শ্রীমদ্বাল্মীকীয় রামাযণে কিষ্কিংধাকাংডম্ ।
অথ সপ্তষষ্টিতমস্সর্গঃ ।
তং দৃষ্ট্বা জৃংভমাণং তে ক্রমিতুং শতয়োজনম্ ।
বীর্য়েণাপূর্যমাণং চ সহসা বানরোত্তমম্ ॥ 1 ॥
সহসা শোকমুত্সৃজ্য় প্রহর্ষেণ সমন্বিতাঃ ।
বিনেদুস্তুষ্টুবুশ্চাপি হনূমংতং মহাবলম্ ॥ 2 ॥
প্রহৃষ্টা বিস্মিতাশ্চৈব বীক্ষংতে স্ম সমংততঃ ।
ত্রিবিক্রমকৃতোত্সাহং নারাযণমিব প্রজাঃ ॥ 3 ॥
সংস্তূযমানো হনুমান্ব্যবর্ধত মহাবলঃ ।
সমাবিধ্য় চ লাংগূলং হর্ষাদ্বলমুপেয়িবান্ ॥ 4 ॥
তস্য় সংস্তূযমানস্য় সর্বৈর্বানরপুংগবৈঃ ।
তেজসাপূর্যমাণস্য় রূপমাসীদনুত্তমম্ ॥ 5 ॥
যথা বিজৃংভতে সিংহো বিবৃদ্ধো গিরিগহ্বরে ।
মারুতস্য়ৌরসঃ পুত্রস্তথা সংপ্রতি জৃংভতে ॥ 6 ॥
অশোভত মুখং তস্য় জৃংভমাণস্য় ধীমতঃ ।
অংবরীষমিবাঽদীপ্তং বিধূম ইব পাবকঃ ॥ 7 ॥
হরীণামুত্থিতো মধ্য়াত্সংপ্রহৃষ্টতনূরুহঃ ।
অভিবাদ্য় হরীন্বৃদ্ধান্হনুমানিদমব্রবীত্ ॥ 8 ॥
অরুজত্সর্বতাগ্রাণি হুতাশনসখোঽনিলঃ ।
বলবানপ্রমেযশ্চ বায়ুরাকাশগোচরঃ ॥ 9 ॥
তস্য়াহং শীঘ্রবেগস্য় শীঘ্রগস্য় মহাত্মনঃ ।
মারুতস্য়ৌরসঃ পুত্রঃ প্লবনেনাস্মি তত্সমঃ ॥ 10 ॥
উত্সহেয়ং হি বিস্তীর্ণমালিখংতমিবাংবরম্ ।
মেরুং গিরিমসংগেন পরিগংতুং সহস্রশঃ ॥ 11 ॥
বাহুবেগপ্রণুন্নেন সাগরেণাহমুত্সহে ।
সমাপ্লাবয়িতুং লোকং সপর্বতনদীহ্রদম্ ॥ 12 ॥
মমোরুজংঘাবেগেন ভবিষ্যতি সমুত্থিতঃ ।
সম্মূর্চ্ছিতমহাগ্রাহস্সমুদ্রো বরুণালয়ঃ ॥ 13 ॥
পন্নগাশনমাকাশে পতংতং পক্ষিসেবিতে ।
বৈনতেযমহং শক্তঃ পরিগংতুং সহস্রশঃ ॥ 14 ॥
উদয়াত্প্রস্থিতং বাপি জ্বলংতং রশ্মিমালিনম্ ।
অনস্তমিতমাদিত্যমভিগংতুং সমুত্সহে ॥ 15 ॥
ততো ভূমিমসংস্পৃশ্য় পুনরাগংতুমুত্সহে ।
প্রবেগেনৈব মহতা ভীমেন প্লবগর্ষভাঃ ॥ 16 ॥
উত্সহেযমতিক্রাংতুং সর্বানাকাশগোচরান্ ।
সাগরং ক্ষোভয়িষ্য়ামি দারয়িষ্য়ামি মেদিনীম্ ॥ 17 ॥
