শ্রীমদ্বাল্মীকীয় রামাযণে সুংদরকাংডম্ ।
অথ পংচদশস্সর্গঃ ।
স বীক্ষমাণস্তত্রস্থো মার্গমাণশ্চ মৈথিলীম্ ।
অবেক্ষমাণশ্চ মহীং সর্বাং তামন্ববৈক্ষত ॥ 1 ॥
সংতানকলতাভিশ্চ পাদপৈরুপশোভিতাম্ ।
দিব্যগংধরসোপেতাং সর্বতস্সমলংকৃতাম্ ॥ 2 ॥
তাং স নংদনসংকাশাং মৃগপক্ষিভিরাবৃতাম্ ।
হর্ম্যপ্রাসাদসংবাধাং কোকিলাকুলনিস্স্বনাম্ ॥ 3 ॥
কাংচনোত্পলপদ্মাভির্বাপীভিরুপশোভিতাম্ ।
বহ্বাসনকুথোপেতাং বহুভূমিগৃহায়ুতাম্ ॥ 4 ॥
সর্বর্তুকুসুমৈ রম্য়াং ফলবদ্ভিশ্চ পাদপৈঃ ।
পুষ্পিতানামশোকানাং শ্রিয়া সূর্য়োদযপ্রভাম্ ॥ 5 ॥
প্রদীপ্তামিব তত্রস্থো মারুতিস্সমুদৈক্ষত ।
নিষ্পত্রশাখাং বিহগৈঃ ক্রিযমাণামিবাসকৃত্ ॥ 6 ॥
বিনিষ্পতদ্ভিঃ শতশশ্চিত্রৈঃ পুষ্পাবতংসকৈঃ ।
আমূলপুষ্পনিচিতৈরশোকৈশ্শোকনাশনৈঃ ॥ 7 ॥
পুষ্পভারাতিভারৈশ্চ স্পৃশদ্ভিরিব মেদিনীম্ ।
কর্ণিকারৈঃ কুসুমিতৈঃ কিংশুকৈশ্চ সুপুষ্পিতৈঃ ॥ 8 ॥
স দেশঃ প্রভয়া তেষাং প্রদীপ্ত ইব সর্বতঃ ।
পুন্নাগাস্সপ্তপর্ণাশ্চ চংপকোদ্দালকাস্তথা ॥ 9 ॥
বিবৃদ্ধমূলা বহবশ্শোভংতে স্ম সুপুষ্পিতাঃ ।
শাতকুংভনিভাঃ কেচিত্কেচিদগ্নিশিখোপমাঃ ॥ 10 ॥
নীলাংজননিভাঃ কেচিত্তত্রাশোকাস্সহস্রশঃ ।
নংদনং বিবিধোদ্য়ানং চিত্রং চৈত্ররথং যথা ॥ 11 ॥
অতিবৃত্তমিবাচিংত্য়ং দিব্য়ং রম্য়ং শ্রিয়া বৃতম্ ।
বিতীযমিব চাকাশং পুষ্পজ্য়োতির্গণায়ুতম্ ॥ 12 ॥
পুষ্পরত্নশতৈশ্চিত্রং দ্বিতীয়ং সাগরং যথা ।
সর্বর্তুপুষ্পৈর্নিচিতং পাদপৈর্মধুগংধিভিঃ ॥ 13 ॥
নানানিনাদৈরুদ্য়ানং রম্য়ং মৃগগণৈর্দ্বিজৈঃ ।
অনেকগংধপ্রবহং পুণ্যগংধং মনোরমম্ ॥ 14 ॥
শৈলেংদ্রমিব গংধাঢ্য়ং দ্বিতীয়ং গংধমাদনম্ ।
অশোকবনিকায়াং তু তস্য়াং বানরপুংগবঃ ॥ 15 ॥
স দদর্শাবিদূরস্থং চৈত্যপ্রাসাদমুচ্ছ্রিতম্ ।
মথ্য়ে স্তংভসহস্রেণ স্থিতং কৈলাসপাংডুরম্ ॥ 16 ॥
প্রবালকৃতসোপানং তপ্তকাংচনবেদিকম্ ।
মুষ্ণংতমিব চক্ষূংষি দ্য়োতমানমিব শ্রিয়া ॥ 17 ॥
বিমলং প্রাংশুভাবত্বাদুল্লিখংতমিবাংবরম্ ।
ততো মলিনসংবীতাং রাক্ষসীভিস্সমাবৃতাম্ ॥ 18 ॥
