ශ්රීමද්වාල්මීකීය රාමායණේ සුංදරකාංඩම් ।
අථ අෂ්ටාවිංශස්සර්ගඃ ।
සා රාක්ෂසේංද්රස්ය වචෝ නිශම්ය තද්රාවණස්යාප්රියමප්රියාර්තා ।
සීතා විතත්රාස යථා වනාංතේ සිංහාභිපන්නා ගජරාජකන්යා ॥ 1 ॥
සා රාක්ෂසීමධ්යගතා ච භීරු ර්වාග්භිර්භෘශං රාවණතර්ජිතා ච ।
කාංතාරමධ්යේ විජනේ විසෘෂ්ටා බාලේව කන්යා විලලාප සීතා ॥ 2 ॥
සත්යං බතේදං ප්රවදංති ලෝකේ නාකාලමෘත්යුර්භවතීති සංතඃ ।
යත්රාහමේවං පරිභර්ත්ස්යමානා ජීවාමි දීනා ක්ෂණමප්යපුණ්යා ॥ 3 ॥
සුඛාද්විහීනං බහුදුඃඛපූර්ණ මිදං තු නූනං හෘදයං ස්ථිරං මේ ।
විශීර්යතේ යන්න සහස්රධාऽද්ය වජ්රාහතං ශෘංගමිවාචලස්ය ॥ 4 ॥
නෛවාස්ති දෝෂෝ මම නූනමත්ර වධ්යාහමස්යාප්රියදර්ශනස්ය ।
භාවං න චාස්යාහමනුප්රදාතු මලං ද්විජෝ මංත්රමිවාද්විජාය ॥ 5 ॥
නූනං මමාංගාන්යචිරාදනාර්යඃ ශස්ත්රෛශ්ශිතෛශ්ඡේත්ස්යති රාක්ෂසේංද්රඃ ।
තස්මිනනාගච්ඡති ලෝකනාථේ ගර්භස්ථජංතෝරිව ශල්යකෘංතඃ ॥ 6 ॥
දුඃඛං බතේදං මම දුඃඛිතායා මාසෞ චිරායාධිගමිෂ්යතෝ ද්වෞ ।
බද්ධස්ය වධ්යස්ය තථා නිශාංතේ රාජාපරාධාදිව තස්කරස්ය ॥ 7 ॥
හා රාම හා ලක්ෂ්මණ හා සුමිත්රේ හා රාමමාතඃ සහ මේ ජනන්යා ।
ඒෂා විපද්යාම්යහමල්පභාග්යා මහාර්ණවේ නෞරිව මූඪවාතා ॥ 8 ॥
තරස්විනෞ ධාරයතා මෘගස්ය සත්ත්වේන රූපං මනුජේංද්රපුත්රෞ ।
නූනං විශස්තෞ මම කාරණාත්තෞ සිංහර්ෂභෞ ද්වාවිව වෛද්යුතේන ॥ 9 ॥
නූනං ස කාලෝ මෘගරූපධාරී මාමල්පභාග්යාං ලුලුභේ තදානීම් ।
යත්රාර්යපුත්රං විසසර්ජ මූඪා රාමානුජං ලක්ෂ්මණපූර්වජං ච ॥ 10 ॥
හා රාම සත්යව්රත දීර්ඝබාහෝ හා පූර්ණචංද්රප්රතිමානවක්ත්ර ।
හා ජීවලෝකස්ය හිතඃ ප්රියශ්ච වධ්යාං න මාං වේත්සි හි රාක්ෂසානාම් ॥ 11 ॥
අනන්ය දෛවත්වමියං ක්ෂමා ච භූමෞ ච ශය්යා නියමශ්ච ධර්මේ ।
පතිව්රතාත්වං විඵලං මමේදං කෘතං කෘතඝ්නේෂ්විව මානුෂාණාම් ॥ 12 ॥
මෝඝෝ හි ධර්මශ්චරිතෝ මයායං තථෛකපත්නීත්වාමිදං නිරර්ථම් ।
යා ත්වාං න පශ්යාමි කෘශා විවර්ණා හීනා ත්වයා සංගමනේ නිරාශා ॥ 13 ॥
පිතුර්නිදේශං නියමේන කෘත්වා වනාන්නිවෘත්තශ්චරිතව්රතශ්ච ।
ස්ත්රීභිස්තු මන්යේ විපුලේක්ෂණාභිස්ත්වං රංස්යසේ වීතභයඃ කෘතාර්ථඃ ॥ 14 ॥
අහං තු රාම ත්වයි ජාතකාමා චිරං විනාශාය නිබද්ධභාවා ।
මෝඝං චරිත්වාථ තපෝ ව්රතංච ත්යක්ෂ්යාමි ධිග්ජීවිතමල්පභාග්යාම් ॥ 15 ॥
සා ජීවිතං ක්ෂිප්රමහං ත්යජේයං විෂේණ ශස්ත්රේණ ශිතේන වාපි ।
විෂස්ය දාතා න හි මේऽස්ති කශ්චි ච්ඡස්ත්රස්ය වා වේශ්මනි රාක්ෂසස්ය ॥ 16 ॥
ඉතීව දේවී බහුධා විලප්ය සර්වාත්මනා රාමමනුස්මරංතී ।
ප්රවේපමානා පරිශුෂ්කවක්ත්රා නගෝත්තමං පුෂ්පිතමාසසාද ॥ 17 ॥
සා ශෝකතප්තා බහුධා විචිංත්ය සීතාऽථ වේණ්යුද්ග්රථනං ගෘහීත්වා ।
උද්බුධ්ය වේණ්යුද්ග්රථනේන ශීඝ්රමහං ගමිෂ්යාමි යමස්ය මූලම් ॥ 18 ॥
උපස්ථිතා සා මෘදුසර්වගාත්රී ශාඛාං ගෘහත්වාऽධ නගස්ය තස්ය ।
තස්යාස්තු රාමං ප්රවිචිංතයංත්යා රාමානුජං ස්වං ච කුලං ශුභාංග්යාඃ ॥ 19 ॥
ශේකානිමිත්තානි තථා බහූනි ධෛර්යාර්ජිතානි ප්රවරාණි ලෝකේ ।
ප්රාදුර්නිමිත්තානි තදා බභූවුඃ පුරාපි සිද්ධාන්යුපලක්ෂිතානි ॥ 20 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ සුංදරකාංඩේ අෂ්ටාවිංශස්සර්ගඃ ॥
