শ্রীমদ্বাল্মীকীয় রামাযণে কিষ্কিংধাকাংডম্ ।
অথ দ্বিষষ্টিতমস্সর্গঃ ।
এবমুক্তা মুনিশ্রেষ্ঠ মরুদং দুঃখিতো ভৃশম্ ।
অথ ধ্য়াত্বা মুহূর্তং তু ভগবানিদমব্রবীত্ ॥ 1 ॥
পক্ষৌ তু তে প্রপক্ষৌ চ পুনরন্য়ৌভবিষ্যতঃ ।
প্রাণাশ্চ চক্ষুষী চৈব বিক্রমশ্চ বলং চ তে ॥ 2 ॥
পুরাণে সুমহত্কার্য়ং ভবিষ্যতি ময়া শ্রুতম্ ।
দৃষ্টং মে তপসা চৈব শ্রুত্বা চ বিদিতং মম ॥ 3 ॥
রাজা দশরথো নাম কশ্চিদিক্ষ্বাকুনংদনঃ ।
তস্য় পুত্রো মহাতেজা রমোনাম ভবিষ্যতি ॥ 4 ॥
অরণ্য়ং চ সহ র্ভাত্রা লক্ষ্মণেনগমিষ্যতি ।
অস্মিন্নর্থে নিয়ুক্ত স্সন্পিত্রা সত্যপরাক্রমঃ ॥ 5 ॥
নৈঋতো রাবণো নাম তস্য় ভার্য়াং হরিষ্যতি ।
রাক্ষসেংদ্রো জনস্থনাদবধ্য় স্সুরদানবৈঃ ॥ 6 ॥
সা চ কামৈঃ প্রলোভ্য়ংতী ভক্ষ্য়ৈঃভোজ্য়ৈশ্চ মৈথিলী ।
নভোক্ষ্যতি মহাভাগা দুঃখে মগ্না যশস্বিনী ॥ 7 ॥
পরমান্নংতু বৈদেহ্য়া জ্ঞাত্বা দাস্যতি বা সঃ ।
যদন্নমমৃতপ্রখ্য়ং সুরাণামপিদুর্লভম্ ॥ 8 ॥
তদন্নং মৈথিলীপ্রাপ্য় বিজ্ঞায়েংদ্রাদিদংত্বিতি ।
অগ্রমুদৃত্য় রামায় ভূতলে নির্বপিষ্যতি ॥ 9 ॥
যদি জীবতি মে ভর্তা লক্ষ্মণেন সহ প্রভুঃ ।
দেবত্বং গচ্ছ্তো র্বাপি তয়ো রন্নমিদংত্বিতি ॥ 10 ॥
এষ্য়ংত্যন্বেষকা স্তস্য়া রামদূতাঃ প্লবাংগমাঃ ।
আখ্য়েয়া রাম মহীষী ত্বয়া তেভ্য়ো বিহংগম ॥ 11 ॥
সর্বথা হি নগংতব্যমীদৃশঃ ক্ব গমিষ্যসি ।
দেশকালৌ প্রতীক্ষস্ব পক্ষৌ ত্বং প্রতিপত্স্যসে ॥ 12 ॥
নোত্সহেযমহংকর্তুমধ্য়ৈব ত্বাং সপক্ষকম্ ।
ইহস্থ স্ত্বং তু লোকানাং হিতং কার্য়ং করিষ্যসি ॥ 13 ॥
ত্বয়াপি খলু তত্কার্য়ং তয়োশ্চনৃপপুত্রয়োঃ ।
ব্রাহ্মণানাং সুরাণাং চ মুনীনাং বাসবস্য় চ ॥ 14 ॥
ইচ্ছাম্যহমপিদ্রষ্টুং ভ্রাতরৌ রামলক্ষ্মণৌ ।
নেচ্ছেচিরং ধারয়ুতুং প্রাণাং স্ত্যক্ষ্য়ে কলেবরম্ ।
মহর্ষি স্ত্বব্রবীদেবং দৃষ্টতত্বার্থদর্শনঃ ॥ 15 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে দ্বিষষ্টিতমস্সর্গঃ ॥