পর্বতাংশ্চূর্ণয়িষ্য়ামি প্লবমানঃ প্লবংগমাঃ ।
হরিষ্য়াম্য়ূরুবেগেন প্লবমানো মহার্ণবম্ ॥ 18 ॥
লতানাং বিবিধং পুষ্পং পাদপানাং চ সর্বশঃ ।
অনুয়াস্য়ংতি মামদ্য় প্লবমানং বিহাযসা ॥ 19 ॥
ভবিষ্যতি হি মে পংথাস্স্বাতেঃ পংথা ইবাংবরে ।
চরংতং ঘোরমাকাশমুত্পতিষ্য়ংতমেব বা ॥ 20 ॥
দ্রক্ষ্য়ংতি নিপতিষ্য়ংতং চ সর্বভূতানি বানরাঃ ।
মহামেরুপ্রতীকাশং মাং দ্রক্ষ্যথ বানরাঃ ॥ 21 ॥
দিবমাবৃত্য় গচ্ছংতং গ্রসমানমিবাংবরম্ ।
বিধমিষ্য়ামি জীমূতান্কংপয়িষ্য়ামি পর্বতান্ ॥ 22 ॥
সাগরং শোষয়িষ্য়ামি প্লবমানস্সমাহিতঃ ।
বৈনতেযস্য় যা শক্তির্মম সা মারুতস্য় বা ॥ 23 ॥
ঋতে সুপর্ণরাজানং মারুতং বা মহাজবম্ ।
ন তদ্ভূতং প্রপশ্য়ামি যন্মাং প্লুতমনুব্রজেত্ ॥ 24 ॥
নিমেষাংতরমাত্রেণ নিরালংবনমংবরম্ ।
সহসা নিপতিষ্য়ামি ঘনাদ্বিদ্য়ুদিবোত্থিতা ॥ 25 ॥
ভবিষ্যতি হি মে রূপং প্লবমানস্য় সাগরে ।
বিষ্ণোর্বিক্রমমাণস্য় পুরা ত্রীন্বিক্রমানিব ॥ 26 ॥
বুদ্ধ্য়া চাহং প্রপশ্য়ামি মনশ্চেষ্টা চ মে তথা ।
অহং দ্রক্ষ্য়ামি বৈদেহীং প্রমোদধ্বং প্লবংগমাঃ ॥ 27 ॥
মারুতস্য় সমো বেগে গরুডস্য় সমো জবে ।
অয়ুতং যোজনানাং তু গমিষ্য়ামীতি মে মতিঃ ॥ 28 ॥
বাসবস্য় সবজ্রস্য় ব্রহ্মণো বা স্বয়ংভুবঃ ।
বিক্রম্য় সহসা হস্তাদমৃতং তদিহানয়ে ॥ 29 ॥
লংকাং বাপি সমুত্ক্ষিপ্য় গচ্ছেযমিতি মে মতিঃ ।
তমেবং বানরশ্রেষ্ঠং গর্জংতমমিতৌজসম্ ॥ 30 ॥
প্রহৃষ্টা হরযস্তত্র সমুদৈক্ষংত বিস্মিতাঃ ।
তস্য় তদ্বচনং শ্রুত্বা জ্ঞাতীনাং শোকনাশনম্ ॥ 31 ॥
উবাচ পরিসংহৃষ্টো জাংববান্হরিসত্তমঃ ।
বীর কেসরিণঃ পুত্র হনুমান্মারুতাত্মজ ॥ 32 ॥
জ্ঞাতীনাং বিপুলশ্শোকস্ত্বয়া তাত প্রণাশিতঃ ।
তব কল্য়াণরুচয়ঃ কপিমুখ্য়াস্সমাগতাঃ ॥ 33 ॥
মংগলং কার্যসিদ্ধ্যর্থং করিষ্য়ংতি সমাহিতাঃ ।
ঋষীণাং চ প্রসাদেন কপিবৃদ্ধমতেন চ ॥ 34 ॥
