ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² பஞ்சத³ஶஸ்ஸர்க:³ ।
ஸ வீக்ஷமாணஸ்தத்ரஸ்தோ² மார்க³மாணஶ்ச மைதி²லீம் ।
அவேக்ஷமாணஶ்ச மஹீம் ஸர்வாம் தாமன்வவைக்ஷத ॥ 1 ॥
ஸந்தானகலதாபி⁴ஶ்ச பாத³பைருபஶோபி⁴தாம் ।
தி³வ்யக³ந்த⁴ரஸோபேதாம் ஸர்வதஸ்ஸமலங்க்ருதாம் ॥ 2 ॥
தாம் ஸ நந்த³னஸங்காஶாம் ம்ருக³பக்ஷிபி⁴ராவ்ருதாம் ।
ஹர்ம்யப்ராஸாத³ஸம்பா³தா⁴ம் கோகிலாகுலனிஸ்ஸ்வனாம் ॥ 3 ॥
காஞ்சனோத்பலபத்³மாபி⁴ர்வாபீபி⁴ருபஶோபி⁴தாம் ।
ப³ஹ்வாஸனகுதோ²பேதாம் ப³ஹுபூ⁴மிக்³ருஹாயுதாம் ॥ 4 ॥
ஸர்வர்துகுஸுமை ரம்யாம் ப²லவத்³பி⁴ஶ்ச பாத³பை: ।
புஷ்பிதானாமஶோகானாம் ஶ்ரியா ஸூர்யோத³யப்ரபா⁴ம் ॥ 5 ॥
ப்ரதீ³ப்தாமிவ தத்ரஸ்தோ² மாருதிஸ்ஸமுதை³க்ஷத ।
நிஷ்பத்ரஶாகா²ம் விஹகை³: க்ரியமாணாமிவாஸக்ருத் ॥ 6 ॥
வினிஷ்பதத்³பி⁴: ஶதஶஶ்சித்ரை: புஷ்பாவதம்ஸகை: ।
ஆமூலபுஷ்பனிசிதைரஶோகைஶ்ஶோகனாஶனை: ॥ 7 ॥
புஷ்பபா⁴ராதிபா⁴ரைஶ்ச ஸ்ப்ருஶத்³பி⁴ரிவ மேதி³னீம் ।
கர்ணிகாரை: குஸுமிதை: கிம்ஶுகைஶ்ச ஸுபுஷ்பிதை: ॥ 8 ॥
ஸ தே³ஶ: ப்ரப⁴யா தேஷாம் ப்ரதீ³ப்த இவ ஸர்வத: ।
புன்னாகா³ஸ்ஸப்தபர்ணாஶ்ச சம்பகோத்³தா³லகாஸ்ததா² ॥ 9 ॥
விவ்ருத்³த⁴மூலா ப³ஹவஶ்ஶோப⁴ந்தே ஸ்ம ஸுபுஷ்பிதா: ।
ஶாதகும்ப⁴னிபா⁴: கேசித்கேசித³க்³னிஶிகோ²பமா: ॥ 1௦ ॥
நீலாஞ்ஜனநிபா⁴: கேசித்தத்ராஶோகாஸ்ஸஹஸ்ரஶ: ।
நந்த³னம் விவிதோ⁴த்³யானம் சித்ரம் சைத்ரரத²ம் யதா² ॥ 11 ॥
அதிவ்ருத்தமிவாசிந்த்யம் தி³வ்யம் ரம்யம் ஶ்ரியா வ்ருதம் ।
விதீயமிவ சாகாஶம் புஷ்பஜ்யோதிர்க³ணாயுதம் ॥ 12 ॥
புஷ்பரத்னஶதைஶ்சித்ரம் த்³விதீயம் ஸாக³ரம் யதா² ।
ஸர்வர்துபுஷ்பைர்னிசிதம் பாத³பைர்மது⁴க³ந்தி⁴பி⁴: ॥ 13 ॥
