ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² த்ருதீயஸ்ஸர்க:³ ।
ஸ லம்ப³ஶிக²ரே லம்பே³ லம்ப³தோயத³ஸன்னிபே⁴ ।
ஸத்த்வமாஸ்தா²ய மேதா⁴வீ ஹனுமான் மாருதாத்மஜ: ॥ 1 ॥
நிஶி லங்காம் மஹாஸத்த்வோ விவேஶ கபிகுஞ்ஜர: ।
ரம்யகானநதோயாட்⁴யாம் புரீம் ராவணபாலிதாம் ॥ 2 ॥
ஶாரதா³ம்பு³த⁴ரப்ரக்²யைர்ப⁴வனைருபஶோபி⁴தாம் ।
ஸாக³ரோபமனிர்கோ⁴ஷாம் ஸாக³ரானிலஸேவிதாம் ॥ 3 ॥
ஸுபுஷ்டப³லஸம்புஷ்டாம் யதை²வ விடபாவதீம் ।
சாருதோரணனிர்யூஹாம் பாண்டு³ரத்³வாரதோரணாம் ॥ 4 ॥
பு⁴ஜகா³சரிதாம் கு³ப்தாம் ஶுபா⁴ம் போ⁴க³வதீமிவ ।
தாம் ஸ வித்³யுத்³க⁴னாகீர்ணாம் ஜ்யோதிர்மார்க³னிஷேவிதாம் ॥ 5 ॥
மந்த³மாருதஸஞ்சாராம் யதே²ந்த்³ரஸ்யாமராவதீம் ।
ஶாதகும்பே⁴ன மஹதா ப்ராகாரேணாபி⁴ஸம்வ்ருதாம் ॥ 6 ॥
கிங்கிணீஜாலகோ⁴ஷாபி⁴: பதாகாபி⁴ரலங்க்ருதாம் ।
ஆஸாத்³ய ஸஹஸா ஹ்ருஷ்ட: ப்ராகாரமபி⁴பேதி³வான் ॥ 7 ॥
விஸ்மயாவிஷ்டஹ்ருத³ய: புரீமாலோக்ய ஸர்வத: ।
ஜாம்பூ³னத³மயைர்த்³வாரைர்வைடூ³ர்யக்ருதவேதி³கை: ॥ 8 ॥
வஜ்ரஸ்ப²டிகமுக்தாபி⁴ர்மணிகுட்டிமபூ⁴ஷிதை: ।
தப்தஹாடகனிர்யூஹை ராஜதாமலபாண்டு³ரை: ॥ 9 ॥
வைடூ⁴ர்யக்ருதஸோபானை: ஸ்பா²டிகாந்தரபாம்ஸுபி⁴: ।
சாருஸஞ்ஜவனோபேதை: க²மிவோத்பதிதை: ஶுபை⁴: ॥ 1௦ ॥
க்ரௌஞ்சப³ர்ஹிணஸங்கு⁴ஷ்டை: ராஜஹம்ஸ நிஷேவிதை: ।
தூர்யாப⁴ரணனிர்கோ⁴ஷை: ஸர்வத: ப்ரதினாதி³தாம் ॥ 11 ॥
வஸ்வௌகஸாராப்ரதிமாம் தாம் வீக்ஷ்ய நக³ரீம் தத: ।
க²மிவோத்பதிதும் காமாம் ஜஹர்ஷ ஹனுமான் கபி: ॥ 12 ॥
தாம் ஸமீக்ஷ்ய புரீம் ரம்யாம் ராக்ஷஸாதி⁴பதே: ஶுபா⁴ம் ।
அனுத்தமாம்ருத்³தி⁴யுதாம் சிந்தயாமாஸ வீர்யவான் ॥ 13 ॥
நேயமன்யேன நக³ரீ ஶக்யா த⁴ர்ஷயிதும் ப³லாத் ।
ரக்ஷிதா ராவணப³லைருத்³யதாயுத⁴தா⁴ரிபி⁴: ॥ 14 ॥
குமுதா³ங்க³த³யோர்வாபி ஸுஷேணஸ்ய மஹாகபே: ।
ப்ரஸித்³தே⁴யம் ப⁴வேத்³பூ⁴மிர்மைந்த³த்³விவித³யோரபி ॥ 15 ॥
விவஸ்வதஸ்தனூஜஸ்ய ஹரேஶ்ச குஶபர்வண: ।
ருக்ஷஸ்ய கேதுமாலஸ்ய மம சைவ க³திர்ப⁴வேத் ॥ 16 ॥
ஸமீக்ஷ்ய து மஹாபா³ஹூ ராக⁴வஸ்ய பராக்ரமம் ।
லக்ஷ்மணஸ்ய ச விக்ராந்தமப⁴வத் ப்ரீதிமான் கபி: ॥ 17 ॥
தாம் ரத்னவஸனோபேதாம் கோஷ்டா²கா³ராவதம்ஸகாம் ।
