ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஸப்தஷஷ்டிதமஸ்ஸர்க:³ ।
தம் த்³ருஷ்ட்வா ஜ்ரும்ப⁴மாணம் தே க்ரமிதும் ஶதயோஜனம் ।
வீர்யேணாபூர்யமாணம் ச ஸஹஸா வானரோத்தமம் ॥ 1 ॥
ஸஹஸா ஶோகமுத்ஸ்ருஜ்ய ப்ரஹர்ஷேண ஸமன்விதா: ।
வினேது³ஸ்துஷ்டுவுஶ்சாபி ஹனூமந்தம் மஹாப³லம் ॥ 2 ॥
ப்ரஹ்ருஷ்டா விஸ்மிதாஶ்சைவ வீக்ஷந்தே ஸ்ம ஸமந்தத: ।
த்ரிவிக்ரமக்ருதோத்ஸாஹம் நாராயணமிவ ப்ரஜா: ॥ 3 ॥
ஸம்ஸ்தூயமானோ ஹனுமான்வ்யவர்த⁴த மஹாப³ல: ।
ஸமாவித்⁴ய ச லாங்கூ³லம் ஹர்ஷாத்³ப³லமுபேயிவான் ॥ 4 ॥
தஸ்ய ஸம்ஸ்தூயமானஸ்ய ஸர்வைர்வானரபுங்க³வை: ।
தேஜஸாபூர்யமாணஸ்ய ரூபமாஸீத³னுத்தமம் ॥ 5 ॥
யதா² விஜ்ரும்ப⁴தே ஸிம்ஹோ விவ்ருத்³தோ⁴ கி³ரிக³ஹ்வரே ।
மாருதஸ்யௌரஸ: புத்ரஸ்ததா² ஸம்ப்ரதி ஜ்ரும்ப⁴தே ॥ 6 ॥
அஶோப⁴த முக²ம் தஸ்ய ஜ்ரும்ப⁴மாணஸ்ய தீ⁴மத: ।
அம்ப³ரீஷமிவாதீ³ப்தம் விதூ⁴ம இவ பாவக: ॥ 7 ॥
ஹரீணாமுத்தி²தோ மத்⁴யாத்ஸம்ப்ரஹ்ருஷ்டதனூருஹ: ।
அபி⁴வாத்³ய ஹரீன்வ்ருத்³தா⁴ன்ஹனுமானித³மப்³ரவீத் ॥ 8 ॥
அருஜத்ஸர்வதாக்³ராணி ஹுதாஶனஸகோ²னில: ।
ப³லவானப்ரமேயஶ்ச வாயுராகாஶகோ³சர: ॥ 9 ॥
தஸ்யாஹம் ஶீக்⁴ரவேக³ஸ்ய ஶீக்⁴ரக³ஸ்ய மஹாத்மன: ।
மாருதஸ்யௌரஸ: புத்ர: ப்லவனேனாஸ்மி தத்ஸம: ॥ 1௦ ॥
உத்ஸஹேயம் ஹி விஸ்தீர்ணமாலிக²ந்தமிவாம்ப³ரம் ।
மேரும் கி³ரிமஸங்கே³ன பரிக³ந்தும் ஸஹஸ்ரஶ: ॥ 11 ॥
பா³ஹுவேக³ப்ரணுன்னேன ஸாக³ரேணாஹமுத்ஸஹே ।
ஸமாப்லாவயிதும் லோகம் ஸபர்வதனதீ³ஹ்ரத³ம் ॥ 12 ॥
மமோருஜங்கா⁴வேகே³ன ப⁴விஷ்யதி ஸமுத்தி²த: ।
ஸம்மூர்ச்சி²தமஹாக்³ராஹஸ்ஸமுத்³ரோ வருணாலய: ॥ 13 ॥
பன்னகா³ஶனமாகாஶே பதந்தம் பக்ஷிஸேவிதே ।
வைனதேயமஹம் ஶக்த: பரிக³ந்தும் ஸஹஸ்ரஶ: ॥ 14 ॥
உத³யாத்ப்ரஸ்தி²தம் வாபி ஜ்வலந்தம் ரஶ்மிமாலினம் ।
அனஸ்தமிதமாதி³த்யமபி⁴க³ந்தும் ஸமுத்ஸஹே ॥ 15 ॥
ததோ பூ⁴மிமஸம்ஸ்ப்ருஶ்ய புனராக³ந்துமுத்ஸஹே ।
ப்ரவேகே³னைவ மஹதா பீ⁴மேன ப்லவக³ர்ஷபா⁴: ॥ 16 ॥
உத்ஸஹேயமதிக்ராந்தும் ஸர்வானாகாஶகோ³சரான் ।
ஸாக³ரம் க்ஷோப⁴யிஷ்யாமி தா³ரயிஷ்யாமி மேதி³னீம் ॥ 17 ॥