গুরূণাং চ প্রসাদেন প্লবস্ব ত্বং মহার্ণবম্ ।
স্থাস্য়ামশ্চৈকপাদেন যাবদাগমনং তব ॥ 35 ॥
ত্বদ্গতানি চ সর্বেষাং জীবনানি বনৌকসাম্ ।
ততস্তু হরিশার্দূলস্তানুবাচ বনৌকসঃ ॥ 36 ॥
নেয়ং মম মহী বেগং লংঘনে ধারয়িষ্যতি ।
এতানীহ নগস্য়াস্য় শিলাসংকটশালিনঃ ॥ 37 ॥
শিখরাণি মহেংদ্রস্য় স্থিরাণি সুমহাংতি চ ।
এষু বেগং করিষ্য়ামি মহেংদ্রশিখরেষ্বহম্ ॥ 38 ॥
নানাদ্রুমবিকীর্ণেষু ধাতুনিষ্য়ংদশোভিষু ।
এতানি মম নিষ্পেষং পাদয়োঃ প্লবতাং বরাঃ ॥ 39 ॥
প্লবতো ধারয়িষ্য়ংতি যোজনানামিতশ্শতম্ ।
ততস্তং মারুতপ্রখ্যস্সহরির্মারুতাত্মজঃ ॥ 40 ॥
আরুরোহ নগশ্রেষ্ঠং মহেংদ্রমরিমর্দনঃ ।
বৃতং নানাবিধৈঃ বৃক্ষৈর্মৃগসেবিতশাদ্বলম্ ॥ 41 ॥
লতাকুসুমসংবাধং নিত্যপুষ্পফলদ্রুমম্ ।
সিংহশার্দূলচরিতং মত্তমাতংগসেবিতম্ ॥ 42 ॥
মত্তদ্বিজগণোদ্ঘুষ্টং সলিলোত্পীডসংকুলম্ ।
মহদ্ভিরুচ্ছ্রিতং শৃংগৈর্মহেংদ্রং স মহাবলঃ ॥ 43 ॥
বিচচার হরিশ্রেষ্ঠো মহেংদ্রসমবিক্রমঃ ।
পাদাভ্য়াং পীডিতস্তেন মহাশৈলো মহাত্মনা ॥ 44 ॥
ররাজ সিংহাভিহতো মহান্মত্ত ইব দ্বিপঃ ।
মুমোচ সলিলোত্পীডান্বিপ্রকীর্ণশিলোচ্চয়ঃ ॥ 45 ॥
বিত্রস্তমৃগমাতংগঃ প্রকংপিতমহাদ্রুমঃ ।
নানাগংধর্বমিথুনৈঃ পানসংসর্গকর্কশৈঃ ॥ 46 ॥
উত্পতদ্ভিশ্চ বিহগৈর্বিদ্য়াধরগণৈরপি ।
ত্যজ্যমানমহাসানুস্সন্নিলীনমহোরগঃ ॥ 47 ॥
চলশৃংগশিলোদ্ঘাতস্তদাঽভূত্স মহাগিরিঃ ।
নিশ্শ্বসদ্ভিস্তদাঽর্তৈস্তু ভুজংগৈরর্ধনিঃসৃতৈঃ ॥ 48 ॥
সপতাক ইবাভাতি স তদা ধরণীধরঃ ।
ঋষিভিস্ত্রাসসংভ্রাংতৈস্ত্যজ্যমানঃ শিলোচ্চয়ঃ ॥ 49 ॥
সীদন্মহতি কাংতারে সার্থহীন ইবাধ্বগঃ ।
সবেগবান্ বেগসমাহিতাত্মা হরিপ্রবীরঃ পরবীরহংতা ।
মনস্সমাধায় মহানুভাবো জগাম লংকাং মনসা মনস্বী ॥ 50 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে সপ্তষষ্টিতমস্সর্গঃ ॥