நானானினாதை³ருத்³யானம் ரம்யம் ம்ருக³க³ணைர்த்³விஜை: ।
அனேகக³ந்த⁴ப்ரவஹம் புண்யக³ந்த⁴ம் மனோரமம் ॥ 14 ॥
ஶைலேந்த்³ரமிவ க³ந்தா⁴ட்⁴யம் த்³விதீயம் க³ந்த⁴மாத³னம் ।
அஶோகவனிகாயாம் து தஸ்யாம் வானரபுங்க³வ: ॥ 15 ॥
ஸ த³த³ர்ஶாவிதூ³ரஸ்த²ம் சைத்யப்ராஸாத³முச்ச்²ரிதம் ।
மத்²யே ஸ்தம்ப⁴ஸஹஸ்ரேண ஸ்தி²தம் கைலாஸபாண்டு³ரம் ॥ 16 ॥
ப்ரவாலக்ருதஸோபானம் தப்தகாஞ்சனவேதி³கம் ।
முஷ்ணந்தமிவ சக்ஷூம்ஷி த்³யோதமானமிவ ஶ்ரியா ॥ 17 ॥
விமலம் ப்ராம்ஶுபா⁴வத்வாது³ல்லிக²ந்தமிவாம்ப³ரம் ।
ததோ மலினஸம்வீதாம் ராக்ஷஸீபி⁴ஸ்ஸமாவ்ருதாம் ॥ 18 ॥
உபவாஸக்ருஶாம் தீ³னாம் நிஶ்ஶ்வஸந்தீம் புன: புன: ।
த³த³ர்ஶ ஶுக்லபக்ஷாதௌ³ சந்த்³ரரேகா²மிவாமலாம் ॥ 19 ॥
மந்த³ப்ரக்²யாயமானேன ரூபேண ருசிரப்ரபா⁴ம் ।
பினத்³தா⁴ம் தூ⁴மஜாலேன ஶிகா²மிவ விபா⁴வஸோ: ॥ 2௦ ॥
பீதேனைகேன ஸம்வீதாம் க்லிஷ்டேனோத்தமவாஸஸா ।
ஸபங்காமனலங்காராம் விபத்³மாமிவ பத்³மினீம் ॥ 21 ॥
வ்ரீடி³தாம் து³:க²ஸந்தப்தாம் பரிம்லானாம் தபஸ்வினீம் ।
க்³ரஹேணாங்கா³ரகேணேவ பீடி³தாமிவ ரோஹிணீம் ॥ 22 ॥
அஶ்ருபூர்ணமுகீ²ம் தீ³னாம் க்ருஶாமனஶனேன ச ।
ஶோகத்⁴யானபராம் தீ³னாம் நித்யம் து³:க²பராயணாம் ॥ 23 ॥
ப்ரியம் ஜனமபஶ்யந்தீம் பஶ்யந்தீம் ராக்ஷஸீக³ணம் ।
ஸ்வக³ணேன ம்ருகீ³ம் ஹீனாம் ஶ்வக³ணாபி⁴வ்ருதாமிவ ॥ 24 ॥
நீலனாகா³ப⁴யா வேண்யா ஜக⁴னம் க³தயைகயா ।
நீலயா நீரதா³பாயே வனராஜ்யா மஹீமிவ ॥ 25 ॥
ஸுகா²ர்ஹாம் து³:க²ஸந்தப்தாம் வ்யஸனானாமகோவிதா³ம் ।
தாம் ஸமீக்ஷ்ய விஶாலாக்ஷீமதி⁴கம் மலினாம் க்ருஶாம் ॥ 26 ॥
தர்கயாமாஸ ஸீதேதி காரணைருபபாதி³பி⁴: ।
ஹ்ரியமாணா ததா³ தேன ரக்ஷஸா காமரூபிணா ॥ 27 ॥
யதா²ரூபா ஹி த்³ருஷ்டா வை ததா²ரூபேயமங்க³னா ।