யந்த்ராகா³ரஸ்தனீம்ருத்³தா⁴ம் ப்ரமதா³மிவ பூ⁴ஷிதாம் ॥ 18 ॥
தாம் நஷ்டதிமிராம் தீ³ப்தைர்பா⁴ஸ்வரைஶ்ச மஹாக்³ருஹை: ।
நக³ரீம் ராக்ஷஸேந்த்³ரஸ்ய ஸ த³த³ர்ஶ மஹாகபி: ॥ 19 ॥
த² ஸா ஹரிஶார்தூ³லம் ப்ரவிஶந்தம் மஹாப³லம் ।
நக³ரீ ஸ்வேன ரூபேண த³த³ர்ஶ பவனாத்மஜம் ॥ 2௦ ॥
ஸா தம் ஹரிவரம் த்³ருஷ்ட்வா லங்கா ராவணபாலிதா ।
ஸ்வயமேவோத்தி²தா தத்ர விக்ருதானநத³ர்ஶனா ॥ 21 ॥
புரஸ்தாத்கபிவர்யஸ்ய வாயுஸூனோரதிஷ்ட²த ।
முஞ்சமானா மஹானாத³மப்³ரவீத்பவனாத்மஜம் ॥ 22 ॥
கஸ்த்வம் கேன ச கார்யேண இஹ ப்ராப்தோ வனாலய ।
கத²யஸ்வேஹ யத்தத்த்வம் யாவத்ப்ராணா த⁴ரந்தி தே ॥ 23 ॥
ந ஶக்யம் க²ல்வியம் லங்கா ப்ரவேஷ்டும் வானர த்வயா ।
ரக்ஷிதா ராவணப³லைரபி⁴கு³ப்தா ஸமந்தத: ॥ 24 ॥
அத² தாமப்³ரவீத்³வீரோ ஹனுமானக்³ரத: ஸ்தி²தாம் ।
கத²யிஷ்யாமி தே தத்த்வம் யன்மாம் த்வம் பரிப்ருச்ச²ஸி ॥ 25 ॥
கா த்வம் விரூபனயனா புரத்³வாரேவதிஷ்ட²ஸி ।
கிமர்த²ம் சாபி மாம் ருத்³த்⁴வா நிர்ப⁴ர்த்ஸயஸி தா³ருணா ॥ 26 ॥
ஹனுமத்³வசனம் ஶ்ருத்வா லங்கா ஸா காமரூபிணீ ।
உவாச வசனம் க்ருத்³தா⁴ பருஷம் பவனாத்மஜம் ॥ 27 ॥
அஹம் ராக்ஷஸராஜஸ்ய ராவணஸ்ய மஹாத்மன: ।
ஆஜ்ஞாப்ரதீக்ஷா து³ர்த⁴ர்ஷா ரக்ஷாமி நக³ரீமிமாம் ॥ 28 ॥
ந ஶக்யா மாமவஜ்ஞாய ப்ரவேஷ்டும் நக³ரீ த்வயா ।
அத்³ய ப்ராணை: பரித்யக்த: ஸ்வப்ஸ்யஸே நிஹதோ மயா ॥ 29 ॥
அஹம் ஹி நக³ரீ லங்கா ஸ்வயமேவ ப்லவங்க³ம ।
ஸர்வத: பரிரக்ஷாமி ஹ்யேதத்தே கதி²தம் மயா ॥ 3௦ ॥
லங்காயா வசனம் ஶ்ருத்வா ஹனுமான் மாருதாத்மஜ: ।
யத்னவான்ஸ ஹரிஶ்ரேஷ்ட:² ஸ்தி²தஶ்ஶைல இவாபர: ॥ 31 ॥
ஸ தாம் ஸ்த்ரீரூபவிக்ருதாம் த்³ருஷ்டவா வானரபுங்க³வ: ।
ஆப³பா⁴ஷேத² மேதா⁴வீ ஸத்த்வவான் ப்லவக³ர்ஷப:⁴ ॥ 32 ॥
த்³ரக்ஷ்யாமி நக³ரீம் லங்காம் ஸாட்டப்ராகாரதோரணாம் ।
நிர்விஶங்கமிமம்லோகம் பஶ்யந்த்யாஸ்தவஸாம்ப்ரதம் ।
இத்யர்த²மிஹ ஸம்ப்ராப்த: பரம் கௌதூஹலம் ஹி மே ॥ 33 ॥
வனான்யுபவனானீஹ லங்காயா: கானநானி ச ।
ஸர்வதோ க்³ருஹமுக்²யானி த்³ரஷ்டுமாக³மனம் ஹி மே ॥ 34 ॥
தஸ்ய தத்³வசனம் ஶ்ருத்வா லங்கா ஸா காமரூபிணீ ।
பூ⁴ய ஏவ புனர்வாக்யம் ப³பா⁴ஷே பருஷாக்ஷரம் ॥ 35 ॥
