শ্রীমদ্বাল্মীকীয় রামাযণে সুংদরকাংডম্ ।
অথ চতুর্দশস্সর্গঃ ।
স মুহূর্তমিব ধ্য়াত্বা মনসা চাধিগম্য় তাম্ ।
অবপ্লুতো মহাতেজাঃ প্রাকারং তস্য় বেশ্মনঃ ॥ 1 ॥
স তু সংহৃষ্টসর্বাংগঃ প্রাকারস্থো মহাকপিঃ ।
পুষ্পিতাগ্রান্বসংতাদৌ দদর্শ বিবিধান্ দ্রুমান্ ॥ 2 ॥
সালানশোকান্ ভব্য়াংশ্চ চংপকাংশ্চ সুপুষ্পিতান্ ।
উদ্দালকান্নাগবৃক্ষাংশ্চূতান্কপিমুখানপি ॥ 3 ॥
অথাম্রবণসংছন্নাং লতাশতসমাবৃতাম্ ।
জ্য়ামুক্ত ইব নারাচঃ পুপ্লুবে বৃক্ষবাটিকাম্ ॥ 4 ॥
স প্রবিশ্য় বিচিত্রাং তাং বিহগৈরভিনাদিতাম্ ।
রাজতৈঃ কাংচনৈশ্চৈব পাদপৈঃ সর্বতো বৃতাম্ ॥ 5 ॥
বিহগৈর্মৃগসংঘৈশ্চ বিচিত্রাং চিত্রকাননাম্ ।
উদিতাদিত্যসংকাশাং দদর্শ হনুমান্ কপিঃ ॥ 6 ॥
বৃতাং নানাবিধৈর্বৃক্ষৈঃ পুষ্পোপগফলোপগৈঃ ।
কোকিলৈর্ভৃংগরাজৈশ্চ মত্তৈর্নিত্যনিষেবিতাম্ ॥ 7 ॥
প্রহৃষ্টমনুজে কালে মৃগপক্ষিসমাকুলে ।
মত্তবর্হিণসংঘুষ্টাং নানাদ্বিজগণায়ুতাম্ ॥ 8 ॥
মার্গমাণো বরারোহাং রাজপুত্রীমনিংদিতাম্ ।
সুখপ্রসুপ্তান্বিহগান্ বোধয়ামাস বানরঃ ॥ 9 ॥
উত্পতদ্ভির্দ্বিজগণৈঃ পক্ষৈঃ সালাস্সমাহতাঃ ।
অনেকবর্ণা বিবিধা মুমুচুঃ পুষ্পবৃষ্টয়ঃ ॥ 10 ॥
পুষ্পাবকীর্ণশ্শুশুভে হনুমান্ মারুতাত্মজঃ ।
অশোকবনিকামধ্য়ে যথা পুষ্পময়ো গিরিঃ ॥ 11 ॥
দিশস্সর্বাঃ প্রধাবংতং বৃক্ষষংডগতং কপিম্ ।
দৃষ্ট্বা সর্বাণি ভূতানি বসংত ইতি মেনিরে ॥ 12 ॥
বৃক্ষেভ্য়ঃ পতিতৈঃ পুষ্পৈরবকীর্ণা পৃথগ্বিদৈঃ ।
ররাজ বৃক্ষেভ্য়ঃ তত্র প্রমদেব বিভূষিতা ॥ 13 ॥
তরস্বিনা তে তরবস্তরসাভিপ্রকংপিতাঃ ।
কুসুমানি বিচিত্রাণি সসৃজুঃ কপিনা তদা ॥ 14 ॥
নির্ধূতপত্রশিখরাঃ শীর্ণপুষ্পফলা দ্রুমাঃ ।
নিক্ষিপ্তবস্ত্রাভরণা ধূর্তা ইব পরাজিতাঃ ॥ 15 ॥
হনূমতা বেগবতা কংপিতাস্তে নগোত্তমাঃ ।
পুষ্পপর্ণফলান্য়াশু মুমুচুঃ পুষ্পশালিনঃ ॥ 16 ॥
বিহংগসংঘৈর্হীনাস্তে স্কংধমাত্রাশ্রয়া দ্রুমাঃ ।
বভূবুরগমাঃ সর্বে মারুতেব নির্ধুতাঃ ॥ 17 ॥
নির্ধূতকেশী যুবতির্যথা মৃদিতবর্ণকা ।
নিষ্পীতশুভদংতোষ্ঠী নখৈর্দংতৈশ্চ বিক্ষতা ॥ 18 ॥
তথা লাংগূলহস্তৈশ্চ চরণাভ্য়াং চ মর্দিতা ।