பர்வதாம்ஶ்சூர்ணயிஷ்யாமி ப்லவமான: ப்லவங்க³மா: ।
ஹரிஷ்யாம்யூருவேகே³ன ப்லவமானோ மஹார்ணவம் ॥ 18 ॥
லதானாம் விவித⁴ம் புஷ்பம் பாத³பானாம் ச ஸர்வஶ: ।
அனுயாஸ்யந்தி மாமத்³ய ப்லவமானம் விஹாயஸா ॥ 19 ॥
ப⁴விஷ்யதி ஹி மே பந்தா²ஸ்ஸ்வாதே: பந்தா² இவாம்ப³ரே ।
சரந்தம் கோ⁴ரமாகாஶமுத்பதிஷ்யந்தமேவ வா ॥ 2௦ ॥
த்³ரக்ஷ்யந்தி நிபதிஷ்யந்தம் ச ஸர்வபூ⁴தானி வானரா: ।
மஹாமேருப்ரதீகாஶம் மாம் த்³ரக்ஷ்யத² வானரா: ॥ 21 ॥
தி³வமாவ்ருத்ய க³ச்ச²ந்தம் க்³ரஸமானமிவாம்ப³ரம் ।
வித⁴மிஷ்யாமி ஜீமூதான்கம்பயிஷ்யாமி பர்வதான் ॥ 22 ॥
ஸாக³ரம் ஶோஷயிஷ்யாமி ப்லவமானஸ்ஸமாஹித: ।
வைனதேயஸ்ய யா ஶக்திர்மம ஸா மாருதஸ்ய வா ॥ 23 ॥
ருதே ஸுபர்ணராஜானம் மாருதம் வா மஹாஜவம் ।
ந தத்³பூ⁴தம் ப்ரபஶ்யாமி யன்மாம் ப்லுதமனுவ்ரஜேத் ॥ 24 ॥
நிமேஷாந்தரமாத்ரேண நிராலம்ப³னமம்ப³ரம் ।
ஸஹஸா நிபதிஷ்யாமி க⁴னாத்³வித்³யுதி³வோத்தி²தா ॥ 25 ॥
ப⁴விஷ்யதி ஹி மே ரூபம் ப்லவமானஸ்ய ஸாக³ரே ।
விஷ்ணோர்விக்ரமமாணஸ்ய புரா த்ரீன்விக்ரமானிவ ॥ 26 ॥
பு³த்³த்⁴யா சாஹம் ப்ரபஶ்யாமி மனஶ்சேஷ்டா ச மே ததா² ।
அஹம் த்³ரக்ஷ்யாமி வைதே³ஹீம் ப்ரமோத³த்⁴வம் ப்லவங்க³மா: ॥ 27 ॥
மாருதஸ்ய ஸமோ வேகே³ க³ருட³ஸ்ய ஸமோ ஜவே ।
அயுதம் யோஜனானாம் து க³மிஷ்யாமீதி மே மதி: ॥ 28 ॥
வாஸவஸ்ய ஸவஜ்ரஸ்ய ப்³ரஹ்மணோ வா ஸ்வயம்பு⁴வ: ।
விக்ரம்ய ஸஹஸா ஹஸ்தாத³ம்ருதம் ததி³ஹானயே ॥ 29 ॥
லங்காம் வாபி ஸமுத்க்ஷிப்ய க³ச்சே²யமிதி மே மதி: ।
தமேவம் வானரஶ்ரேஷ்ட²ம் க³ர்ஜந்தமமிதௌஜஸம் ॥ 3௦ ॥
ப்ரஹ்ருஷ்டா ஹரயஸ்தத்ர ஸமுதை³க்ஷந்த விஸ்மிதா: ।
தஸ்ய தத்³வசனம் ஶ்ருத்வா ஜ்ஞாதீனாம் ஶோகனாஶனம் ॥ 31 ॥
உவாச பரிஸம்ஹ்ருஷ்டோ ஜாம்ப³வான்ஹரிஸத்தம: ।
வீர கேஸரிண: புத்ர ஹனுமான்மாருதாத்மஜ ॥ 32 ॥
ஜ்ஞாதீனாம் விபுலஶ்ஶோகஸ்த்வயா தாத ப்ரணாஶித: ।
தவ கல்யாணருசய: கபிமுக்²யாஸ்ஸமாக³தா: ॥ 33 ॥
மங்க³லம் கார்யஸித்³த்⁴யர்த²ம் கரிஷ்யந்தி ஸமாஹிதா: ।
ருஷீணாம் ச ப்ரஸாதே³ன கபிவ்ருத்³த⁴மதேன ச ॥ 34 ॥