பூர்ணசந்த்³ரானநாம் ஸுப்⁴ரூம் சாருவ்ருத்தபயோத⁴ராம் ॥ 28 ॥
குர்வதீம் ப்ரப⁴யாதே³வீம் ஸர்வா விதிமிரா தி³ஶ: ।
தாம் நீலகேஶீம் பி³ம்போ³ஷ்டீ²ம் ஸுமத்⁴யாம் ஸுப்ரதிஷ்டி²தாம் ॥ 29 ॥
ஸீதாம் பத்³மபலாஶாக்ஷீம் மன்மத²ஸ்ய ரதிம் யதா² ।
இஷ்டாம் ஸர்வஸ்ய ஜக³த: பூர்ணசந்த்³ரப்ரபா⁴மிவ ॥ 3௦ ॥
பூ⁴மௌ ஸுதனுமாஸீனாம் நியதாமிவ தாபஸீம் ।
நி:ஶ்வாஸப³ஹுலாம் பீ⁴ரும் பு⁴ஜகே³ந்த்³ரவதூ⁴மிவ ॥ 31 ॥
ஶோகஜாலேன மஹதா விததேன ந ராஜதீம் ।
ஸம்ஸக்தாம் தூ⁴மஜாலேன ஶிகா²மிவ விபா⁴வஸோ: ॥ 32 ॥
தாம் ஸ்ம்ருதீமிவ ஸந்தி³க்³தா⁴ம்ருத்³தி⁴ம் நிபதிதாமிவ ।
விஹதாமிவ ச ஶ்ரத்³தா⁴மாஶாம் ப்ரதிஹதாமிவ ॥ 33 ॥
ஸோபஸர்கா³ம் யதா² ஸித்³தி⁴ம் பு³த்³தி⁴ம் ஸகலுஷாமிவ ।
அபூ⁴தேனாபவாதே³ன கீர்திம் நிபதிதாமிவ ॥ 34 ॥
ராமோபரோத⁴வ்யதி²தாம் ரக்ஷோஹரணகர்ஶிதாம் ।
அப³லாம் ம்ருக³ஶாபா³க்ஷீம் வீக்ஷமாணாம் ததஸ்தத: ॥ 35 ॥
பா³ஷ்பாம்பு³பரிபூர்ணேன க்ருஷ்ணவக்ராக்ஷிபக்ஷ்மணா ।
வத³னேனாப்ரஸன்னேன நி:ஶ்வஸந்தீம் புன: புன: ॥ 36 ॥
மலபங்கத⁴ராம் தீ³னாம் மண்ட³னார்ஹாமமண்டி³தாம் ।
ப்ரபா⁴ம் நக்ஷத்ரராஜஸ்ய காலமேகை⁴ரிவாவ்ருதாம் ॥ 37 ॥
தஸ்ய ஸந்தி³தி³ஹே பு³த்³தி⁴ர்முஹு: ஸீதாம் நிரீக்ஷ்ய து ।
ஆம்னாயானாமயோகே³ன வித்³யாம் ப்ரஶிதி²லாமிவ ॥ 38 ॥
து³:கே²ன பு³பு³தே⁴ ஸீதாம் ஹனுமானநலங்க்ருதாம் ।
ஸம்ஸ்காரேண யதா² ஹீனாம் வாசமர்தா²ந்தரம் க³தாம் ॥ 39 ॥
தாம் ஸமீக்ஷய விஶாலாக்ஷீம் ராஜபுத்ரீமனிந்தி³தாம் ।
தர்கயாமாஸ ஸீதேதி காரணைருபபாதி³பி⁴: ॥ 4௦ ॥
வைதே³ஹ்யா யானி சாங்கே³ஷு ததா³ ராமோன்வகீர்தயத் ।
தான்யாப⁴ரணஜாலானி கா³த்ரஶோபீ⁴ன்யலக்ஷயத் ॥ 41 ॥
ஸுக்ருதௌ கர்ணவேஷ்டௌ ச ஶ்வத³ம்ஷ்ட்ரௌ ச ஸுஸம்ஸ்தி²தௌ ।
