ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² அஷ்டத்ரிம்ஶஸ்ஸர்க:³ ।
தஸ்யாம் சீரம் வஸானாயாம் நாத²வத்யாமனாத²வத் ।
ப்ரசுக்ரோஶ ஜனஸ்ஸர்வோ தி⁴க்த்வாம் த³ஶரத²ம் த்விதி ॥ 1 ॥
தேன தத்ர ப்ரணாதே³ன து³:கி²தஸ்ஸ மஹீபதி: ।
சிச்சே²த³ ஜீவிதே ஶ்ரத்³தா⁴ம் த⁴ர்மே யஶஸி சாத்மன: ॥ 2 ॥
ஸ நி:ஶ்வஸ்யோஷ்ணமைக்ஷ்வாக ஸ்தாம் பா⁴ர்யாமித³மப்³ரவீத் ।
கைகேயி குஶசீரேண ந ஸீதா க³ந்துமர்ஹதி ॥ 3 ॥
ஸுகுமாரீ ச பா³லா ச ஸததம் ச ஸுகோ²சிதா ।
நேயம் வனஸ்ய யோக்³யேதி ஸத்யமாஹ கு³ருர்மம ॥ 4 ॥
இயம் ஹி கஸ்யாபகரோதி கிஞ்சி த்தபஸ்வினீ ராஜவரஸ்ய கன்யா ।
யா சீரமாஸாத்³ய ஜனஸ்ய மத்⁴யே ஸ்தி²தா விஸஞ்ஜ்ஞாஶ்ரமணீவ காசித் ॥ 5 ॥
சீராண்யபாஸ்யாஜ்ஜனகஸ்ய கன்யா நேயம் ப்ரதிஜ்ஞா மம த³த்தபூர்வா ।
யதா²ஸுக²ம் க³ச்ச²து ராஜபுத்ரீ வனம் ஸமக்³ரா ஸஹ ஸர்வரத்னை: ॥ 6 ॥
அஜீவனார்ஹேண மயா ந்ருஶம்ஸா க்ருதா ப்ரதிஜ்ஞா நியமேன தாவத் ।
தவயா ஹி பா³ல்யாத் ப்ரதிபன்னமேதத் தன்மாம் த³ஹேத்³வேணுமிவாத்மபுஷ்பம் ॥ 7 ॥
ராமேண யதி³ தே பாபே கிஞ்சித்க்ருதமஶோப⁴னம் ।
அபகார: க இஹ தே வைதே³ஹ்யா த³ர்ஶிதோத⁴மே ॥ 8 ॥
ம்ருகீ³வோத்பு²ல்லனயனா ம்ருது³ஶீலா தபஸ்வீனீ ।
அபகாரம் கமிஹ தே கரோதி ஜனகாத்மஜா ॥ 9 ॥
நனு பர்யாப்த மேதத்தே பாபே ராமவிவாஸனம் ।
கிமேபி⁴: க்ருபணைர்பூ⁴ய: பாதகைரபி தே க்ருதை: ॥ 1௦ ॥
ப்ரதிஜ்ஞாதம் மயா தாவத் த்வயோக்தம் தே³வி ஶ்ருண்வதா ।
ராமம் யத³பி⁴ஷேகாய த்வமிஹாக³தமப்³ரவீ: ॥ 11 ॥
தத்த்வேதத்ஸமதிக்ரம்ய நிரயம் க³ந்துமிச்ச²ஸி ।
மைதி²லீமபி யா ஹி த்வமீக்ஷஸே சீரவாஸினீம் ॥ 12 ॥
இதீவ ராஜா விலபன்மஹாத்மா ஶோகஸ்ய நாந்தம் ஸ த³த³ர்ஶ கிஞ்சித் ।
ப்⁴ருஶாதுரத்வாச்ச பபாத பூ⁴மௌ தேனைவ புத்ரவ்யஸனேன மக்³ன: ॥ 13 ॥
ஏவம் ப்³ருவந்தம் பிதரம் ராமஸ்ஸம்ப்ரஸ்தி²தோ வனம் ।
அவாக்சி²ரஸமாஸீனமித³ம் வசனமப்³ரவீத் ॥ 14 ॥
யம் தா⁴ர்மிக கௌஶல்யா மம மாதா யஶஸ்வினீ ।
வ்ருத்³தா⁴ சாக்ஷுத்³ரஶீலா ச ந ச த்வாம் தே³வ க³ர்ஹதே ॥ 15 ॥
மயா விஹீனாம் வரத³ ப்ரபன்னாம் ஶோகஸாக³ரம் ।
அத்³ருஷ்டபூர்வவ்யஸனாம் பூ⁴யஸ்ஸம்மந்துமர்ஹஸி ॥ 16 ॥
புத்ரஶோகம் யதா² நர்ச்சே²த்த்வயா பூஜ்யேன பூஜிதா ।
மாம் ஹி ஸஞ்சிந்தயந்தீ ஸா த்வயி ஜீவேத்தபஸ்வினீ ॥ 17 ॥
இமாம் மஹேம்ந்த்³ரோபம ஜாதக³ர்தி⁴னீம் ததா² விதா⁴தும் ஜனநீம் மமார்ஹஸி ।
யதா² வனஸ்தே² மயி ஶோககர்ஶிதா ந ஜீவிதம் ந்யஸ்ய யமக்ஷயம் வ்ரஜேத் ॥ 18 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ அஷ்டத்ரிம்ஶஸ்ஸர்க:³ ॥
