ශ්රීමද්වාල්මීකීය රාමායණේ කිෂ්කිංධාකාංඩම් ।
අථ ද්විෂෂ්ටිතමස්සර්ගඃ ।
ඒවමුක්තා මුනිශ්රේෂ්ඨ මරුදං දුඃඛිතෝ භෘශම් ।
අථ ධ්යාත්වා මුහූර්තං තු භගවානිදමබ්රවීත් ॥ 1 ॥
පක්ෂෞ තු තේ ප්රපක්ෂෞ ච පුනරන්යෞභවිෂ්යතඃ ।
ප්රාණාශ්ච චක්ෂුෂී චෛව වික්රමශ්ච බලං ච තේ ॥ 2 ॥
පුරාණේ සුමහත්කාර්යං භවිෂ්යති මයා ශ්රුතම් ।
දෘෂ්ටං මේ තපසා චෛව ශ්රුත්වා ච විදිතං මම ॥ 3 ॥
රාජා දශරථෝ නාම කශ්චිදික්ෂ්වාකුනංදනඃ ।
තස්ය පුත්රෝ මහාතේජා රමෝනාම භවිෂ්යති ॥ 4 ॥
අරණ්යං ච සහ ර්භාත්රා ලක්ෂ්මණේනගමිෂ්යති ।
අස්මින්නර්ථේ නියුක්ත ස්සන්පිත්රා සත්යපරාක්රමඃ ॥ 5 ॥
නෛඍතෝ රාවණෝ නාම තස්ය භාර්යාං හරිෂ්යති ।
රාක්ෂසේංද්රෝ ජනස්ථනාදවධ්ය ස්සුරදානවෛඃ ॥ 6 ॥
සා ච කාමෛඃ ප්රලෝභ්යංතී භක්ෂ්යෛඃභෝජ්යෛශ්ච මෛථිලී ।
නභෝක්ෂ්යති මහාභාගා දුඃඛේ මග්නා යශස්විනී ॥ 7 ॥
පරමාන්නංතු වෛදේහ්යා ජ්ඤාත්වා දාස්යති වා සඃ ।
යදන්නමමෘතප්රඛ්යං සුරාණාමපිදුර්ලභම් ॥ 8 ॥
තදන්නං මෛථිලීප්රාප්ය විජ්ඤායේංද්රාදිදංත්විති ।
අග්රමුදෘත්ය රාමාය භූතලේ නිර්වපිෂ්යති ॥ 9 ॥
යදි ජීවති මේ භර්තා ලක්ෂ්මණේන සහ ප්රභුඃ ।
දේවත්වං ගච්ඡ්තෝ ර්වාපි තයෝ රන්නමිදංත්විති ॥ 10 ॥
ඒෂ්යංත්යන්වේෂකා ස්තස්යා රාමදූතාඃ ප්ලවාංගමාඃ ।
ආඛ්යේයා රාම මහීෂී ත්වයා තේභ්යෝ විහංගම ॥ 11 ॥
සර්වථා හි නගංතව්යමීදෘශඃ ක්ව ගමිෂ්යසි ।
දේශකාලෞ ප්රතීක්ෂස්ව පක්ෂෞ ත්වං ප්රතිපත්ස්යසේ ॥ 12 ॥
නෝත්සහේයමහංකර්තුමධ්යෛව ත්වාං සපක්ෂකම් ।
ඉහස්ථ ස්ත්වං තු ලෝකානාං හිතං කාර්යං කරිෂ්යසි ॥ 13 ॥
ත්වයාපි ඛලු තත්කාර්යං තයෝශ්චනෘපපුත්රයෝඃ ।
බ්රාහ්මණානාං සුරාණාං ච මුනීනාං වාසවස්ය ච ॥ 14 ॥
ඉච්ඡාම්යහමපිද්රෂ්ටුං භ්රාතරෞ රාමලක්ෂ්මණෞ ।
නේච්ඡේචිරං ධාරයුතුං ප්රාණාං ස්ත්යක්ෂ්යේ කලේබරම් ।
මහර්ෂි ස්ත්වබ්රවීදේවං දෘෂ්ටතත්වාර්ථදර්ශනඃ ॥ 15 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ කිෂ්කිංධාකාංඩේ ද්විෂෂ්ටිතමස්සර්ගඃ ॥
