śrīmadvālmīkīya rāmāyaṇē kiṣkindhākāṇḍam ।
atha dviṣaṣṭitamassargaḥ ।
ēvamuktā muniśrēṣṭha marudaṃ duḥkhitō bhṛśam ।
atha dhyātvā muhūrtaṃ tu bhagavānidamabravīt ॥ 1 ॥
pakṣau tu tē prapakṣau cha punaranyaubhaviṣyataḥ ।
prāṇāścha chakṣuṣī chaiva vikramaścha balaṃ cha tē ॥ 2 ॥
purāṇē sumahatkāryaṃ bhaviṣyati mayā śrutam ।
dṛṣṭaṃ mē tapasā chaiva śrutvā cha viditaṃ mama ॥ 3 ॥
rājā daśarathō nāma kaśchidikṣvākunandanaḥ ।
tasya putrō mahātējā ramōnāma bhaviṣyati ॥ 4 ॥
araṇyaṃ cha saha rbhātrā lakṣmaṇēnagamiṣyati ।
asminnarthē niyukta ssanpitrā satyaparākramaḥ ॥ 5 ॥
naiṛtō rāvaṇō nāma tasya bhāryāṃ hariṣyati ।
rākṣasēndrō janasthanādavadhya ssuradānavaiḥ ॥ 6 ॥
sā cha kāmaiḥ pralōbhyantī bhakṣyaiḥbhōjyaiścha maithilī ।
nabhōkṣyati mahābhāgā duḥkhē magnā yaśasvinī ॥ 7 ॥
paramānnantu vaidēhyā jñātvā dāsyati vā saḥ ।
yadannamamṛtaprakhyaṃ surāṇāmapidurlabham ॥ 8 ॥
tadannaṃ maithilīprāpya vijñāyēndrādidantviti ।
agramudṛtya rāmāya bhūtalē nirvapiṣyati ॥ 9 ॥
yadi jīvati mē bhartā lakṣmaṇēna saha prabhuḥ ।
dēvatvaṃ gachChtō rvāpi tayō rannamidantviti ॥ 10 ॥
ēṣyantyanvēṣakā stasyā rāmadūtāḥ plavāṅgamāḥ ।
ākhyēyā rāma mahīṣī tvayā tēbhyō vihaṅgama ॥ 11 ॥
sarvathā hi nagantavyamīdṛśaḥ kva gamiṣyasi ।
dēśakālau pratīkṣasva pakṣau tvaṃ pratipatsyasē ॥ 12 ॥
nōtsahēyamahaṅkartumadhyaiva tvāṃ sapakṣakam ।
ihastha stvaṃ tu lōkānāṃ hitaṃ kāryaṃ kariṣyasi ॥ 13 ॥
tvayāpi khalu tatkāryaṃ tayōśchanṛpaputrayōḥ ।
brāhmaṇānāṃ surāṇāṃ cha munīnāṃ vāsavasya cha ॥ 14 ॥
ichChāmyahamapidraṣṭuṃ bhrātarau rāmalakṣmaṇau ।
nēchChēchiraṃ dhārayutuṃ prāṇāṃ styakṣyē kalēbaram ।
maharṣi stvabravīdēvaṃ dṛṣṭatatvārthadarśanaḥ ॥ 15 ॥
ityārṣē śrīmadrāmāyaṇē vālmīkīya ādikāvyē kiṣkindhākāṇḍē dviṣaṣṭitamassargaḥ ॥