மணிவித்³ருமசித்ராணி ஹஸ்தேஷ்வாப⁴ரணானி ச ॥ 42 ॥
ஶ்யாமானி சிரயுக்தத்வாத்ததா² ஸம்ஸ்தா²னவந்தி ச ।
தான்யைவேதானி மன்யேஹம் யானி ராமோன்வகீர்தயத் ॥ 43 ॥
தத்ர யான்யவஹீனானி தான்யஹம் நோபலக்ஷயே ।
யான்யஸ்யா நாவஹீனானி தானீமானி ந ஸம்ஶய: ॥ 44 ॥
பீதம் கனகபட்டாப⁴ம் ஸ்ரஸ்தம் தத்³வஸனம் ஶுப⁴ம் ।
உத்தரீயம் நகா³ஸக்தம் ததா³ த்³ருஷ்டம் ப்லவங்க³மை: ॥ 45 ॥
பூ⁴ஷணானி ச முக்²யானி த்³ருஷ்டானி த⁴ரணீதலே ।
அனயைவாபவித்³தா⁴னி ஸ்வனவந்தி மஹாந்தி ச ॥ 46 ॥
இத³ம் சிரக்³ருஹீதத்வாத்³வஸனம் க்லிஷ்டவத்தரம் ।
ததா²பி நூனம் தத்³வர்ணம் ததா² ஶ்ரீமத்³யதே²தரத் ॥ 47 ॥
இயம் கனகவர்ணாங்கீ³ ராமஸ்ய மஹிஷீ ப்ரியா ।
ப்ரணஷ்டாபி ஸதீ யாஸ்ய மனஸோ ந ப்ரணஶ்யதி ॥ 48 ॥
இயம் ஸா யத்க்ருதே ராமஶ்சதுர்பி⁴: பரிதப்யதே ।
காருண்யேனான்ருஶம்ஸ்யேன ஶோகேன மத³னேன ச ॥ 49 ॥
ஸ்த்ரீ ப்ரணஷ்டேதி காருண்யாதா³ஶ்ரிதேத்யான்ருஶம்ஸ்யத: ।
பத்னீ நஷ்டேதி ஶோகேன ப்ரியேதி மத³னேன ச ॥ 5௦ ॥
அஸ்யா தே³வ்யா யதா² ரூபமங்க³ப்ரத்யங்க³ஸௌஷ்ட²வம் ।
ராமஸ்ய ச யதா² ரூபம் தஸ்யேயமஸிதேக்ஷணா ॥ 51 ॥
அஸ்யா தே³வ்யா மனஸ்தஸ்மிம்ஸ்தஸ்ய சாஸ்யாம் ப்ரதிஷ்டி²தம் ।
தேனேயம் ஸ ச த⁴ர்மாத்மா முஹூர்தமபி ஜீவதி ॥ 52 ॥
து³ஷ்கரம் க்ருதவான்ராமோ ஹீனோ யத³னயா ப்ரபு⁴: ।
தா⁴ரயத்யாத்மனோ தே³ஹம் ந ஶோகேனாவஸீத³தி ॥ 53 ॥
து³ஷ்கரம் குருதே ராமோ ய இமாம் மத்தகாஶினீம் ।
ஸீதாம் வினா மஹாபா³ஹுர்முஹூர்தமபி ஜீவதி ॥ 54 ॥
ஏவம் ஸீதாம் ததா³ த்³ருஷ்ட்வா ஹ்ருஷ்ட: பவனஸம்ப⁴வ: ।
ஜகா³ம மனஸா ராமம் ப்ரஶஶம்ஸ ச தம் ப்ரபு⁴ம் ॥ 55 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ பஞ்சத³ஶஸ்ஸர்க:³ ॥
