ஶ்ரீமத்³வால்மீகீய ராமாயணே பா³லகாண்ட³ம் ।
அத² த்ருதீயஸ்ஸர்க:³ ।
ஶ்ருத்வா வஸ்து ஸமக்³ரம் தத்³த⁴ர்மாத்மா த⁴ர்மஸம்ஹிதம் ।
வ்யக்தமன்வேஷதே பூ⁴யோ யத்³வ்ருத்தம் தஸ்ய தீ⁴மத: ॥ 1 ॥
உபஸ்ப்ருஶ்யோத³கம் ஸம்யக்³முனிஸ்ஸ்தி²த்வா க்ருதாஞ்ஜலி: ।
ப்ராசீனாக்³ரேஷு த³ர்பே⁴ஷு த⁴ர்மேணான்வேஷதே க³திம் ॥ 2 ॥
ராமலக்ஷ்மணஸீதாபீ⁴ ராஜ்ஞா த³ஶரதே²ன ச ।
ஸபா⁴ர்யேண ஸராஷ்ட்ரேண யத்ப்ராப்தம் தத்ர தத்த்வத: ॥ 3 ॥
ஹஸிதம் பா⁴ஷிதம் சைவ க³திர்யா யச்ச சேஷ்டிதம் ।
தத்ஸர்வம் த⁴ர்மவீர்யேண யதா²வத்ஸம்ப்ரபஶ்யதி ॥ 4 ॥
ஸ்த்ரீத்ருதீயேன ச ததா³ யத்ப்ராப்தம் சரதா வனே ।
ஸத்யஸந்தே⁴ன ராமேண தத்ஸர்வம் சான்வவேக்ஷிதம் ॥ 5 ॥
தத: பஶ்யதி த⁴ர்மாத்மா தத்ஸர்வம் யோக³மாஸ்தி²த: ।
புரா யத்தத்ர நிர்வ்ருத்தம் பாணாவாமலகம் யதா² ॥ 6 ॥
தத்ஸர்வம் தத்த்வதோ த்³ருஷ்ட்வா த⁴ர்மேண ஸ மஹாத்³யுதி: ।
அபி⁴ராமஸ்ய ராமஸ்ய சரிதம் கர்துமுத்³யத: ॥ 7 ॥
காமார்த²கு³ணஸம்யுக்தம் த⁴ர்மார்த²கு³ணவிஸ்தரம் ।
ஸமுத்³ரமிவ ரத்னாட்⁴யம் ஸர்வஶ்ருதிமனோஹரம் ॥ 8 ॥
ஸ யதா² கதி²தம் பூர்வம் நாரதே³ன மஹர்ஷிணா ।
ரகு⁴வம்ஶஸ்ய சரிதம் சகார ப⁴க³வான்ருஷி: ॥ 9 ॥
ஜன்ம ராமஸ்ய ஸுமஹத்³வீர்யம் ஸர்வானுகூலதாம் ।
லோகஸ்ய ப்ரியதாம் க்ஷாந்திம் ஸௌம்யதாம் ஸத்யஶீலதாம் ॥ 1௦ ॥
நானாசித்ரகதா²ஶ்சான்யா விஶ்வாமித்ரஸமாக³மே ।
ஜானக்யாஶ்ச விவாஹம் ச த⁴னுஷஶ்ச விபே⁴த³னம் ॥ 11 ॥
ராமராமவிவாத³ம் ச கு³ணாந்தா³ஶரதே²ஸ்ததா² ।
ததா²பி⁴ஷேகம் ராமஸ்ய கைகேய்யா து³ஷ்டபா⁴வதாம் ॥ 12 ॥
விகா⁴தம் சாபி⁴ஷேகஸ்ய ராக⁴வஸ்ய விவாஸனம் ।
ராஜ்ஞஶ்ஶோகவிலாபம் ச பரலோகஸ்ய சாஶ்ரயம் ॥ 13 ॥
ப்ரக்ருதீனாம் விஷாத³ம் ச ப்ரக்ருதீனாம் விஸர்ஜனம் ।
நிஷாதா³தி⁴பஸம்வாத³ம் ஸூதோபாவர்தனம் ததா² ॥ 14 ॥
க³ங்கா³யாஶ்சாபி ஸந்தாரம் ப⁴ரத்³வாஜஸ்ய த³ர்ஶனம் ।
ப⁴ரத்³வாஜாப்⁴யனுஜ்ஞானாச்சித்ரகூடஸ்ய த³ர்ஶனம் ॥ 15 ॥
வாஸ்துகர்ம நிவேஶம் ச ப⁴ரதாக³மனம் ததா² ।
ப்ரஸாத³னம் ச ராமஸ்ய பிதுஶ்ச ஸலிலக்ரியாம் ॥ 16 ॥
பாது³காக்³ர்யாபி⁴ஷேகம் ச நந்தி³க்³ராமனிவாஸனம் ।
த³ண்ட³காரண்யக³மனம் விராத⁴ஸ்ய வத⁴ம் ததா² ॥ 17 ॥
த³ர்ஶனம் ஶரப⁴ங்க³ஸ்ய ஸுதீக்ஷ்ணேன ஸமாக³மம் ।
அனஸூயாஸஹாஸ்யாமப்யங்க³ராக³ஸ்ய சார்பணம் ॥ 18 ॥
அக³ஸ்த்யத³ர்ஶனம் சைவ ஜடாயோரபி⁴ஸங்க³மம் ।
பஞ்சவட்யாஶ்ச க³மனம் ஶூர்பணக்²யாஶ்ச த³ர்ஶனம் ॥ 19 ॥