மாமனிர்ஜித்ய து³ர்பு³த்³தே⁴ ராக்ஷஸேஶ்வரபாலிதாம் ।
ந ஶக்யமத்³ய தே த்³ரஷ்டும் புரீயம் வானராத⁴ம ॥ 36 ॥
தத: ஸ கபிஶார்தூ³லஸ்தாமுவாச நிஶாசரீம் ।
த்³ருஷ்ட்வா புரீமிமாம் ப⁴த்³ரே புனர்யாஸ்யே யதா²க³தம் ॥ 37 ॥
தத: க்ருத்வா மஹானாத³ம் ஸா வை லங்கா ப⁴யாவஹம் ।
தலேன வானரஶ்ரேஷ்ட²ம் தாட³யாமாஸ வேகி³தா ॥ 38 ॥
தத: ஸ கபிஶார்தூ³லோ லங்கயா தாடி³தோ ப்⁴ருஶம் ।
நனாத³ ஸுமஹானாத³ம் வீர்யவான் பவனாத்மஜ: ॥ 39 ॥
தத: ஸம்வர்தயாமாஸ வாமஹஸ்தஸ்ய ஸோங்கு³லீ: ।
முஷ்டினாபி⁴ஜகா⁴னைனாம் ஹனுமான் க்ரோத⁴மூர்சி²த: ॥ 4௦ ॥
ஸ்த்ரீ சேதி மன்யமானேன நாதிக்ரோத:⁴ ஸ்வயம் க்ருத: ।
ஸா து தேன ப்ரஹாரேண விஹ்வலாங்கீ³ நிஶாசரீ ॥ 41 ॥
பபாத ஸஹஸா பூ⁴மௌ விக்ருதானநத³ர்ஶனா ।
ததஸ்து ஹனுமான் ப்ராஜ்ஞஸ்தாம் த்³ருஷ்ட்வா வினிபாதிதாம் ॥ 42 ॥
க்ருபாம் சகார தேஜஸ்வீ மன்யமான: ஸ்த்ரியம் து தாம் ।
ததோ வை ப்⁴ருஶஸம்விக்³னா லங்கா ஸா க³த்³க³தா³க்ஷரம் ॥ 43 ॥
உவாசாக³ர்விதம் வாக்யம் ஹனூமந்தம் ப்லவங்க³மம் ।
ப்ரஸீத³ ஸுமஹாபா³ஹோ த்ராயஸ்வ ஹரிஸத்தம ॥ 44 ॥
ஸமயே ஸௌம்ய திஷ்ட²ந்தி ஸத்த்வவந்தோ மஹாப³லா: ।
அஹம் து நக³ரீ லங்கா ஸ்வயமேவ ப்லவங்க³ம ॥ 45 ॥
நிர்ஜிதாஹம் த்வயா வீர விக்ரமேண மஹாப³ல ।
இத³ம் து தத்²யம் ஶ்ருணு வை ப்³ருவந்த்யா மே ஹரீஶ்வர ॥ 46 ॥
ஸ்வயம்பு⁴வா புரா த³த்தம் வரதா³னம் யதா² மம ।
யதா³ த்வாம் வானர: கஶ்சித்³விக்ரமாத்³வஶமானயேத் ॥ 47 ॥
ததா³ த்வயா ஹி விஜ்ஞேயம் ரக்ஷஸாம் ப⁴யமாக³தம் ।
ஸ ஹி மே ஸமய: ஸௌம்ய ப்ராப்தோத்³ய தவ த³ர்ஶனாத் ॥ 48 ॥
ஸ்வயம்பூ⁴ விஹித: ஸத்யோ ந தஸ்யாஸ்தி வ்யதிக்ரம: ।
ஸீதானிமித்தம் ராஜ்ஞஸ்து ராவணஸ்ய து³ராத்மன: ॥ 49 ॥
ரக்ஷஸாம் சைவ ஸர்வேஷாம் வினாஶ: ஸமுபாக³த: ।
தத்ப்ரவிஶ்ய ஹரிஶ்ரேஷ்ட² புரீம் ராவணபாலிதாம் ॥ 5௦ ॥
வித⁴த்ஸ்வ ஸர்வகார்யாணி யானி யானீஹ வாஞ்ச²ஸி ।
ப்ரவிஶ்ய ஶாபோபஹதாம் ஹரீஶ்வர ஶுபா⁴ம் புரீம் ராக்ஷஸமுக்²யபாலிதாம் ।
யத்³ருச்ச²யா த்வம் ஜனகாத்மஜாம் ஸதீம் விமார்க³ ஸர்வத்ர க³தோ யதா²ஸுக²ம் ॥ 51 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ த்ருதீயஸ்ஸர்க:³ ॥
