ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² த்³விஷஷ்டிதமஸ்ஸர்க:³ ।
ஏவமுக்தா முனிஶ்ரேஷ்ட² மருத³ம் து³:கி²தோ ப்⁴ருஶம் ।
அத² த்⁴யாத்வா முஹூர்தம் து ப⁴க³வானித³மப்³ரவீத் ॥ 1 ॥
பக்ஷௌ து தே ப்ரபக்ஷௌ ச புனரன்யௌப⁴விஷ்யத: ।
ப்ராணாஶ்ச சக்ஷுஷீ சைவ விக்ரமஶ்ச ப³லம் ச தே ॥ 2 ॥
புராணே ஸுமஹத்கார்யம் ப⁴விஷ்யதி மயா ஶ்ருதம் ।
த்³ருஷ்டம் மே தபஸா சைவ ஶ்ருத்வா ச விதி³தம் மம ॥ 3 ॥
ராஜா த³ஶரதோ² நாம கஶ்சிதி³க்ஷ்வாகுனந்த³ன: ।
தஸ்ய புத்ரோ மஹாதேஜா ரமோனாம ப⁴விஷ்யதி ॥ 4 ॥
அரண்யம் ச ஸஹ ர்பா⁴த்ரா லக்ஷ்மணேனக³மிஷ்யதி ।
அஸ்மின்னர்தே² நியுக்த ஸ்ஸன்பித்ரா ஸத்யபராக்ரம: ॥ 5 ॥
நைருதோ ராவணோ நாம தஸ்ய பா⁴ர்யாம் ஹரிஷ்யதி ।
ராக்ஷஸேந்த்³ரோ ஜனஸ்த²னாத³வத்⁴ய ஸ்ஸுரதா³னவை: ॥ 6 ॥
ஸா ச காமை: ப்ரலோப்⁴யந்தீ ப⁴க்ஷ்யை:போ⁴ஜ்யைஶ்ச மைதி²லீ ।
நபோ⁴க்ஷ்யதி மஹாபா⁴கா³ து³:கே² மக்³னா யஶஸ்வினீ ॥ 7 ॥
பரமான்னந்து வைதே³ஹ்யா ஜ்ஞாத்வா தா³ஸ்யதி வா ஸ: ।
யத³ன்னமம்ருதப்ரக்²யம் ஸுராணாமபிது³ர்லப⁴ம் ॥ 8 ॥
தத³ன்னம் மைதி²லீப்ராப்ய விஜ்ஞாயேந்த்³ராதி³த³ந்த்விதி ।
அக்³ரமுத்³ருத்ய ராமாய பூ⁴தலே நிர்வபிஷ்யதி ॥ 9 ॥
யதி³ ஜீவதி மே ப⁴ர்தா லக்ஷ்மணேன ஸஹ ப்ரபு⁴: ।
தே³வத்வம் க³ச்ச்²தோ ர்வாபி தயோ ரன்னமித³ந்த்விதி ॥ 1௦ ॥
ஏஷ்யந்த்யன்வேஷகா ஸ்தஸ்யா ராமதூ³தா: ப்லவாங்க³மா: ।
ஆக்²யேயா ராம மஹீஷீ த்வயா தேப்⁴யோ விஹங்க³ம ॥ 11 ॥
ஸர்வதா² ஹி நக³ந்தவ்யமீத்³ருஶ: க்வ க³மிஷ்யஸி ।
தே³ஶகாலௌ ப்ரதீக்ஷஸ்வ பக்ஷௌ த்வம் ப்ரதிபத்ஸ்யஸே ॥ 12 ॥
நோத்ஸஹேயமஹங்கர்துமத்⁴யைவ த்வாம் ஸபக்ஷகம் ।
இஹஸ்த² ஸ்த்வம் து லோகானாம் ஹிதம் கார்யம் கரிஷ்யஸி ॥ 13 ॥
த்வயாபி க²லு தத்கார்யம் தயோஶ்சன்ருபபுத்ரயோ: ।
ப்³ராஹ்மணானாம் ஸுராணாம் ச முனீனாம் வாஸவஸ்ய ச ॥ 14 ॥
இச்சா²ம்யஹமபித்³ரஷ்டும் ப்⁴ராதரௌ ராமலக்ஷ்மணௌ ।
நேச்சே²சிரம் தா⁴ரயுதும் ப்ராணாம் ஸ்த்யக்ஷ்யே கலேப³ரம் ।
மஹர்ஷி ஸ்த்வப்³ரவீதே³வம் த்³ருஷ்டதத்வார்த²த³ர்ஶன: ॥ 15 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ த்³விஷஷ்டிதமஸ்ஸர்க:³ ॥