கு³ரூணாம் ச ப்ரஸாதே³ன ப்லவஸ்வ த்வம் மஹார்ணவம் ।
ஸ்தா²ஸ்யாமஶ்சைகபாதே³ன யாவதா³க³மனம் தவ ॥ 35 ॥
த்வத்³க³தானி ச ஸர்வேஷாம் ஜீவனானி வனௌகஸாம் ।
ததஸ்து ஹரிஶார்தூ³லஸ்தானுவாச வனௌகஸ: ॥ 36 ॥
நேயம் மம மஹீ வேக³ம் லங்க⁴னே தா⁴ரயிஷ்யதி ।
ஏதானீஹ நக³ஸ்யாஸ்ய ஶிலாஸங்கடஶாலின: ॥ 37 ॥
ஶிக²ராணி மஹேந்த்³ரஸ்ய ஸ்தி²ராணி ஸுமஹாந்தி ச ।
ஏஷு வேக³ம் கரிஷ்யாமி மஹேந்த்³ரஶிக²ரேஷ்வஹம் ॥ 38 ॥
நானாத்³ருமவிகீர்ணேஷு தா⁴துனிஷ்யந்த³ஶோபி⁴ஷு ।
ஏதானி மம நிஷ்பேஷம் பாத³யோ: ப்லவதாம் வரா: ॥ 39 ॥
ப்லவதோ தா⁴ரயிஷ்யந்தி யோஜனானாமிதஶ்ஶதம் ।
ததஸ்தம் மாருதப்ரக்²யஸ்ஸஹரிர்மாருதாத்மஜ: ॥ 4௦ ॥
ஆருரோஹ நக³ஶ்ரேஷ்ட²ம் மஹேந்த்³ரமரிமர்த³ன: ।
வ்ருதம் நானாவிதை⁴: வ்ருக்ஷைர்ம்ருக³ஸேவிதஶாத்³வலம் ॥ 41 ॥
லதாகுஸுமஸம்பா³த⁴ம் நித்யபுஷ்பப²லத்³ருமம் ।
ஸிம்ஹஶார்தூ³லசரிதம் மத்தமாதங்க³ஸேவிதம் ॥ 42 ॥
மத்தத்³விஜக³ணோத்³கு⁴ஷ்டம் ஸலிலோத்பீட³ஸங்குலம் ।
மஹத்³பி⁴ருச்ச்²ரிதம் ஶ்ருங்கை³ர்மஹேந்த்³ரம் ஸ மஹாப³ல: ॥ 43 ॥
விசசார ஹரிஶ்ரேஷ்டோ² மஹேந்த்³ரஸமவிக்ரம: ।
பாதா³ப்⁴யாம் பீடி³தஸ்தேன மஹாஶைலோ மஹாத்மனா ॥ 44 ॥
ரராஜ ஸிம்ஹாபி⁴ஹதோ மஹான்மத்த இவ த்³விப: ।
முமோச ஸலிலோத்பீடா³ன்விப்ரகீர்ணஶிலோச்சய: ॥ 45 ॥
வித்ரஸ்தம்ருக³மாதங்க:³ ப்ரகம்பிதமஹாத்³ரும: ।
நானாக³ந்த⁴ர்வமிது²னை: பானஸம்ஸர்க³கர்கஶை: ॥ 46 ॥
உத்பதத்³பி⁴ஶ்ச விஹகை³ர்வித்³யாத⁴ரக³ணைரபி ।
த்யஜ்யமானமஹாஸானுஸ்ஸன்னிலீனமஹோரக:³ ॥ 47 ॥
சலஶ்ருங்க³ஶிலோத்³கா⁴தஸ்ததா³பூ⁴த்ஸ மஹாகி³ரி: ।
நிஶ்ஶ்வஸத்³பி⁴ஸ்ததா³ர்தைஸ்து பு⁴ஜங்கை³ரர்த⁴னி:ஸ்ருதை: ॥ 48 ॥
ஸபதாக இவாபா⁴தி ஸ ததா³ த⁴ரணீத⁴ர: ।
ருஷிபி⁴ஸ்த்ராஸஸம்ப்⁴ராந்தைஸ்த்யஜ்யமான: ஶிலோச்சய: ॥ 49 ॥
ஸீத³ன்மஹதி காந்தாரே ஸார்த²ஹீன இவாத்⁴வக:³ ।
ஸவேக³வான் வேக³ஸமாஹிதாத்மா ஹரிப்ரவீர: பரவீரஹந்தா ।
மனஸ்ஸமாதா⁴ய மஹானுபா⁴வோ ஜகா³ம லங்காம் மனஸா மனஸ்வீ ॥ 5௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஸப்தஷஷ்டிதமஸ்ஸர்க:³ ॥
