શ્રીમદ્વાલ્મીકીય રામાયણે કિષ્કિંધાકાંડમ્ ।
અથ દ્વિષષ્ટિતમસ્સર્ગઃ ।
એવમુક્તા મુનિશ્રેષ્ઠ મરુદં દુઃખિતો ભૃશમ્ ।
અથ ધ્યાત્વા મુહૂર્તં તુ ભગવાનિદમબ્રવીત્ ॥ 1 ॥
પક્ષૌ તુ તે પ્રપક્ષૌ ચ પુનરન્યૌભવિષ્યતઃ ।
પ્રાણાશ્ચ ચક્ષુષી ચૈવ વિક્રમશ્ચ બલં ચ તે ॥ 2 ॥
પુરાણે સુમહત્કાર્યં ભવિષ્યતિ મયા શ્રુતમ્ ।
દૃષ્ટં મે તપસા ચૈવ શ્રુત્વા ચ વિદિતં મમ ॥ 3 ॥
રાજા દશરથો નામ કશ્ચિદિક્ષ્વાકુનંદનઃ ।
તસ્ય પુત્રો મહાતેજા રમોનામ ભવિષ્યતિ ॥ 4 ॥
અરણ્યં ચ સહ ર્ભાત્રા લક્ષ્મણેનગમિષ્યતિ ।
અસ્મિન્નર્થે નિયુક્ત સ્સન્પિત્રા સત્યપરાક્રમઃ ॥ 5 ॥
નૈઋતો રાવણો નામ તસ્ય ભાર્યાં હરિષ્યતિ ।
રાક્ષસેંદ્રો જનસ્થનાદવધ્ય સ્સુરદાનવૈઃ ॥ 6 ॥
સા ચ કામૈઃ પ્રલોભ્યંતી ભક્ષ્યૈઃભોજ્યૈશ્ચ મૈથિલી ।
નભોક્ષ્યતિ મહાભાગા દુઃખે મગ્ના યશસ્વિની ॥ 7 ॥
પરમાન્નંતુ વૈદેહ્યા જ્ઞાત્વા દાસ્યતિ વા સઃ ।
યદન્નમમૃતપ્રખ્યં સુરાણામપિદુર્લભમ્ ॥ 8 ॥
તદન્નં મૈથિલીપ્રાપ્ય વિજ્ઞાયેંદ્રાદિદંત્વિતિ ।
અગ્રમુદૃત્ય રામાય ભૂતલે નિર્વપિષ્યતિ ॥ 9 ॥
યદિ જીવતિ મે ભર્તા લક્ષ્મણેન સહ પ્રભુઃ ।
દેવત્વં ગચ્છ્તો ર્વાપિ તયો રન્નમિદંત્વિતિ ॥ 10 ॥
એષ્યંત્યન્વેષકા સ્તસ્યા રામદૂતાઃ પ્લવાંગમાઃ ।
આખ્યેયા રામ મહીષી ત્વયા તેભ્યો વિહંગમ ॥ 11 ॥
સર્વથા હિ નગંતવ્યમીદૃશઃ ક્વ ગમિષ્યસિ ।
દેશકાલૌ પ્રતીક્ષસ્વ પક્ષૌ ત્વં પ્રતિપત્સ્યસે ॥ 12 ॥
નોત્સહેયમહંકર્તુમધ્યૈવ ત્વાં સપક્ષકમ્ ।
ઇહસ્થ સ્ત્વં તુ લોકાનાં હિતં કાર્યં કરિષ્યસિ ॥ 13 ॥
ત્વયાપિ ખલુ તત્કાર્યં તયોશ્ચનૃપપુત્રયોઃ ।
બ્રાહ્મણાનાં સુરાણાં ચ મુનીનાં વાસવસ્ય ચ ॥ 14 ॥
ઇચ્છામ્યહમપિદ્રષ્ટું ભ્રાતરૌ રામલક્ષ્મણૌ ।
નેચ્છેચિરં ધારયુતું પ્રાણાં સ્ત્યક્ષ્યે કલેબરમ્ ।
મહર્ષિ સ્ત્વબ્રવીદેવં દૃષ્ટતત્વાર્થદર્શનઃ ॥ 15 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે કિષ્કિંધાકાંડે દ્વિષષ્ટિતમસ્સર્ગઃ ॥