বভূবাশোকবনিকা প্রভগ্নবরপাদপা ॥ 19 ॥
মহালতানাং দামানি ব্যথমত্তরসা কপিঃ ।
যথা প্রাবৃষি বিংধ্যস্য় মেঘজালানি মারুতঃ ॥ 20 ॥
স তত্র মণিভূমীশ্চ রাজতীশ্চ মনোরমাঃ ।
তথা কাংচনভূমীশ্চ দদর্শ বিচরন্কপিঃ ॥ 21 ॥
বাপীশ্চ বিবিধাকারাঃ পূর্ণাঃ পরমবারিণা ।
মহার্হৈর্মণিসোপানৈরুপপন্নাস্ততস্ততঃ ॥ 22 ॥
মুক্তাপ্রবালসিকতাঃ স্ফাটিকাংতরকুট্টিমাঃ ।
কাংচনৈস্তরুভিশ্চিত্রৈস্তীরজৈরুপশোভিতাঃ ॥ 23 ॥
ফুল্লপদ্মোত্পলবনাশ্চক্রবাকোপকূজিতাঃ ।
নত্য়ূহরুতসংঘুষ্টা হংসসারসনাদিতাঃ ॥ 24 ॥
দীর্ঘাভির্দ্রুময়ুক্তাভিঃ সরদ্ভিশ্চ সমংততঃ ।
অমৃতোপমতোয়াভিশ্শিবাভিরুপসংস্কৃতাঃ ॥ 25 ॥
লতাশতৈরবততাস্সংতানকুসুমাবৃতাঃ ।
নানাগুল্মাবৃতঘনাঃ করবীরকৃতাংতরাঃ ॥ 26 ॥
বাপীশ্চ বিবিধাকারাঃ পূর্ণাঃ পরমবারিণা ।
মহার্হৈর্মণিসোপানৈরুপপন্নাস্ততস্ততঃ ॥ 27 ॥
মুক্তাপ্রবালসিকতাঃ স্ফাটিকাংতরকুট্টিমাঃ ।
কাংচনৈস্তরুভিশ্চিত্রৈস্তীরজৈরুপশোভিতৈঃ ॥ 28 ॥
ফুল্লপদ্মোত্পলবনাশ্চক্রবাকোপকূজিতাঃ ।
নত্য়ূহরুতসংঘুষ্টা হংসসারসনাদিতাঃ ॥ 29 ॥
দীর্ঘাভির্দ্রুময়ুক্তাভিঃ সরদ্ভিশ্চ সমংততঃ ।
অমৃতোপমতোয়াভিশ্শিবাভিরুপসংস্কৃতাঃ ॥ 30 ॥
লতাশতৈরবততাস্সংতানকুসুমাবৃতাঃ ।
নানাগুল্মাবৃতঘনাঃ করবীরকৃতাংতরাঃ ॥ 31 ॥
ততোঽংবুধরসংকাশং প্রবৃদ্ধশিখরং গিরিম্ ।
বিচিত্রকূটং কূটৈশ্চ সর্বতঃ পরিবারিতম্ ॥ 32 ॥
শিলাগৃহৈরবততং নানাবৃক্ষৈঃ সমাবৃতম্ ।
দদর্শ হরিশার্দূলো রম্য়ং জগতি পর্বতম্ ॥ 33 ॥
দদর্শ চ নগাত্তস্মান্নদীং নিপতিতাং কপিঃ ।
অংকাদিব সমুত্পত্য় প্রিযস্য় পতিতাং প্রিয়াম্ ॥ 34 ॥
জলে নিপতিতাগ্রৈশ্চ পাদপৈরুপশোভিতাম্ ।
বার্যমাণামিব ক্রুদ্ধাং প্রমদাং প্রিযবংধুভিঃ ॥ 35 ॥
পুনরাবৃত্ততোয়াং চ দদর্শ স মহাকপিঃ ।
প্রসন্নামিব কাংতস্য় কাংতাং পুনরুপস্থিতাম্ ॥ 36 ॥
তস্য়া দূরাত্সপদ্মিন্য়ো নানাদ্বিজগণায়ুতাঃ ।
দদর্শ হরিশার্দূলো হনুমান্ মারুতাত্মজঃ ॥ 37 ॥
কৃত্রিমাং দীর্ঘিকাং চাপি পূর্ণাং শীতেন বারিণা ।
মণিপ্রবরসোপানাং মুক্তাসিকতশোভিতাম্ ॥ 38 ॥
বিবিধৈর্মৃগসংঘৈশ্চ বিচিত্রাং চিত্রকাননাম্ ।
