శ్రీమద్వాల్మీకీయ రామాయణే కిష్కింధాకాండమ్ ।
అథ ద్విషష్టితమస్సర్గః ।
ఏవముక్తా మునిశ్రేష్ఠ మరుదం దుఃఖితో భృశమ్ ।
అథ ధ్యాత్వా ముహూర్తం తు భగవానిదమబ్రవీత్ ॥ 1 ॥
పక్షౌ తు తే ప్రపక్షౌ చ పునరన్యౌభవిష్యతః ।
ప్రాణాశ్చ చక్షుషీ చైవ విక్రమశ్చ బలం చ తే ॥ 2 ॥
పురాణే సుమహత్కార్యం భవిష్యతి మయా శ్రుతమ్ ।
దృష్టం మే తపసా చైవ శ్రుత్వా చ విదితం మమ ॥ 3 ॥
రాజా దశరథో నామ కశ్చిదిక్ష్వాకునందనః ।
తస్య పుత్రో మహాతేజా రమోనామ భవిష్యతి ॥ 4 ॥
అరణ్యం చ సహ ర్భాత్రా లక్ష్మణేనగమిష్యతి ।
అస్మిన్నర్థే నియుక్త స్సన్పిత్రా సత్యపరాక్రమః ॥ 5 ॥
నైఋతో రావణో నామ తస్య భార్యాం హరిష్యతి ।
రాక్షసేంద్రో జనస్థనాదవధ్య స్సురదానవైః ॥ 6 ॥
సా చ కామైః ప్రలోభ్యంతీ భక్ష్యైఃభోజ్యైశ్చ మైథిలీ ।
నభోక్ష్యతి మహాభాగా దుఃఖే మగ్నా యశస్వినీ ॥ 7 ॥
పరమాన్నంతు వైదేహ్యా జ్ఞాత్వా దాస్యతి వా సః ।
యదన్నమమృతప్రఖ్యం సురాణామపిదుర్లభమ్ ॥ 8 ॥
తదన్నం మైథిలీప్రాప్య విజ్ఞాయేంద్రాదిదంత్వితి ।
అగ్రముదృత్య రామాయ భూతలే నిర్వపిష్యతి ॥ 9 ॥
యది జీవతి మే భర్తా లక్ష్మణేన సహ ప్రభుః ।
దేవత్వం గచ్ఛ్తో ర్వాపి తయో రన్నమిదంత్వితి ॥ 10 ॥
ఏష్యంత్యన్వేషకా స్తస్యా రామదూతాః ప్లవాంగమాః ।
ఆఖ్యేయా రామ మహీషీ త్వయా తేభ్యో విహంగమ ॥ 11 ॥
సర్వథా హి నగంతవ్యమీదృశః క్వ గమిష్యసి ।
దేశకాలౌ ప్రతీక్షస్వ పక్షౌ త్వం ప్రతిపత్స్యసే ॥ 12 ॥
నోత్సహేయమహంకర్తుమధ్యైవ త్వాం సపక్షకమ్ ।
ఇహస్థ స్త్వం తు లోకానాం హితం కార్యం కరిష్యసి ॥ 13 ॥
త్వయాపి ఖలు తత్కార్యం తయోశ్చనృపపుత్రయోః ।
బ్రాహ్మణానాం సురాణాం చ మునీనాం వాసవస్య చ ॥ 14 ॥
ఇచ్ఛామ్యహమపిద్రష్టుం భ్రాతరౌ రామలక్ష్మణౌ ।
నేచ్ఛేచిరం ధారయుతుం ప్రాణాం స్త్యక్ష్యే కలేబరమ్ ।
మహర్షి స్త్వబ్రవీదేవం దృష్టతత్వార్థదర్శనః ॥ 15 ॥
ఇత్యార్షే శ్రీమద్రామాయణే వాల్మీకీయ ఆదికావ్యే కిష్కింధాకాండే ద్విషష్టితమస్సర్గః ॥
