ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² அஷ்டாவிம்ஶஸ்ஸர்க:³ ।
ஸா ராக்ஷஸேந்த்³ரஸ்ய வசோ நிஶம்ய தத்³ராவணஸ்யாப்ரியமப்ரியார்தா ।
ஸீதா விதத்ராஸ யதா² வனாந்தே ஸிம்ஹாபி⁴பன்னா கஜ³ராஜகன்யா ॥ 1 ॥
ஸா ராக்ஷஸீமத்⁴யக³தா ச பீ⁴ரு ர்வாக்³பி⁴ர்ப்⁴ருஶம் ராவணதர்ஜிதா ச ।
காந்தாரமத்⁴யே விஜனே விஸ்ருஷ்டா பா³லேவ கன்யா விலலாப ஸீதா ॥ 2 ॥
ஸத்யம் ப³தேத³ம் ப்ரவத³ந்தி லோகே நாகாலம்ருத்யுர்ப⁴வதீதி ஸந்த: ।
யத்ராஹமேவம் பரிப⁴ர்த்ஸ்யமானா ஜீவாமி தீ³னா க்ஷணமப்யபுண்யா ॥ 3 ॥
ஸுகா²த்³விஹீனம் ப³ஹுது³:க²பூர்ண மித³ம் து நூனம் ஹ்ருத³யம் ஸ்தி²ரம் மே ।
விஶீர்யதே யன்ன ஸஹஸ்ரதா⁴த்³ய வஜ்ராஹதம் ஶ்ருங்க³மிவாசலஸ்ய ॥ 4 ॥
நைவாஸ்தி தோ³ஷோ மம நூனமத்ர வத்⁴யாஹமஸ்யாப்ரியத³ர்ஶனஸ்ய ।
பா⁴வம் ந சாஸ்யாஹமனுப்ரதா³து மலம் த்³விஜோ மந்த்ரமிவாத்³விஜாய ॥ 5 ॥
நூனம் மமாங்கா³ன்யசிராத³னார்ய: ஶஸ்த்ரைஶ்ஶிதைஶ்சே²த்ஸ்யதி ராக்ஷஸேந்த்³ர: ।
தஸ்மினநாக³ச்ச²தி லோகனாதே² க³ர்ப⁴ஸ்தஜ²ந்தோரிவ ஶல்யக்ருந்த: ॥ 6 ॥
து³:க²ம் ப³தேத³ம் மம து³:கி²தாயா மாஸௌ சிராயாதி⁴க³மிஷ்யதோ த்³வௌ ।
ப³த்³த⁴ஸ்ய வத்⁴யஸ்ய ததா² நிஶாந்தே ராஜாபராதா⁴தி³வ தஸ்கரஸ்ய ॥ 7 ॥
ஹா ராம ஹா லக்ஷ்மண ஹா ஸுமித்ரே ஹா ராமமாத: ஸஹ மே ஜனந்யா ।
ஏஷா விபத்³யாம்யஹமல்பபா⁴க்³யா மஹார்ணவே நௌரிவ மூட⁴வாதா ॥ 8 ॥
தரஸ்வினௌ தா⁴ரயதா ம்ருக³ஸ்ய ஸத்த்வேன ரூபம் மனுஜேந்த்³ரபுத்ரௌ ।
நூனம் விஶஸ்தௌ மம காரணாத்தௌ ஸிம்ஹர்ஷபௌ⁴ த்³வாவிவ வைத்³யுதேன ॥ 9 ॥
நூனம் ஸ காலோ ம்ருக³ரூபதா⁴ரீ மாமல்பபா⁴க்³யாம் லுலுபே⁴ ததா³னீம் ।
யத்ரார்யபுத்ரம் விஸஸர்ஜ மூடா⁴ ராமானுஜம் லக்ஷ்மணபூர்வஜம் ச ॥ 1௦ ॥