প্রাসাদৈস্সুমহদ্ভিশ্চ নির্মিতৈর্বিশ্বকর্মণা ॥ 39 ॥
কাননৈঃ কৃত্রিমৈশ্চাপি সর্বতঃ সমলংকৃতাম্ ।
যে কেচিত্পাদপাস্তত্র পুষ্পোপগফলোপগাঃ ॥ 40 ॥
সচ্ছত্রাস্সবিতর্দীকাস্সর্বে সৌবর্ণবৈদিকাঃ ।
লতাপ্রতানৈর্বহুভিঃপর্ণৈশ্চ বহুভির্বৃতাম্ ॥ 41 ॥
কাংচনীং শিংশুপামেকাং দদর্শ হরিয়ূথপঃ ।
বৃতাং হেমময়ীভিস্তু বেদিকাভিস্সমংততঃ ॥ 42 ॥
সোঽপশ্যদ্ভূমিভাগাংশ্চ গর্তপ্রস্রবণানি চ ।
সুবর্ণবৃক্ষানপরান্ দদর্শ শিখিসন্নিভান্ ॥ 43 ॥
তেষাং দ্রুমাণাং প্রভয়া মেরোরিব দিবাকরঃ ।
অমন্যত তদা বীরঃ কাংচনোঽস্মীতি বানরঃ ॥ 44 ॥
তাং কাংচনৈস্তরুগণৈর্মারুতেন চ বীজিতাম্ ।
কিংকিণীশতনির্ঘোষাং দৃষ্ট্বা বিস্মযমাগমত্ ॥ 45 ॥
স পুষ্পিতাগ্রাং রুচিরাং তরুণাংকুরপল্লবাম্ ।
তামারুহ্য় মহাবাহুশ্শিংশুপাং পর্ণসংবৃতাম্ ॥ 46 ॥
ইতো দ্রক্ষ্য়ামি বৈদেহীং রামদর্শনলালসাম্ ।
ইতশ্চেতশ্চ দুঃখার্তাং সংপতংতীং যদৃচ্ছয়া ॥ 47 ॥
অশোকবনিকা চেয়ং দৃঢং রম্য়া দুরাত্মনঃ ।
চংপকৈশ্চংদনৈশ্চাপি বকুলৈশ্চ বিভূষিতা ॥ 48 ॥
ইয়ং চ নলিনী রম্য়া দ্বিজসংঘনিষেবিতা ।
ইমাং সা রামমহিষী নূনমেষ্যতি জানকী ॥ 49 ॥
সা রামা রামমহিষী রাঘবস্য় প্রিয়া সতী ।
বনসংচারকুশলা নূনমেষ্যতি জানকী ॥ 50 ॥
অথবা মৃগশাবাক্ষী বনস্য়াস্য় বিচক্ষণা ।
বনমেষ্যতি সাঽর্য়েহ রামচিংতানুকর্শিতা ॥ 51 ॥
রামশোকাভিসংতপ্তা সা দেবী বামলোচনা ।
বনবাসে রতা নিত্যমেষ্যতে বনচারিণী ॥ 52 ॥
বনেচরাণাং সততং নূনং স্পৃহযতে পুরা ।
রামস্য় দয়িতা ভার্য়া জনকস্যসুতা সতী ॥ 53 ॥
সংধ্য়াকালমনাঃ শ্য়ামা ধ্রুবমেষ্যতি জানকী ।
নদীং চেমাং শুভজলাং সংধ্য়ার্থে বরবর্ণিনী ॥ 54 ॥
তস্য়াশ্চাপ্যনুরূপেযমশোকবনিকা শুভা ।
শুভা যা পার্থিবেংদ্রস্য় পত্নী রামস্য় সম্মতা ॥ 55 ॥
যদি জীবতি সা দেবী তারাধিপনিভাননা ।
আগমিষ্যতি সাঽবশ্যমিমাং শিবজলাং নদীম্ ॥ 56 ॥
এবং তু মত্বা হনুমান্মহাত্মা প্রতীক্ষমাণো মনুজেংদ্রপত্নীম্ ।
অবেক্ষমাণশ্চ দদর্শ সর্বং সুপুষ্পিতে পর্ণঘনে নিলীনঃ ॥ 57 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে চতুর্দশস্সর্গঃ ॥
