শ্রীমদ্বাল্মীকীয় রামাযণে সুংদরকাংডম্ ।
অথ অষ্টাবিংশস্সর্গঃ ।
সা রাক্ষসেংদ্রস্য় বচো নিশম্য় তদ্রাবণস্য়াপ্রিযমপ্রিয়ার্তা ।
সীতা বিতত্রাস যথা বনাংতে সিংহাভিপন্না গজরাজকন্য়া ॥ 1 ॥
সা রাক্ষসীমধ্যগতা চ ভীরু র্বাগ্ভির্ভৃশং রাবণতর্জিতা চ ।
কাংতারমধ্য়ে বিজনে বিসৃষ্টা বালেব কন্য়া বিললাপ সীতা ॥ 2 ॥
সত্য়ং বতেদং প্রবদংতি লোকে নাকালমৃত্য়ুর্ভবতীতি সংতঃ ।
যত্রাহমেবং পরিভর্ত্স্যমানা জীবামি দীনা ক্ষণমপ্যপুণ্য়া ॥ 3 ॥
সুখাদ্বিহীনং বহুদুঃখপূর্ণ মিদং তু নূনং হৃদয়ং স্থিরং মে ।
বিশীর্যতে যন্ন সহস্রধাঽদ্য় বজ্রাহতং শৃংগমিবাচলস্য় ॥ 4 ॥
নৈবাস্তি দোষো মম নূনমত্র বধ্য়াহমস্য়াপ্রিযদর্শনস্য় ।
ভাবং ন চাস্য়াহমনুপ্রদাতু মলং দ্বিজো মংত্রমিবাদ্বিজায় ॥ 5 ॥
নূনং মমাংগান্যচিরাদনার্য়ঃ শস্ত্রৈশ্শিতৈশ্ছেত্স্যতি রাক্ষসেংদ্রঃ ।
তস্মিননাগচ্ছতি লোকনাথে গর্ভস্থজংতোরিব শল্যকৃংতঃ ॥ 6 ॥
দুঃখং বতেদং মম দুঃখিতায়া মাসৌ চিরায়াধিগমিষ্যতো দ্বৌ ।
বদ্ধস্য় বধ্যস্য় তথা নিশাংতে রাজাপরাধাদিব তস্করস্য় ॥ 7 ॥
হা রাম হা লক্ষ্মণ হা সুমিত্রে হা রামমাতঃ সহ মে জনন্য়া ।
এষা বিপদ্য়াম্যহমল্পভাগ্য়া মহার্ণবে নৌরিব মূঢবাতা ॥ 8 ॥
তরস্বিনৌ ধারযতা মৃগস্য় সত্ত্বেন রূপং মনুজেংদ্রপুত্রৌ ।
নূনং বিশস্তৌ মম কারণাত্তৌ সিংহর্ষভৌ দ্বাবিব বৈদ্য়ুতেন ॥ 9 ॥
নূনং স কালো মৃগরূপধারী মামল্পভাগ্য়াং লুলুভে তদানীম্ ।
যত্রার্যপুত্রং বিসসর্জ মূঢা রামানুজং লক্ষ্মণপূর্বজং চ ॥ 10 ॥
হা রাম সত্যব্রত দীর্ঘবাহো হা পূর্ণচংদ্রপ্রতিমানবক্ত্র ।
হা জীবলোকস্য় হিতঃ প্রিযশ্চ বধ্য়াং ন মাং বেত্সি হি রাক্ষসানাম্ ॥ 11 ॥
অনন্য় দৈবত্বমিয়ং ক্ষমা চ ভূমৌ চ শয়্য়া নিযমশ্চ ধর্মে ।
পতিব্রতাত্বং বিফলং মমেদং কৃতং কৃতঘ্নেষ্বিব মানুষাণাম্ ॥ 12 ॥
মোঘো হি ধর্মশ্চরিতো ময়ায়ং তথৈকপত্নীত্বামিদং নিরর্থম্ ।
যা ত্বাং ন পশ্য়ামি কৃশা বিবর্ণা হীনা ত্বয়া সংগমনে নিরাশা ॥ 13 ॥
পিতুর্নিদেশং নিযমেন কৃত্বা বনান্নিবৃত্তশ্চরিতব্রতশ্চ ।
স্ত্রীভিস্তু মন্য়ে বিপুলেক্ষণাভিস্ত্বং রংস্যসে বীতভয়ঃ কৃতার্থঃ ॥ 14 ॥
অহং তু রাম ত্বয়ি জাতকামা চিরং বিনাশায় নিবদ্ধভাবা ।
মোঘং চরিত্বাথ তপো ব্রতংচ ত্যক্ষ্য়ামি ধিগ্জীবিতমল্পভাগ্য়াম্ ॥ 15 ॥
সা জীবিতং ক্ষিপ্রমহং ত্যজেয়ং বিষেণ শস্ত্রেণ শিতেন বাপি ।
বিষস্য় দাতা ন হি মেঽস্তি কশ্চি চ্ছস্ত্রস্য় বা বেশ্মনি রাক্ষসস্য় ॥ 16 ॥
ইতীব দেবী বহুধা বিলপ্য় সর্বাত্মনা রামমনুস্মরংতী ।
প্রবেপমানা পরিশুষ্কবক্ত্রা নগোত্তমং পুষ্পিতমাসসাদ ॥ 17 ॥
সা শোকতপ্তা বহুধা বিচিংত্য় সীতাঽথ বেণ্য়ুদ্গ্রথনং গৃহীত্বা ।
উদ্বুধ্য় বেণ্য়ুদ্গ্রথনেন শীঘ্রমহং গমিষ্য়ামি যমস্য় মূলম্ ॥ 18 ॥
উপস্থিতা সা মৃদুসর্বগাত্রী শাখাং গৃহত্বাঽধ নগস্য় তস্য় ।
তস্য়াস্তু রামং প্রবিচিংতয়ংত্য়া রামানুজং স্বং চ কুলং শুভাংগ্য়াঃ ॥ 19 ॥
শেকানিমিত্তানি তথা বহূনি ধৈর্য়ার্জিতানি প্রবরাণি লোকে ।
প্রাদুর্নিমিত্তানি তদা বভূবুঃ পুরাপি সিদ্ধান্য়ুপলক্ষিতানি ॥ 20 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে অষ্টাবিংশস্সর্গঃ ॥