ஹா ராம ஸத்யவ்ரத தீ³ர்க⁴பா³ஹோ ஹா பூர்ணசந்த்³ரப்ரதிமானவக்த்ர ।
ஹா ஜீவலோகஸ்ய ஹித: ப்ரியஶ்ச வத்⁴யாம் ந மாம் வேத்ஸி ஹி ராக்ஷஸானாம் ॥ 11 ॥
அனந்ய தை³வத்வமியம் க்ஷமா ச பூ⁴மௌ ச ஶய்யா நியமஶ்ச த⁴ர்மே ।
பதிவ்ரதாத்வம் விப²லம் மமேத³ம் க்ருதம் க்ருதக்⁴னேஷ்விவ மானுஷாணாம் ॥ 12 ॥
மோகோ⁴ ஹி த⁴ர்மஶ்சரிதோ மயாயம் ததை²கபத்னீத்வாமித³ம் நிரர்த²ம் ।
யா த்வாம் ந பஶ்யாமி க்ருஶா விவர்ணா ஹீனா த்வயா ஸங்க³மனே நிராஶா ॥ 13 ॥
பிதுர்னிதே³ஶம் நியமேன க்ருத்வா வனான்னிவ்ருத்தஶ்சரிதவ்ரதஶ்ச ।
ஸ்த்ரீபி⁴ஸ்து மன்யே விபுலேக்ஷணாபி⁴ஸ்த்வம் ரம்ஸ்யஸே வீதப⁴ய: க்ருதார்த:² ॥ 14 ॥
அஹம் து ராம த்வயி ஜாதகாமா சிரம் வினாஶாய நிப³த்³த⁴பா⁴வா ।
மோக⁴ம் சரித்வாத² தபோ வ்ரதஞ்ச த்யக்ஷ்யாமி தி⁴க்³ஜீவிதமல்பபா⁴க்³யாம் ॥ 15 ॥
ஸா ஜீவிதம் க்ஷிப்ரமஹம் த்யஜேயம் விஷேண ஶஸ்த்ரேண ஶிதேன வாபி ।
விஷஸ்ய தா³தா ந ஹி மேஸ்தி கஶ்சி ச்ச²ஸ்த்ரஸ்ய வா வேஶ்மனி ராக்ஷஸஸ்ய ॥ 16 ॥
இதீவ தே³வீ ப³ஹுதா⁴ விலப்ய ஸர்வாத்மனா ராமமனுஸ்மரந்தீ ।
ப்ரவேபமானா பரிஶுஷ்கவக்த்ரா நகோ³த்தமம் புஷ்பிதமாஸஸாத³ ॥ 17 ॥
ஸா ஶோகதப்தா ப³ஹுதா⁴ விசிந்த்ய ஸீதாத² வேண்யுத்³க்³ரத²னம் க்³ருஹீத்வா ।
உத்³பு³த்⁴ய வேண்யுத்³க்³ரத²னேன ஶீக்⁴ரமஹம் க³மிஷ்யாமி யமஸ்ய மூலம் ॥ 18 ॥
உபஸ்தி²தா ஸா ம்ருது³ஸர்வகா³த்ரீ ஶாகா²ம் க்³ருஹத்வாத⁴ நக³ஸ்ய தஸ்ய ।
தஸ்யாஸ்து ராமம் ப்ரவிசிந்தயந்த்யா ராமானுஜம் ஸ்வம் ச குலம் ஶுபா⁴ங்க்³யா: ॥ 19 ॥
ஶேகானிமித்தானி ததா² ப³ஹூனி தை⁴ர்யார்ஜிதானி ப்ரவராணி லோகே ।
ப்ராது³ர்னிமித்தானி ததா³ ப³பூ⁴வு: புராபி ஸித்³தா⁴ன்யுபலக்ஷிதானி ॥ 2௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ அஷ்டாவிம்ஶஸ்ஸர்க:³ ॥