ஶூர்பணக்²யாஶ்ச ஸம்வாத³ம் விரூபகரணம் ததா² ।
வத⁴ம் க²ரத்ரிஶிரஸோருத்தா²னம் ராவணஸ்ய ச ॥ 2௦ ॥
மாரீசஸ்ய வத⁴ம் சைவ வைதே³ஹ்யா ஹரணம் ததா² ।
ராக⁴வஸ்ய விலாபம் ச க்³ருத்⁴ரராஜனிப³ர்ஹணம் ॥ 21 ॥
கப³ந்த⁴த³ர்ஶனம் சாபி பம்பாயாஶ்சாபி த³ர்ஶனம் ।
ஶப³ர்யா: த³ர்ஶனம் சைவ ஹனூமத்³த³ர்ஶனம் ததா² ॥ 22 ॥
ருஶ்யமூகஸ்ய க³மனம் ஸுக்³ரீவேண ஸமாக³மம் ।
ப்ரத்யயோத்பாத³னம் ஸக்²யம் வாலிஸுக்³ரீவவிக்³ரஹம் ॥ 23 ॥
வாலிப்ரமத²னம் சைவ ஸுக்³ரீவப்ரதிபாத³னம் ।
தாராவிலாபம் ஸமயம் வர்ஷராத்ரனிவாஸனம் ॥ 24 ॥
கோபம் ராக⁴வஸிம்ஹஸ்ய ப³லானாமுபஸங்க்³ரஹம் ।
தி³ஶ: ப்ரஸ்தா²பனம் சைவ ப்ருதி²வ்யாஶ்ச நிவேத³னம் ॥ 25 ॥
அங்கு³லீயகதா³னம் ச ருக்ஷஸ்ய பி³லத³ர்ஶனம் ।
ப்ராயோபவேஶனம் சாபி ஸம்பாதேஶ்சாபி த³ர்ஶனம் ॥ 26 ॥
பர்வதாரோஹணம் சாபி ஸாக³ரஸ்யாபி லங்க⁴னம் ।
ஸமுத்³ரவசனாச்சைவ மைனாகஸ்ய ச த³ர்ஶனம் ॥ 27 ॥
ஸிம்ஹிகாயாஶ்ச நித⁴னம் லங்காமலயத³ர்ஶனம் ।
ராத்ரௌ லங்காப்ரவேஶம் ச ஏகஸ்யாத² விசிந்தனம் ॥ 28 ॥
த³ர்ஶனம் ராவணஸ்யாபி புஷ்பகஸ்ய ச த³ர்ஶனம் ।
ஆபானபூ⁴மிக³மனமவரோத⁴ஸ்ய த³ர்ஶனம் ॥ 29 ॥
அஶோகவனிகாயானம் ஸீதாயாஶ்சபி த³ர்ஶனம் ।
அபி⁴ஜ்ஞானப்ரதா³னம் ச ராவணஸ்ய ச த³ர்ஶனம் ॥ 3௦ ॥
ராக்ஷஸீதர்ஜனம் சைவ த்ரிஜடாஸ்வப்னத³ர்ஶனம் ।
மணிப்ரதா³னம் ஸீதாயா வ்ருக்ஷப⁴ங்க³ம் ததை²வ ச ॥ 31 ॥
ராக்ஷஸீவித்³ரவம் சைவ கிங்கராணாம் நிப³ர்ஹணம் ।
க்³ரஹணம் வாயுஸூனோஶ்ச லங்காதா³ஹாபி⁴க³ர்ஜனம் ॥ 32 ॥
ப்ரதிப்லவனமேவாத² மதூ⁴னாம் ஹரணம் ததா² ।
ராக⁴வாஶ்வாஸனம் சாபி மணினிர்யாதனம் ததா² ॥ 33 ॥
ஸங்க³மம் ச ஸமுத்³ரேண நலஸேதோஶ்ச ப³ந்த⁴னம் ।
ப்ரதாரம் ச ஸமுத்³ரஸ்ய ராத்ரௌ லங்காவரோத⁴னம் ॥ 34 ॥
விபீ⁴ஷணேன ஸம்ஸர்க³ம் வதோ⁴பாயனிவேத³னம் ।
கும்ப⁴கர்ணஸ்ய நித⁴னம் மேக⁴னாத³னிப³ர்ஹணம் ॥ 35 ॥
ராவணஸ்ய வினாஶம் ச ஸீதாவாப்திமரே: புரே ।
விபீ⁴ஷணாபி⁴ஷேகம் ச புஷ்பகஸ்ய ச த³ர்ஶனம் ॥ 36 ॥
அயோத்⁴யாயாஶ்ச க³மனம் ப⁴ரதேன ஸமாக³மம் ।
ராமாபி⁴ஷேகாப்⁴யுத³யம் ஸர்வஸைன்யவிஸர்ஜனம் ।
ஸ்வராஷ்ட்ரரஞ்ஜனம் சைவ வைதே³ஹ்யாஶ்ச விஸர்ஜனம் ॥ 37 ॥
அனாக³தம் ச யத்கிஞ்சித்³ராமஸ்ய வஸுதா⁴தலே ।
தச்சகாரோத்தரே காவ்யே வால்மீகிர்ப⁴க³வான்ருஷி: ॥ 38 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ த்ருதீயஸ்ஸர்க:³ ॥
