ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஏகத்ரிம்ஶஸ்ஸர்க:³ ।
ஏவம் ப³ஹுவிதா⁴ம் சிந்தாம் சிந்தயித்வா மஹாகபி: ।
ஸம்ஶ்ரவே மது⁴ரம் வாக்யம் வைதே³ஹ்யா வ்யாஜஹார ஹ ॥ 1 ॥
ராஜா த³ஶரதோ² நாம ரத²குஞ்ஜரவாஜிமான் ।
புண்யஶீலோ மஹாகீர்திரிக்ஷ்வாகூணாம் மஹாயஶா: ॥ 2 ॥
ராஜர்ஷீணாம் கு³ணஶ்ரேஷ்ட²ஸ்தபஸா சர்ஷிபி⁴ ஸ்ஸம: ।
சக்ரவர்திகுலே ஜாத: புரந்த³ரஸமோ ப³லே ॥ 3 ॥
அஹிம்ஸாரதிரக்ஷுத்³ரோ க்⁴ருணீ ஸத்யபராக்ரம: ।
முக்²யஶ்சேக்ஷ்வாகுவம்ஶஸ்ய லக்ஷ்மீவான் லக்ஷ்மிவர்த⁴ன: ॥ 4 ॥
பார்தி²வவ்யஞ்ஜனைர்யுக்த: ப்ருது²ஶ்ரீ: பார்தி²வர்ஷப:⁴ ।
ப்ருதி²வ்யாம் சதுரந்தாயாம் விஶ்ருதஸ்ஸுக²த³ஸ்ஸுகீ² ॥ 5 ॥
தஸ்ய புத்ர: ப்ரியோ ஜ்யேஷ்ட²ஸ்தாராதி⁴பனிபா⁴னந: ।
ராமோ நாம விஶேஷஜ்ஞ: ஶ்ரேஷ்ட² ஸ்ஸர்வத⁴னுஷ்மதாம் ॥ 6 ॥
ரக்ஷிதா ஸ்வஸ்ய த⁴ர்மஸ்ய ஸ்வஜனஸ்ய ச ரக்ஷிதா ।
ரக்ஷிதா ஜீவலோகஸ்ய த⁴ர்மஸ்ய ச பரந்தப: ॥ 7 ॥
தஸ்ய ஸத்யாபி⁴ஸந்த⁴ஸ்ய வ்ருத்³த⁴ஸ்ய வசனாத்பிது: ।
ஸபா⁴ர்யஸ்ஸஹ ச ப்⁴ராத்ரா வீர: ப்ரவ்ராஜிதோ வனம் ॥ 8 ॥
தேன தத்ர மஹாரண்யே ம்ருக³யாம் பரிதா⁴வதா ।
ராக்ஷஸா நிஹதாஶ்ஶூரா ப³ஹவ: காமரூபிண: ॥ 9 ॥
ஜனஸ்தா²னவத⁴ம் ஶ்ருத்வா ஹதௌ ச க²ரதூ³ஷணௌ ।
ததஸ்த்வமர்ஷாபஹ்ருதா ஜானகீ ராவணேன து ॥ 1௦ ॥
வஞ்சயித்வா வனே ராமம் ம்ருக³ரூபேண மாயயா ।
ஸ மார்க³மாணஸ்தாம் தே³வீம் ராமஸ்ஸீதாமனிந்தி³தாம் ॥ 11 ॥
ஆஸஸாத³ வனே மித்ரம் ஸுக்³ரீவம் நாம வானரம் ।
தத ஸ்ஸ வாலினம் ஹத்வா ராம: பரபுரஞ்ஜய: ॥ 12 ॥
ப்ராயச்ச²த்கபிராஜ்யம் தத்ஸுக்³ரீவாய மஹாப³ல: ।
ஸுக்³ரீவேணாபி ஸந்தி³ஷ்டா ஹரய: காமரூபிண: ॥ 13 ॥
தி³க்ஷு ஸர்வாஸு தாம் தே³வீம் விசின்வந்தி ஸஹஸ்ரஶ: ।
அஹம் ஸம்பாதிவசனாச்ச²தயோஜனமாயதம் ॥ 14 ॥
அஸ்யா ஹேதோர்விஶாலாக்ஷ்யா: ஸாக³ரம் வேக³வான்ப்லுத: ।
யதா²ரூபாம் யதா²வர்ணாம் யதா²லக்ஷ்மீவதீம் ச நிஶ்சிதாம் ॥ 15 ॥
அஶ்ரௌஷம் ராக⁴வஸ்யாஹம் ஸேயமாஸாதி³தா மயா ।
விரராமைவமுக்த்வாஸௌ வாசம் வானரபுங்க³வ: ॥ 16 ॥
ஜானகீ சாபி தச்ச்²ருத்வா பரம் விஸ்மயமாக³தா ।
ததஸ்ஸா வக்ரகேஶாந்தா ஸுகேஶீ கேஶஸம்வ்ருதம் ॥ 17 ॥
உன்னம்ய வத³னம் பீ⁴ருஶ்ஶிம்ஶுபாவ்ருக்ஷமைக்ஷத ।
நிஶம்ய ஸீதா வசனம் கபேஶ்ச தி³ஶஶ்ச ஸர்வா: ப்ரதி³ஶஶ்ச வீக்ஷ்ய ।
ஸ்வயம் ப்ரஹர்ஷம் பரமம் ஜகா³ம ஸர்வாத்மனா ராமமனுஸ்மரந்தீ ॥ 18 ॥
ஸா திர்யகூ³ர்த்⁴வம் ச ததா²ப்யத⁴ஸ்தான்னிரீக்ஷமாணா தமசிந்த்யபு³த்³தி⁴ம் ।
த³த³ர்ஶ பிங்கா³தி⁴பதேரமாத்யம் வாதாத்மஜம் ஸூர்யமிவோத³யஸ்த²ம் ॥ 19 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஏகத்ரிம்ஶஸ்ஸர்க:³ ॥
