॥ 11 ॥
ব্রহ্মঘ্নে চ সুরাপে চ চোরে ভগ্নব্রতে তথা ।
নিষ্কৃতির্বিহিতা সদ্ভিঃ কৃতঘ্নে নাস্তি নিষ্কৃতিঃ ॥ 12 ॥
অনার্যস্ত্বং কৃতঘ্নশ্চ মিথ্য়াবাদী চ বানর ।
পূর্বং কৃতার্থো রামস্য় ন তত্প্রতিকরোষি যত্ ॥ 13 ॥
ননু নাম কৃতার্থেন ত্বয়া রামস্য় বানর ।
সীতায়া মার্গণে যত্নঃ কর্তব্য়ঃ কৃতমিচ্ছতা ॥ 14 ॥
স ত্বং গ্রাম্য়েষু ভোগেষু সক্তো মিথ্য়াপ্রতিশ্রবঃ ।
ন ত্বাং রামো বিজানীতে সর্পং মংডূকরাবিণম্ ॥ 15 ॥
মহাভাগেন রামেণ পাপঃ করুণবেদিনা ।
হরীণাং প্রাপিতো রাজ্য়ং ত্বং দুরাত্মা মহাত্মনা ॥ 16 ॥
কৃতং চেন্নাভিজানীষে রামস্য়াক্লিষ্টকর্মণঃ ।
সদ্যস্ত্বং নিশিতৈর্ভাবার্হতো দ্রক্ষ্যসি বালিনম্ ॥ 17 ॥
ন চ সংকুচিতঃ পংথা যেন বালী হতো গতঃ ।
সময়ে তিষ্ঠ সুগ্রীব মা বালিপথমন্বগাঃ ॥ 18 ॥
ন নূনমিক্ষ্বাকুবরস্য় কার্মুক চ্য়ুতান্ শরান্পশ্যসি বজ্র সন্নিভান্ ।
তত স্সুখং নাম নিষেবসে সুখী ।
ন রামকার্য়ং মনসাঽপ্যবেক্ষসে ॥ 19 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে চতুস্ত্রিংশস্সর্গঃ ॥