উপবাসকৃশাং দীনাং নিশ্শ্বসংতীং পুনঃ পুনঃ ।
দদর্শ শুক্লপক্ষাদৌ চংদ্ররেখামিবামলাম্ ॥ 19 ॥
মংদপ্রখ্য়াযমানেন রূপেণ রুচিরপ্রভাম্ ।
পিনদ্ধাং ধূমজালেন শিখামিব বিভাবসোঃ ॥ 20 ॥
পীতেনৈকেন সংবীতাং ক্লিষ্টেনোত্তমবাসসা ।
সপংকামনলংকারাং বিপদ্মামিব পদ্মিনীম্ ॥ 21 ॥
ব্রীডিতাং দুঃখসংতপ্তাং পরিম্লানাং তপস্বিনীম্ ।
গ্রহেণাংগারকেণেব পীডিতামিব রোহিণীম্ ॥ 22 ॥
অশ্রুপূর্ণমুখীং দীনাং কৃশামনশনেন চ ।
শোকধ্য়ানপরাং দীনাং নিত্য়ং দুঃখপরাযণাম্ ॥ 23 ॥
প্রিয়ং জনমপশ্য়ংতীং পশ্য়ংতীং রাক্ষসীগণম্ ।
স্বগণেন মৃগীং হীনাং শ্বগণাভিবৃতামিব ॥ 24 ॥
নীলনাগাভয়া বেণ্য়া জঘনং গতয়ৈকয়া ।
নীলয়া নীরদাপায়ে বনরাজ্য়া মহীমিব ॥ 25 ॥
সুখার্হাং দুঃখসংতপ্তাং ব্যসনানামকোবিদাম্ ।
তাং সমীক্ষ্য় বিশালাক্ষীমধিকং মলিনাং কৃশাম্ ॥ 26 ॥
তর্কয়ামাস সীতেতি কারণৈরুপপাদিভিঃ ।
হ্রিযমাণা তদা তেন রক্ষসা কামরূপিণা ॥ 27 ॥
যথারূপা হি দৃষ্টা বৈ তথারূপেযমংগনা ।
পূর্ণচংদ্রাননাং সুভ্রূং চারুবৃত্তপয়োধরাম্ ॥ 28 ॥
কুর্বতীং প্রভয়াদেবীং সর্বা বিতিমিরা দিশঃ ।
তাং নীলকেশীং বিংবোষ্ঠীং সুমধ্য়াং সুপ্রতিষ্ঠিতাম্ ॥ 29 ॥
সীতাং পদ্মপলাশাক্ষীং মন্মথস্য় রতিং যথা ।
ইষ্টাং সর্বস্য় জগতঃ পূর্ণচংদ্রপ্রভামিব ॥ 30 ॥
ভূমৌ সুতনুমাসীনাং নিযতামিব তাপসীম্ ।
নিঃশ্বাসবহুলাং ভীরুং ভুজগেংদ্রবধূমিব ॥ 31 ॥
শোকজালেন মহতা বিততেন ন রাজতীম্ ।
সংসক্তাং ধূমজালেন শিখামিব বিভাবসোঃ ॥ 32 ॥
তাং স্মৃতীমিব সংদিগ্ধামৃদ্ধিং নিপতিতামিব ।
বিহতামিব চ শ্রদ্ধামাশাং প্রতিহতামিব ॥ 33 ॥
সোপসর্গাং যথা সিদ্ধিং বুদ্ধিং সকলুষামিব ।
অভূতেনাপবাদেন কীর্তিং নিপতিতামিব ॥ 34 ॥
রামোপরোধব্যথিতাং রক্ষোহরণকর্শিতাম্ ।
অবলাং মৃগশাবাক্ষীং বীক্ষমাণাং ততস্ততঃ ॥ 35 ॥
বাষ্পাংবুপরিপূর্ণেন কৃষ্ণবক্রাক্ষিপক্ষ্মণা ।
বদনেনাপ্রসন্নেন নিঃশ্বসংতীং পুনঃ পুনঃ ॥ 36 ॥
মলপংকধরাং দীনাং মংডনার্হামমংডিতাম্ ।
প্রভাং নক্ষত্ররাজস্য় কালমেঘৈরিবাবৃতাম্ ॥ 37 ॥
তস্য় সংদিদিহে বুদ্ধির্মুহুঃ সীতাং নিরীক্ষ্য় তু ।
