শ্রীমদ্বাল্মীকীয় রামাযণে সুংদরকাংডম্ ।
অথ একত্রিংশস্সর্গঃ ।
এবং বহুবিধাং চিংতাং চিংতয়িত্বা মহাকপিঃ ।
সংশ্রবে মধুরং বাক্য়ং বৈদেহ্য়া ব্য়াজহার হ ॥ 1 ॥
রাজা দশরথো নাম রথকুংজরবাজিমান্ ।
পুণ্যশীলো মহাকীর্তিরিক্ষ্বাকূণাং মহাযশাঃ ॥ 2 ॥
রাজর্ষীণাং গুণশ্রেষ্ঠস্তপসা চর্ষিভি স্সমঃ ।
চক্রবর্তিকুলে জাতঃ পুরংদরসমো বলে ॥ 3 ॥
অহিংসারতিরক্ষুদ্রো ঘৃণী সত্যপরাক্রমঃ ।
মুখ্যশ্চেক্ষ্বাকুবংশস্য় লক্ষ্মীবান্ লক্ষ্মিবর্ধনঃ ॥ 4 ॥
পার্থিবব্য়ংজনৈর্য়ুক্তঃ পৃথুশ্রীঃ পার্থিবর্ষভঃ ।
পৃথিব্য়াং চতুরংতায়াং বিশ্রুতস্সুখদস্সুখী ॥ 5 ॥
তস্য় পুত্রঃ প্রিয়ো জ্য়েষ্ঠস্তারাধিপনিভাননঃ ।
রামো নাম বিশেষজ্ঞঃ শ্রেষ্ঠ স্সর্বধনুষ্মতাম্ ॥ 6 ॥
রক্ষিতা স্বস্য় ধর্মস্য় স্বজনস্য় চ রক্ষিতা ।
রক্ষিতা জীবলোকস্য় ধর্মস্য় চ পরংতপঃ ॥ 7 ॥
তস্য় সত্য়াভিসংধস্য় বৃদ্ধস্য় বচনাত্পিতুঃ ।
সভার্যস্সহ চ ভ্রাত্রা বীরঃ প্রব্রাজিতো বনম্ ॥ 8 ॥
তেন তত্র মহারণ্য়ে মৃগয়াং পরিধাবতা ।
রাক্ষসা নিহতাশ্শূরা বহবঃ কামরূপিণঃ ॥ 9 ॥
জনস্থানবধং শ্রুত্বা হতৌ চ খরদূষণৌ ।
ততস্ত্বমর্ষাপহৃতা জানকী রাবণেন তু ॥ 10 ॥
বংচয়িত্বা বনে রামং মৃগরূপেণ মাযয়া ।
স মার্গমাণস্তাং দেবীং রামস্সীতামনিংদিতাম্ ॥ 11 ॥
আসসাদ বনে মিত্রং সুগ্রীবং নাম বানরম্ ।
তত স্স বালিনং হত্বা রামঃ পরপুরংজয়ঃ ॥ 12 ॥
প্রাযচ্ছত্কপিরাজ্য়ং তত্সুগ্রীবায় মহাবলঃ ।
সুগ্রীবেণাপি সংদিষ্টা হরয়ঃ কামরূপিণঃ ॥ 13 ॥
দিক্ষু সর্বাসু তাং দেবীং বিচিন্বংতি সহস্রশঃ ।
অহং সংপাতিবচনাচ্ছতয়োজনমাযতম্ ॥ 14 ॥
অস্য়া হেতোর্বিশালাক্ষ্য়াঃ সাগরং বেগবান্প্লুতঃ ।
যথারূপাং যথাবর্ণাং যথালক্ষ্মীবতীং চ নিশ্চিতাম্ ॥ 15 ॥
অশ্রৌষং রাঘবস্য়াহং সেযমাসাদিতা ময়া ।
বিররামৈবমুক্ত্বাসৌ বাচং বানরপুংগবঃ ॥ 16 ॥
জানকী চাপি তচ্ছ্রুত্বা পরং বিস্মযমাগতা ।
ততস্সা বক্রকেশাংতা সুকেশী কেশসংবৃতম্ ॥ 17 ॥
উন্নম্য় বদনং ভীরুশ্শিংশুপাবৃক্ষমৈক্ষত ।
নিশম্য় সীতা বচনং কপেশ্চ দিশশ্চ সর্বাঃ প্রদিশশ্চ বীক্ষ্য় ।
স্বয়ং প্রহর্ষং পরমং জগাম সর্বাত্মনা রামমনুস্মরংতী ॥ 18 ॥
সা তির্যগূর্ধ্বং চ তথাপ্যধস্তান্নিরীক্ষমাণা তমচিংত্যবুদ্ধিম্ ।
দদর্শ পিংগাধিপতেরমাত্য়ং বাতাত্মজং সূর্যমিবোদযস্থম্ ॥ 19 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে একত্রিংশস্সর্গঃ ॥
