শ্রীমদ্বাল্মীকীয় রামাযণে অয়োধ্য়াকাংডম্ ।
অথ অষ্টত্রিংশস্সর্গঃ ।
তস্য়াং চীরং বসানায়াং নাথবত্য়ামনাথবত্ ।
প্রচুক্রোশ জনস্সর্বো ধিক্ত্বাং দশরথং ত্বিতি ॥ 1 ॥
তেন তত্র প্রণাদেন দুঃখিতস্স মহীপতিঃ ।
চিচ্ছেদ জীবিতে শ্রদ্ধাং ধর্মে যশসি চাত্মনঃ ॥ 2 ॥
স নিঃশ্বস্য়োষ্ণমৈক্ষ্বাক স্তাং ভার্য়ামিদমব্রবীত্ ।
কৈকেয়ি কুশচীরেণ ন সীতা গংতুমর্হতি ॥ 3 ॥
সুকুমারী চ বালা চ সততং চ সুখোচিতা ।
নেয়ং বনস্য় যোগ্য়েতি সত্যমাহ গুরুর্মম ॥ 4 ॥
ইয়ং হি কস্য়াপকরোতি কিংচি ত্তপস্বিনী রাজবরস্য় কন্য়া ।
যা চীরমাসাদ্য় জনস্য় মধ্য়ে স্থিতা বিসংজ্ঞাশ্রমণীব কাচিত্ ॥ 5 ॥
চীরাণ্যপাস্য়াজ্জনকস্য় কন্য়া নেয়ং প্রতিজ্ঞা মম দত্তপূর্বা ।
যথাসুখং গচ্ছতু রাজপুত্রী বনং সমগ্রা সহ সর্বরত্নৈঃ ॥ 6 ॥
অজীবনার্হেণ ময়া নৃশংসা কৃতা প্রতিজ্ঞা নিযমেন তাবত্ ।
তবয়া হি বাল্য়াত্ প্রতিপন্নমেতত্ তন্মাং দহেদ্বেণুমিবাত্মপুষ্পম্ ॥ 7 ॥
রামেণ যদি তে পাপে কিংচিত্কৃতমশোভনম্ ।
অপকারঃ ক ইহ তে বৈদেহ্য়া দর্শিতোঽধমে ॥ 8 ॥
মৃগীবোত্ফুল্লনযনা মৃদুশীলা তপস্বীনী ।
অপকারং কমিহ তে করোতি জনকাত্মজা ॥ 9 ॥
ননু পর্য়াপ্ত মেতত্তে পাপে রামবিবাসনম্ ।
কিমেভিঃ কৃপণৈর্ভূয়ঃ পাতকৈরপি তে কৃতৈঃ ॥ 10 ॥
প্রতিজ্ঞাতং ময়া তাবত্ ত্বয়োক্তং দেবি শৃণ্বতা ।
রামং যদভিষেকায় ত্বমিহাগতমব্রবীঃ ॥ 11 ॥
তত্ত্বেতত্সমতিক্রম্য় নিরয়ং গংতুমিচ্ছসি ।
মৈথিলীমপি যা হি ত্বমীক্ষসে চীরবাসিনীম্ ॥ 12 ॥
ইতীব রাজা বিলপন্মহাত্মা শোকস্য় নাংতং স দদর্শ কিংচিত্ ।
ভৃশাতুরত্বাচ্চ পপাত ভূমৌ তেনৈব পুত্রব্যসনেন মগ্নঃ ॥ 13 ॥
এবং ব্রুবংতং পিতরং রামস্সংপ্রস্থিতো বনম্ ।
অবাক্ছিরসমাসীনমিদং বচনমব্রবীত্ ॥ 14 ॥
যং ধার্মিক কৌশল্য়া মম মাতা যশস্বিনী ।
বৃদ্ধা চাক্ষুদ্রশীলা চ ন চ ত্বাং দেব গর্হতে ॥ 15 ॥
ময়া বিহীনাং বরদ প্রপন্নাং শোকসাগরম্ ।
অদৃষ্টপূর্বব্যসনাং ভূযস্সম্মংতুমর্হসি ॥ 16 ॥
পুত্রশোকং যথা নর্চ্ছেত্ত্বয়া পূজ্য়েন পূজিতা ।
মাং হি সংচিংতয়ংতী সা ত্বয়ি জীবেত্তপস্বিনী ॥ 17 ॥
ইমাং মহেংংদ্রোপম জাতগর্ধিনীং তথা বিধাতুং জননীং মমার্হসি ।
যথা বনস্থে ময়ি শোককর্শিতা ন জীবিতং ন্যস্য় যমক্ষয়ং ব্রজেত্ ॥ 18 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে অষ্টত্রিংশস্সর্গঃ ॥