আম্নায়ানাময়োগেন বিদ্য়াং প্রশিথিলামিব ॥ 38 ॥
দুঃখেন বুবুধে সীতাং হনুমাননলংকৃতাম্ ।
সংস্কারেণ যথা হীনাং বাচমর্থাংতরং গতাম্ ॥ 39 ॥
তাং সমীক্ষয় বিশালাক্ষীং রাজপুত্রীমনিংদিতাম্ ।
তর্কয়ামাস সীতেতি কারণৈরুপপাদিভিঃ ॥ 40 ॥
বৈদেহ্য়া যানি চাংগেষু তদা রামোঽন্বকীর্তযত্ ।
তান্য়াভরণজালানি গাত্রশোভীন্যলক্ষযত্ ॥ 41 ॥
সুকৃতৌ কর্ণবেষ্টৌ চ শ্বদংষ্ট্রৌ চ সুসংস্থিতৌ ।
মণিবিদ্রুমচিত্রাণি হস্তেষ্বাভরণানি চ ॥ 42 ॥
শ্য়ামানি চিরয়ুক্তত্বাত্তথা সংস্থানবংতি চ ।
তান্য়ৈবেতানি মন্য়েঽহং যানি রামোঽন্বকীর্তযত্ ॥ 43 ॥
তত্র যান্যবহীনানি তান্যহং নোপলক্ষয়ে ।
যান্যস্য়া নাবহীনানি তানীমানি ন সংশয়ঃ ॥ 44 ॥
পীতং কনকপট্টাভং স্রস্তং তদ্বসনং শুভম্ ।
উত্তরীয়ং নগাসক্তং তদা দৃষ্টং প্লবংগমৈঃ ॥ 45 ॥
ভূষণানি চ মুখ্য়ানি দৃষ্টানি ধরণীতলে ।
অনয়ৈবাপবিদ্ধানি স্বনবংতি মহাংতি চ ॥ 46 ॥
ইদং চিরগৃহীতত্বাদ্বসনং ক্লিষ্টবত্তরম্ ।
তথাঽপি নূনং তদ্বর্ণং তথা শ্রীমদ্যথেতরত্ ॥ 47 ॥
ইয়ং কনকবর্ণাংগী রামস্য় মহিষী প্রিয়া ।
প্রণষ্টাপি সতী যাঽস্য় মনসো ন প্রণশ্যতি ॥ 48 ॥
ইয়ং সা যত্কৃতে রামশ্চতুর্ভিঃ পরিতপ্যতে ।
কারুণ্য়েনানৃশংস্য়েন শোকেন মদনেন চ ॥ 49 ॥
স্ত্রী প্রণষ্টেতি কারুণ্য়াদাশ্রিতেত্য়ানৃশংস্যতঃ ।
পত্নী নষ্টেতি শোকেন প্রিয়েতি মদনেন চ ॥ 50 ॥
অস্য়া দেব্য়া যথা রূপমংগপ্রত্য়ংগসৌষ্ঠবম্ ।
রামস্য় চ যথা রূপং তস্য়েযমসিতেক্ষণা ॥ 51 ॥
অস্য়া দেব্য়া মনস্তস্মিংস্তস্য় চাস্য়াং প্রতিষ্ঠিতম্ ।
তেনেয়ং স চ ধর্মাত্মা মুহূর্তমপি জীবতি ॥ 52 ॥
দুষ্করং কৃতবান্রামো হীনো যদনয়া প্রভুঃ ।
ধারযত্য়াত্মনো দেহং ন শোকেনাবসীদতি ॥ 53 ॥
দুষ্করং কুরুতে রামো য ইমাং মত্তকাশিনীম্ ।
সীতাং বিনা মহাবাহুর্মুহূর্তমপি জীবতি ॥ 54 ॥
এবং সীতাং তদা দৃষ্ট্বা হৃষ্টঃ পবনসংভবঃ ।
জগাম মনসা রামং প্রশশংস চ তং প্রভুম্ ॥ 55 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে পংচদশস্সর্গঃ ॥
